NEWS

HEALTH NEWS

 ANG  MYOPIA (Near Sightedness)

 SA  BAG-ONG PAGTUON  ang natural light kun ang kahayag sa adlaw ang adunay dakong tabang aron malikay ang mga batang adunay balatian sa mata nga gitawag ug myopia kun nearsigthtedness. Sa maong balatian masinatian sa bata ang pagka blurred kun dili maklarong butang kung halayo na kini kanila tungod kay ang kahayag sa adlaw nga musulod sa mata ang wala nasentro kaayo.
 Si  Doctor Khawaja sa University of Cambridge sa UK ang mipresenta sa ilang bag-ong nakalap nga mga ebidensiya nga ang pagka- expose sa natural nga kahayag sa adlaw ang dunay daghang benepisyong mahatag sa kabataan apil na sa ilang panan-aw,kini atul sa tinuig nga panagtigum sa American Academy of Opthalmology sa Orlando Florida.
Kahibaluan nga ang nearsightedness kon myopia ang  komon nga balatian karong mga panahuna ilabi na sa mga kabataan. Sa bag-ong systematic review ug meta-analysis gikan sa 10,4000 ka mga partisipante  migawas nga mikunhod ngadto sa dos porsento ang risgo nga magrabe ang myopia human nga migahin ug panahon ang mga kabataan  ug pipila ka oras sa gawas nga bahin aron masinatian ang natural nga kahayag nga  gikan sa adlaw.
Ginasuta  sa ginapahigayong pagto-on kung duna bay kalambigitan ang pagkadaot sa mata sa mga bata nga dili mahilig mugawas sa ilang mga panimalay ang tungod ba kini sa pagkamahiligon niini sa pagdula ug mga computer,hilig magbasa, mag-study  o dunay mga gipangbuhat nga  focus sa ilang mga mata sa usa ka object.(Venus C)

Clean Up Drive sa  Labangal gipahigayun 

DOÑA SOLEDAD,LABANGAL-Gikalipay karon sa mga katawhan sa Doña Soledad ang gihimong halapad nga “Clean-up Drive” niadtong nakalabayng semana sa  hiniusang pwersa  sa mga estudyante sa Labangal National High School ,205th Philippine Army Reservist ug  Barangay Council of Labangal. Mukabat sa dul an 500 ka mga indibidwal sa nasangpit nga mga hut-ong ang mipahigayun sa pag limpyo sa matud pa dekada na kagulangon nga mga basura nga anaa gitambak sa kilid nga bahin sa Phase 6 sa Doña Soledad.  Ingong man ang bahin sa Phase 5 niini ang nalimpyohan usab gamit ang tulo na ka mga dump truck gikan sa  Barangay.
 Gipasalamatan usab sa mga katawhan ang gihimong suporta sa PA Reserve Command human kini mipartispar sa pagpangimpyo sa naasoy nga dapit. Sumala pa sa labaw sa PA Reserve Command 205th RCDG nga si Lt. Rendez Acosta nga andam ang ilang buhatan nga makig duyog sa unsa mang gimbuhaton nga dunay kalabutan sa pag protekta sa atong kinaiyahan. Suportado usab ang maong kalihukan sa mga konsehal sa maong barangay nga silang Hon. Frank Cavan Sr. ug Hon. Zuelo Abing. Gibutyag usab ni punong Barangay Lorelie G. Pacquiao nga kini ang kabahin lamang sa ilang gisaad nga limpyong kumunidad alang sa tanan niining ginsakpan. Dugang pa niini nga matag sabado ang pagahimuon nga pagpanglimpyo palibot sa nagkadaiyang purok sa iyang barangay. Giawhag na lamang niini ang tanang mga residente sa matag purok nga makig tambayayong na lamang sa ilang programa dili alang sa barangay apan sa ilang kaugalingon aron ma mentinar ang kalimpyo sa palibot ingon man ang maayong panglawas alang sa tanan.
 (Cris Legaspi)

Cong. Manny Pacquiao gipasidunggan
sa  Pampanga Rotary Club

Personal nga gipadangat sa grupong Metro Angeles Pampanga Rotary Club ang ilang pasidungog sa 8-time world champion Sarangani Congressman Emmanuel D. Pacquiao niadtong naka labayng semana. Sumala pa ni Lito Aguilar,presidente sa maong grupo nga dako gayud ang ilang pagtahud sa kongresista, ug kabahin niini bout nilang pasidunggan pinaagi sa ilang inisyatibong pamaagi sa pagpasalamat sa pambansang kamao tungod sa iyang gihatag nga dungog alang sa tanang mga Pilipino. Usa ka botelyang gisulod sa bildong kahon ug gamay nga unlan nga dunay logo sa ilang grupo ang gi turn over ngadto sa buhatan ni Labangal Barangay Kapitan Lorelie G. Pacquiao diin maoy mirepresenta sa kongresista. Matud pa ni Kapitana Lorelie Pacquiao dili na bag-o alang sa iya ang maka dawat ug mga pasidungog alang kay Cong. Pacquiao gumikan kay ubay-ubay na usab ang mga organisasyon nga mihimo niini ngadto kaniya diin ang pipila ang dili na niini personal nga madawat sa kongresista tungod sa iyang mga pagbansay nga anaa ipahigayun sa gawas sa nasud. Kahinumduman nga pipila na usab ang gidawat sa kongresista nga pag endorso sa mga nagkadaiyang  ahensya sa atong nasyonal nga panggamhanan tungod sa kadungganan nga gihatag niini sa nasud. Nasayran nga nahidangat ang grupong Metro Angeles Pampanga Rotary Club tungod sa usa ka sports fest nga gipahigayun sa ilang grupo diin ang Gensan ang nahimong Host.
 (Cris Legaspi)

2.2 Milion nga Lying-in sa Bula abli na! 

Brgy. Bula,GSC  Gi ablihan na sa publiko ang dos punto dos milyones ka pesos nga lying - in sa Barangay Bula General Santos City niadtong Octobre 27,2011 atol sa culmination day sa Araw ng Bula. Ang maong selibrasyon gipangunahan ni Brgy. Captain Eduardo Vargas nga gi tambungan usab ni kagawad Ronnel Rivera nga maoy nanguna sa sa ribbon cutting sa maong gambalay. Daku ang kalipay sa maong kagawad tungod nahimo kining kabahin sa maong selebrasyon kung diin libuan usab ka mga residente sa Bula ang mamahimong makabenipisyo sa maong proyekto.
Samtang mapasalamaton usab si Kapitan Vargas sa kaubanan niining mga Brgy. kagawad nga silang kag. Filiciano Somosot, Mirasol Saligumba, Edison Tulio, Pedro Vargas ug Ladislao Gavilo Jr. sa tabang ug suporta nga gihatag niini sa maong proyekto alang sa kalambuan sa Brgy. Bula . Ang Bula Community Lying-in clinic nahimutang sa likod sa Bula Gymnasium.Subay niini panguluhan nilang Dr. Benjamin G. Pagarigan Jr. nga maoy Chief of Hospital/ lying-in Center, Dr.  Fe Congson isip medical officer III ug Rochel Lou L. Villaneza nga maoy magsilbing nurse In-charge sa maong lying in.
 (Dave Silagan)

Grafilo-Pacquiao Scholarship,
gikalipay sa mga ginikanan!

Alabel, Sarangani Prov.-Gikalipay sa mga ginikanan sa mga estudyante nga nahatagan ug Privilege Scholarship Program ni Mayor Corazon Grafilo ug Congressman Emmanuel “Pacman” Pacquiao sa pakigtambayayong sa Local Government Unit-Alabel sa pagpanguna usab sa presidente niini nga si Dr. Dominador Dizon. Mokabat ngadto sa 50 ka mga estudyante ang makabenipisyo alang sa 4 year courses samtang 50 usab alang sa vocational/ technical courses kung diin 50 porsyento ang diskuwento sa mga nahisgutan sa ilang tuition fees. Aduna usab 15 ka mga estudyante ang kasamtangang nagtungha sa Holy Trinity College ug GenSan Foundation Inc. Nasayran nga niadto pang tuig 2010 aduna usab lain pang 50 ka mga estudyante ang natabangan sa Grafilo-Pacquiao Schoolarship.
(Arman Chavez Rabia)

ENTERTAINMENT

Pacman's NIKE Collection website, gilusad!

Pormal ng gilusad ang bag-ong NIKE online website kung diin pwede na makapalit pinaagi sa pag-order sa ilang site ang mga mahiligon sa mga koleksyon ni Pacman. Kung kaniadto limited lamang ang mga gamit ni Pacquiao sa NIKE karon ubay ubay na susama sa Nike jogging pants, shorts, jackets, shoes, Nike highwire, Men & Women T-shirts ug uban pa.  Gumikan niini pipila sa mga avid fans ni Pacman ang nalipay tungod dili na nila kinahanglan muadto sa mga Nike store ug mag order na lamang sa website. Kahinumduman nga pipila na ka mga shop owners ang mikuha kang Pacquiao tungod matud pa nila usa ka effective endorser ang kongresista, butang nga miuyon usab si Top Rank Promoter Bob Arum “In commercials, they needed someone who spoke the language of potential sponsors. Someone with contacts at corporations. Someone who could leverage Pacquiao's popularity to sell companies on their sport beyond one fighter which is Manny Pacquiao."  Pamahayag ni Arum.
(Kathy Kasayan)

Coco Martin, Best Actor
sa Drama

Gi-angkon ni Coco Martin nga grabe ang iyahang kakulba sa dihang gidawat niini ang iyahang Award isip best actor for drama sa gihimong KBP Golden Dove Awards niadtong Oktubre 27. Matud pa niini nga bisan dugay na kini sa industriya ug makadaghang higayon na nakadawat ug award gibati gihapon niini ang grabing kakulba nga miresulta sa pagkahunong sa iyang acceptance speech. Gibutyag sa actor nga nalipay siya tungod kay nahimo niining nakaatbang sa susamang kategorya ang mga beteranong actress ug actor sama nilang Eddie Garcia, Piolo Pascual, Roderick Paulate, Amy Austria, Lorna Tolentino ug Susan Roces. Samtang atul usab sa maong pasundayag nahimong best actor si Roderick Paulate ug best actress for drama program usab si Lorna Tolentino. Si 2009 CNN Hero of the Year Efren Peñaflorida ang misakmit sa  pasidungog nga best magazine show.
(Venus C)

Gretchen “No comment”
sa isyung panagbulag sa igsoon

No Comment ang actress-socialite nga si Gretchen Barretto mahitungod sa balitang panagbulag sa igsoon niining si Claudine Barretto sa mister nga si Raymart Santiago. Nanghinaut si La Greta, nga dili na unta modako pa ang maong isyu ilabi na kay hisgutanang pangpamilya kini.   Dugang pa niini, unungan matud pa niya ang iyang igsoon kung unsa man ang nasinatiang kasakit niini ug uban silang magsalig sa labaw nga makagagahom sa tanan.  “I'd rather not comment pagdating sa pamilya. All I can really say is ipagdadasal ko siya ng ilang rosaryo and I think that's all I can really do. Ayoko na siyang palakihin. As a sister, I feel for her. As a sister, siyempre may pinagdadaanan din ako. All I know is kakapit kami sa Diyos," pahayag sa socialite. Una na niini, sa usa ka column ninggawas ang balita nga duha na ka bulang nagbulag ang magtiayon human sa lima ka tuig nga panag-uban.
 (Venus C.)

OCTOBER FEST “MODEL OF THE YEAR”2011
BARANGAY SAN ISIDRO

OPINYON

EDITORIAL

ANG HINDI MARUNONG GUMALANG SA PATAY;
MAHIHIRAPAN GUMALANG SA BUHAY!

Isang malinaw na basehan sa kasong libelo upang makulong ang isang manunulat o mamamahayag ay ang pagbigay dungis sa ala-ala ng isang namatay (blackening the memory of the dead), ito ay patunay na maging ang batas ng tao ay nagbibigay ng pugay at galang sa mga patay, ganito rin ang dahilan kung bakit sa mga malawakang trahedyang naganap kinakailangan pa na gumamit ng mga dalubhasa upang kilalanin ang mga bangkay na mga namatay na ito upang maibigay sa kanya-kanyang pamilya; na nag-nanais naman na mailibing ng maayos ang kanilang mga mahal sa buhay.
    Sa kabilang daku naman, higit na malaking pagpapahalaga at pag galang sa mga libingan ng mga patay ang ating makikita sa mga naniniwala sa relehiyong Islam.
    Dahil dito marapat lang na malaman natin kung makatwiran ba ang gawain ng mga pinuno ng syudad o bayan sa pag gambala lalo na sa pamamagitan ng demolition sa mga libingan ng ating mga mahal sa buhay, upang di- umanoy mabigyang daan ang pag-papaganda ng nasabing libingan.
    Hindi ba at malinaw na paglapastangan ang pag-gambala sa mga patay sa pamamagitan ng demolisyong ito, lalo na ang pagtambak ng mga labi nito sa iisang sisidlan, na naka sako at itambak sa isang container van?
    Isang bagay lang ang tiyak, basi sa kasaysayan ng Lungsod ng Heneral Santos at karatig Bayan ng Polomolok; ang mga Mayor na nag-utos ng Demolition sa pampublikong libingan maging ang dahilan ay pag-papaganda ng mga nasabing lugar ay natalo sa mga sumunod na halalan ng silay muling humarap sa taong bayan upang husgahan, marahil yan ay bahagi ng KARMA sa pag-gambala sa pamamahinga ng mga patay. Isang bagay ang tiyak; “ANG HINDI MARUNONG GUMALANG SA PATAY; MAHIHIRAPAN GUMALANG SA BUHAY”!

THE CONSPIRACY?
MERON NGA BA?

ANG PAG-LUTANG (pag-lutaw)
Sa tatlong serye ng nagdaang siling labuyo ating sinilip ang mga kaganapan sa mga nagdaang araw, upang makita ang katotohanan kung meron nga bang conspiracy o pakikipagkutsaba sa mga ilang kaganapan dito sa atin sa Gensan upang was akin ang pagkatao ng isang posibling balakid sa kandidatura ng naghaharing partidong political sa syudad ng Heneral Santos gamit ang ilang kawani ng media.
Matapos ang ang halos dalawang buwan, ngayon isang panibagong hakbang na ipapatupad, ang muling magpapatunay na sa mga naganap na tangkang paninira sa katauhan ni Kagawad Ronnel C. Rivera at isang sabwatan. Sinimulan noong nagdaang araw ng Huebes, isang program promo sa himpilan ng Brigada FM ang pag-papakilala sa isang bagong programa ng himpilan ang “Banat Brigada” na ang anchorman ay si kagawad Dante Vicente alyas Brigada Vic Dante, ang kagawad na umamin sa loob mismo ng konseho at nag sponsor ng isang resolution upang kilalanin ang kontrabersyal na coverage ng panahon na nabaril si Kagawad Ronnel C. Rivera, na tinitingnan na banta sa liderato ng AIM na partido mismo ng Kagawad na mag a-anchorman ng “Banat Brigada”.
Ang mga katanungan; PAANO MO BABANATAN ANG KAPAL-PAKAN NG ADMINISTRASYON NG SYUDAD, NA SYA MONG AMO?.... pangalawa SINO ANG BABANATAN MO? Yung banta sa lidirato ninyo?
Ang sitwasyong ito ay malinaw na sa lungsod ng Heneral Santos maliban sa mga uhugin na mga tuta na nag-dadamit ng media sa mga kakutsabang mga pahayagan at radio, wala nang matinong media ang makita na magpapaganda ng imahe ng kasalukuyang administrasyon ng Partidong AIM, kaya pati kanilang kagawad na kaalyado ay muling magpapalit anyo bilang media kuno.
                        -0-0-0-0-0-
Dahil sa respeto ng taong bayan sa hanay ng media, nagiging kapuna puna ang pag-pasok sa hanay ng ilang walang magawa sa buhay, meron ding mga ilang kawani ng media na sinasamantala ang kapangyarihan ng media upang kumita at magpayaman, bagay na hindi naman masama kung walang halong pandaraya sa isipan ng taong bayan, sa bagay na ito marapat lang na maging mapagmatyag ang mga tunay na may mga puso sa naturang gawain, upang mabantayan ang sariling hanay laban sa mga tila anay sa industriya na ang layunin ay makasarili, paalala ng siling labuyo, tigilan ninyo ang inyong hindi magandang gawain dahil marami pa rin kami na matitino at handang ipakipaglaban ang dignidad ng hanay ng media na naka- ALERTO at nagmamatyag sa inyo.
                        -0-0-0-0-0-0-
May hiya din pala itong ilang kamag-anak ng ilang kagawad ng syudad, na malinaw na sinasamantala ang pagkakataon na makapagtrabaho sa gobyerno, gamit lang ang kwalipikasyon na pagiging kamag-anak. Nakakalungkot lang dahil mukhang wala sa lugar ang nasabing hiya.
Nitong nagdaang araw nga martes Oktobre 18, taong kasalukuyan ako ay sinita ng isang CSU sa may hilagang bahagi ng pangalawang palapag ng Sangunian Panlunsod habang aking kausap ang ilang mga kasamahang Media, dahil ako ay pinalalabas sa may fire exit upang doon di-umano manigarilyo, maayos naman ang ginawa ko na paliwanag sa naturang CSU na hindi naman ordinaryong sigarilyo ang hawak ko na gaya ng ipinagbabawal ng City Ordinance # 9 series of 1992 na akda ni Kagawad Elizabeth Bagonoc, dahil una nga sa lahat ay bawat na sa akin ang paninigarilyo dahil sa aking sakit sa puso, kaya ako ay gumagamit ng kung tawagin ay e health cigarette.
Ito ay isang makabagong paraan upang tulungan na tuluyang makahinto sa bisyong paninigarilyo ang isang tao. Matapos ko na ipaliwanag sa naturang CSU kung ano ang kanyang napagkamalang sigarilyo na ipinagbabawal ng batas, panay pa rin ang pilit nito sa kanyang katwiran, na sinasabing nag-rereklamo daw ang ilang kawani ng mga kagawad ng sangunian, muli sinabi ko sa kanya na hindi nga ito gaya ng ordinaryong sigarilyo na ipinagbabawal ng batas.
Sa kabila ng mga paliwanag, lalong nagmatigas ang nasabing CSU na si Santos, na aking napag-alaman na kamag-anak daw pala ni Kagawad Meggie Santos, maliban dito, isa pang mama na tila gusting pumapel na abugado ng naturang CSU, at ito ay kinilala ng ilang mga kasamahan sa Media na isa din pala sa mga kamag-anak pa rin ng kagawad na mukhang kamag-anak pa rin ng CSU na sumita sa akin at kamag anak pa rin nitong si Kagawad Santos,
Ang malungkot pa nito sa bibig mismo ng kagawad na ito ay ating napag-alaman na itong pumapel na abugado nitong makulit na CSU, na pamangkin pa rin ng kagawad na isang Amon Ledesma, ay di-umano at job order ng tangapan ng Alkalde, na wala nang mapaglagyan sa City Mayors Office sa programan nitong SHEEP, na wala rin namang malinaw na performance, subalit gumagamit ng malaking halaga ng pundo ng bayan.
Ilan pa lang ito sa mga panimula, sa mga bagay na unti-unting sumisingaw dahil sa makikita nating nagiging kilos ng mga natatarantang mga opisyal ng ating pamahalaan. Abangan ang marami pang pagsisiwalat ng siling labuyo ating silipin kung sino-sino ang mga pamilya incorporated sa ating local na pamahalaan na ginawa nang palabigasan ang ating pamahalaan, na nagkukubli sa ngalan ng serbisyo daw sa publiko... 
For reactions, comments and suggestions please email us at brodkaster585@yahoo.com  

POSITIVE  ECONOMIC  IMPACT,
TALIABOT SA SOCSARGEN

Mga pangutana ug tubag nga angay
masayran sa Saging, Inc.
Ang sumpay......
Q. UNSAY BUOT IPASABOT SA A.M. #11-3-SC?
ANS.    New Rule on Service of Summons on Foreign Judicial Entities. “Amendaments of
Section 12, Rule  14 of Rules of Court on Service of Summon upon Foreign Private Judicial Entity. a.) By Personal Service Coursed through the appropriate court in the foreign country with the assistance of the Department of Foreign Affairs……..d.) By such other means as the court may in its discretion direct…… 
q. unsa ang buot ipasabot sa “forum shopping”?
ans. una - kung mag file ka ug demanda sa duha sa korte, pananglit ikaw miembro na sa saging, inc. nga naay kaso sa branch 15 unya niapil na pud ka sa claim sa davao nga naay kaso sa laing korte, ikaduha - kung ikaw kauban sa old claimants nga nabayran na, unya ni-apil na pud ka ug claim karon.

*Ang danyos perwesiyos kada miembro nga ginapangayo ngadto sa defendant companies pinaagi sa korte mokabat sa 5 ka milyon ka pesos. Apan ang asosasyon sa SAGING, Inc. nagatuo nga makab-ot kini kung mahusgahan sa korte pabor sa mga trabahante nga miembro sa maong asosasyon ang SAGING, Inc. Apan kung maareglo ang 5 ka milyon puede mobaba kay kini mag-agad sa mahimong panagsabot pinaagi sa MEDIATION BOARD pinasubay sa balaod nga gipatuman sa Korte Suprema. WARNING: Pagbantay sa usa ka empleyado “clerk” sa korte matud pa ang nagahimo ug pagsabotahe sa claim sa mga miembro sa SAGING, Inc. ginadani niya matag usa aron mahulog sa 'FORUM SHOPPING” ang ilang claim. Ang asosasyon aduna nay ginagunitan nga mga AFFIDAVIT sa mga miembro sa SAGING, Inc. nga iyang nabiktima
.
00000
GEN. SANTOS CITY  Usa ka dakong tabang pang ekonomikanhon sa tibook Socsargen kung madawat na sa kapin pito ka libo nga kanhing trabahante ug mga growers nga nagpuyo mismo sa sulod  sa plantasyon sa sagingan. Ang plantasyon gipanagiyahan sa kanhing kompanya sa STANFILCO nga nag operate kapin kon kulang sa trenta anyos dinhi sa Gen. Santos City.  Kining mga miembro sa asosasyon, ang SURVIVORS OF AGRICHEMICALS IN GENSAN (SAGING), INC. mga kanhing miembro sa DABAPWATI nga nakabase sa Davao City nga mibulag adtong tuig   2006. Gimugna ang bag-ong asosasyon ang  SAGING, INC., narehistro sa Securities and Exchange Commission June 16, 2009. Mibulag gikan sa DABAPWATI ang mga taga General Santos City tungod sa daghang  problema sulod sa asosasyon nga nagagikan mismo sa mga opisyales nga nag ilogay sa position sa kanhing presidente sa DABAPWATI nga si Osias Aguirre. Usa sa dakong rason sa pagbulag mao nga dili maproteksiyonan ang interes sa mga miembro sa asosasyon nga taga Gen. Santos City kon magpabilin sila sa DABAPWATI. Nagtoo ang mga opisyales sa SAGING, Inc. nga ania sa Gen. Santos City ang bug-at ug lig-on nga ebidensiya kon itandi sa ebidensiya sa taga Davao kon “EXPOSURE” sa banned chemicals ang pagahisgutan. Dili tanan nga trabahante  sa sagingan ang puwede muapil sa demanda ug gisiguro sa SAGING, Inc. nga kwalipikado ang tanan nga myembro niini sa pagdemanda batok sa mga defendant companies. Ang kompanya sa STANFILCO nigamit sa ginadili nga chemical mao ang DCBP gikan sa tuig 1974 hangtod sa 1986 lamang so kung sila nakatrabaho sa sulod niining mga tuiga sila kwalipikado. Si Attorney Rodolfo Ta-asan, Jr. ang abogado sa SAGING, Inc.nagpahimangno mga myembro sa SAGING, Inc. nga magbantay ga dili gayud sila moapil sa demanda sa laing korte gawas sa RTC Davao, Branch 15 kon asa ang ilang kaso nasang-at sa sala ni Judge Ridgeway Tanjili. Kay kung himoon nila kini mag duha ang ilang kaso ug kini ginadili sa korte. Kini ginatawag nga “FORUM SHOPPING” ug ang mahitabo sila madisqualify, madismiss ang ilang kaso. Klaro ug tataw ang ang pamahayag ni Atty. Ta-asan “ANG PENALTY WALA NA SILAY MADAWAT”, bisan ipangutana sa ubang abogado nga kung ikaw aduna nay kaso nga gi file sa usa ka korte unya mo file pud ka ug mao ra gihapon nga kaso sa ubang korte, forum shopping kana. Boot ipasabot ginatinontuhan nimo ang korte. Ang MASTER LIST sa SAGING, Inc. anaa na sa korte ug dili tinuod nga automatic nga mawala ang imong pangalan didto kon ikaw miembro sa SAGING, Inc unya magpalista pud ka sa ubang grupo nga anaa pud kaso nga gi-file sa laing korte. Warning kini  sa SAGING, Inc. tungod adunay mga grupo sa mga tawo ang nagalibot libot sa Gensan ug  mga probinsiya nga naga pangumbinsi aron sila magfile ug claim didto sa Davao. Adunay  lider sa mga kabus kuno ug usa ka clerk sa korte matud pa ug ubang daang myembro sa SAGING, Inc. nga adunay mga self vested interest nga gustong nilang ipahimo sa Chairman sa SAGING nga si Arturo Luardo. Apan wala musugot si Mr. Luardo sa ilang gusto kay dili kini advantageous sa mga miembro sa asosasyon ug tungod niadto sila naghimo ug nagsugod sa pag pangdaot sa asosasyon ug indiscrimately naga recruit ug mga tawo apil na ang wala makatrabaho sa sagingan basta makahatag ug cash nga moabot matud pa ug pipila ka libo  para sa pagproseso kuno sa ilang membership. Ila pang ginagamit nga pangumbinsi nga human na kuno ang kaso, daug na sila sa korte apan kini dakong bakak kay wala man silay mapakita nga dokomento aron magpamatood sa ilang ginasulti.
Atangi ang sumpay.....

KALINGAWAN/ATBP

KAGAHAPON OG KARON

Pulis na matulis
Ang sumpay.....

Nakabantay na lang ako nga iya na akong gialsa pasulod sa lawak. “Unsa imong buhaton sa akoa?” pangutana nga dunay duha ka meaning. Ang usa mao ang akong kahinam apan giubanan gihapon sa gamay nga kabalaka nga basin ba ug harsh siya ug dinad-an sa kama. Mapahiyom lamang ang kanahan ug miingon nga “ Wa kay angayang kabalak-an, andam akong manubag sa akong mamahimong responsibilidad diha nimo”. Human sa maong pulong gisundan gilayon kini niya ug halok sa akong ngabil nga nagpa init pag-ayo sa akong sensasyon. Murag kalit nga nag baga ang akong kalawasan sa kainit tungod sa iyang gipahamtang kanako nga first pa nakong nasulayan. Murag duna siyay gikulikot sa ubos nga hilabihang giluka. Woaooah! kalami sa akong paminaw mura kog gibayaw sa ikasiyam nga panganod. Di na nako gustong undangon pa niya ang iyang gibuhat kanako. Murag sama sa usa ka bosero ang pulis nga akong nailhan sa dyutay pa nga higayon. Grabe kaayo ang iyang pag sisid kanako ug taas kaayo ang iyang utong ug dugay kaayo siya mitunga. Gidungagan pa sa gilok kaayo niyang bangas mura kog gina kuryente sa mobo lamang kaayo nga boltahe. Mibalik na usab siya pag ukay sa akong tinaguang bahandi apan daw sama siya sa usa ka gutom ng binuhat ug way undang sa pagkaon sa usa ka lamiang hinukad. Mibarog ang matulis nga si Don-Don ug gihabwa sa akong atubangan ang iyang batuta nga tinaguan. Hahahahahay dakilang lahi gyud joya. Ug nagsugod na siya pag luto sa lamian nga utan. Handos lapos sa akong kaunoran ang kalami nga akong gibatayag. Lubong ug huslo sa mga higayon nga gihingagaw sa among panag uban. Way undang ang mga singot nga midagay-day sa kalami nga di ko buot tapuson. Bugtong ang hilom nga kagabhiun lamang ang saksi sa gugma ba kaha o lawasnong pagtagbaw lamang. Wala ako masayod kung unsa ang nag paabot sa among pagmata.
Nakamata  na lamang ako tungod sa kahumot sa kape nga akong nasimhutan ug nakurat ako tungod kay dili pamilyar ang lugar nga akong gikatulgan, sa dihang mubakod na unta ako didto nako nabatyagan ang kabug-at sa akong  kalawasan ug gipamaulan ako nga halos dili ako makabarog, misamot ang akong kakugang sa dihang lahi na ang akong sapot. Didto kalit nga mipatim-aw  si Don-Don ug  nakita nako ang iyang dagway nga nagpakilooy nga daw nangayo ug pasaylo. Didto nako nahinumdoman ang tanan .
Nakatawa ako sa akong gibati tungod kay wala ako nasilag kang Don-Don ang tawong akong gikasilagan kaniadto apan karon buot kung duolon ug gakson  aron akong ipakita kaniya nga ako diay siyang hinigugma. Ako na ang unang mibungat ug mga pulong  niadtong tungura ug ako siyang giagda nga iya akong taparan sa iyang kama, nakurat man si Don don apan  dali dali niya kining gituman, ug didto among gipadayag ang among mga gugma ug iyang gisaad nga among hikayon ang mga papelis aron kami makasal. Dako ang akong pagsalig kang Don-Don Ate Venz, pamatuod niini human nga siya namalaye sa akong mga ginikanan didto na ako naga ulian sa iyang boarding house, matag gabi-i o kaha matag  adunay higayon kami magsalo sa among mga kalipay. Ang iyang saad nga kasal ang nakalimtan na, human sa usaka tuig nga nakalabay subli kung giungkat ang hisgutanang kasal apan daghan siya ug rason hinungdan nga ako gihapon siyang gisabot. Matud pa niya nga busy sila sa trabaho kay dunay mahitabong bag-ong paglahugay sa kapulisan. Aron nga makatabang ako, ako na mismo ang mibolontaryong muatiman sa mga papelis nga among mga kinahanglanon aron madali ang among pagpakasal.
Apan sa dihang anaa na ako sa NSO, didto nako nasayran ang tanan nganong wala pa malihok si Don Don ang among kasal tungod siya usa diay ka dakong minyo. Daw gitabunan ko sa langit ug yuta niadtong panahuna ug buot kung musinggit sa kahuoot sa akong dughan, apan ako lamang kadtong giluom ang tanan  ug dayon mipauli sa among pinuy-anan ug didto nako gihurot ang tanan nakong kasakit nga akong gibati. Nahimo akong tanga tungod sa akong gugma kang Don Don , apan dili usab nako kaya nga mawala sa akong kinabuhi ang akong hinigugma, busa nakahukom ako nga ako na lang itago ang akong nahibaluan . sa pagpauli ni Don Don ako pang gipalabwan ang akong pag atiman kaniya aron dili niya ako biyaan susama sa iyang pagbiya sa iyang asawa.

Magtatampo,

Liza,

KINSA MAN NI?

THE HON. BARKER BEWARE

Barker who keeps on barking Even if its NONSENSE… KINSA MAN NI He s trying to EMULATE himself nga HAWOD sa ere….

And now He's back Daw ohh… Accdg. Sa tiktikpaniid@YAHOO.COM para cyang TALKING PARROT… kinsa man ni.. Can I give you a CLUE… Accdg. To my research this and that.. jejeje
KABAYONG BUNDAT.. kinsa man ni.. ang makatag-an dunay PREMYO… hala bantay mo hapit na pud na MAGBAHIS…

Baygon

AMO:"Bakit iniiwan mong walang takip ang ulam? Lalangawin yan!"
INDAY:"Sigurado pong hende mam!"
AMO:"At bakit?"
INDAY:"Enespreyan ku pu ng Baygun!"
Inday
AMO: "Inday iakyat mo ang bag ko!"
INDAY:"Sa TAAS po mam?"
AMO:"Sa baba! hukay ka den IAKYAT mo PABABA! O san ka pupunta
 INDAY:"Hihiram po ng PIKO!"

Torso

Perlita: Juan mura man kag TROSO?
Juan: Kay nganu man? TROSO kay ko ug lawas?
Perlita: ahmm...dili wue....Lami man gud kaayo kang tumbahon
....hehehhehehe


Utot

Unsay English sa utot bisaya joke
Anak: tay, unsay english sa utot?
Tatay: wind of change..
Anak: kanang utot na di motingog?
Tatay: sound of silence....
Anak: kanang utot na nay tae?
Tatay: dust in the wind......
Anak: kanang utot na wala gitoyo?
Tatay: careless whisper....
Anak: kanang gi pugngan na utot?
Tatay: please release me.......

Si juan og si bungi

juan: pre, gisi lagi na imo sapatos?
Bungi: uso nana kawon. Ragid ba.
Juan: gisi man pud lagi na imong karsones?
Bungi: old skol gud. Choi2 ba.
Juan: unya imo t-shirt gisi2 man lagi pud?
Bungi: pre, mo abot gani ng gisi-a sakong baba kulatahon jd

Asterisk

Carlo : hoy yaku! nganung cige man ka ug katawa diha?
Yaku : hehehehe... kabalo nako sa imo pin number. hehehe...
Carlo : unsa man akong pin number b?
Yaku : upat ka asterisk... hehehe

NEWS

NBI, imbestigahan ang pagpatay
kang P02 Banas

General Santos City-  Padayun pa karon nga giimbestigahan sa  National Bureau of Investigation-NBI ang kasong pagpamusil patay kay PO2 Danson R. Banas nga matud pa sa alegasyun sa iyang asawa ra usab nga pulis.
Nagtuo ang pamilyang Banas nga posibleng mas duna pay daku nga hinungdan sa kamatayon sa ilang kabanay ug dili lamang ang anggulong away sa magtiayon.
Kahibaluan nga dunay usa ka pulis ang mitumaw alang sa pag angkon nga siya matud pa ang naka pusil patay sa biktima. Usa ka PO1 Romanito Masiado ang nagpaila nga responsable sa maong panghitabo diin hangtud karon pakyas pa ang mga kapulisan sa pag tino sa motibo niini.
Sumala pa sa nakuhang taho sa ABANTE SOCSARGEN NEWS back to zero matud pa ang imbestigasyon sa NBI alang sa pag suta sa kamatuoran nga hangtud karon gihikaw lang gihapon sa pamilyang Banas. Nasayran nga nag negatibo sa gipahigayun nga paraffin test ug ballistic test ang duha ka mga suspetsado. Sagad nga naka palibog gayud sa imbestigasyon sa kapulisan.
Samtang gilubong na sa pamilyang Banas ang ilang mahal sa kinabuhi niadtong naka labay'ng Sabado  gikan sa Collado Funeral Homes padulong sa Camp Fermin G. Lira, Jr., diin gipasidunggan kini pinaagi sa “21 gun salute” ug diretso nang gidala sa Monte Cielo Eternal Garden sa Barangay Mabuhay. 
Sa laing bahin gibutyag usab ni  Police S/Insp. Hoover Antonio, hepe sa Bula Police station nga magdepende pa sa mahimong resulta sa ilang imbestigasyon ang dagan sa kaso ni PO2 Banas diin padayon pa gihapong naka kustudiya sa ilang buhatan silang PO1 Rowena Banas ingon man si PO1 Romanito Masiado.
(Bonie Santillan)

State of Calamity ,gideklara sa
Calumpang-Kap. Salubre

Mideklara ug State of Calamity ang Brgy. Calumpang kaniadtong milabay nga semana  tungod sa sunog nga natigayun sa may Lower Puting Bato,Calumpang. Gikabutyag ni Brgy. Capt. Reynaldo “Loloy” Salubre  kung hain magahin kini ug kapil sa  P500,000 alang sa mga apektadong mga pamilya. Samtang pagatun- an pa sa Local nga panggamhanan sa Gensan ang mamahimong ayuda alang sa mga nahisgutang pamilya. 
Mukabat sa P2 Milyon ka pesos ang nahimung damyos sa  maong  sunog  kung hain mukabat usab sa 200 ka mga pamilya ang namakwit sa Acharon Sports Complex. Matud pa ni F02 Allan Rey S. Emperio imbestigador sa Bureu of Fire  Protection nga naugdaw gayod ang mga panimalay sa mga nabiktima sa kapin oras nga pagpalong sa halapad nga kalayo migula sa ilang pagsusi  nga nagdagkot ug   kandila ang panimalay mismo ni Leonora Maliorca nga  mauy usa sa hinungdan nga nakalas ang kinabuhi samtang samaron ang apo niining si Micheal Dela Cruz nga usa rag gipuy an. Kahinum duman nga gawas sa BFP, tulo ka Fire Trucks ang mialayon sa pagpalong sa maong sunog una ang Bombero sa RD nga gipanag iyahan sa pamilyang Rivera, KCC, ug Fil-Chinese Chamber Fire Volunteer ang mirespondi sa maong sunog.
(Jomar Plasabas) 

2 ka mga sundalong namatay
sa Basilan, gilubong na!

General Santos City-  Gilubong na ang duha ka mga sundalo nga namatay human sa panag-engkwentro didto sa Alabarka, Basilan niadtong mga nakalabay nga semana. Masulob-on ang pamilyang Sta. Rita ug Magno atol sa lubong sa ilang hinigugma sa kinabuhi. Ang mga bayani nailhan sa pangalang Sargeant Ronald Sta. Rita ug Private First Class Jordan M. Magno kung asa kaniadtong miaging semana Oktubre 23 sakay sa Cebu Pacific ang patay'ng lawas sa duha ka sundalo nga miabot sa General Santos International Airport. Gitagbo sa usa ka military honor ang duha ka sundalo isip pag-ila sa ilahang kabayanihan. Nanawagan usab ang pamilya sa duha ka sundalo ug hustisya tungod sa nahitabo sa Basilan. Samtang, gisiguro usab sa 10th Infantry Division sa Phil. Army nga makadawat ug hinabang  gikan kanila ang pamilya sa mga namatay. Sigon pa ni Lt. Col. Lyndon Paniza, tigpamaba sa 10th ID nga makadawat ug benepisyo ang mga beneficiaries sa mga nahisgutang, “The President's Social Funds will provide cash support amounting to PhP 250,000 for those Killed in Action (KIA) while those who were Wounded in Action (WIA) will receive PhP 100,000 for major injuries and PhP 50,000 for those with minor injuries.” Makadawat usab ug benipesyo gikan sa Special Forces Regiment-Army ang pamilya nilang Sta. Rita ug Magno nga adunay kantidad nga P10,000.00 ug uban pa susama sa pension, house and lot, full scholarship sa mga dependents gikan sa AFP Educational Benefits System Office.
(Rhea M. Dela Cruz)

1^st PRO 12-Media Fellowship masadyaon!

Masadyaon nga nahuman nga gipahigayon ang  Police Regional Office (PRO) 12 ug Media Fellowship niadtong Oktubre 28 sa Golden State HRM Laboratory.  Mukabat sa dul-an 400 katao ang mitambong sa maong okasyon lakip na ang mga kapulisan ug mga magsisibya sa Sarangani, Gensan ug South Cotabato. Mismong si Regional Director Chief Supt. Benjardi Mantele ang nanguna ug mi-prepara sa maong panagtigum sa tabang usab ni Chief PIO Resty Damaso ug kinatibuk-ang pwersa sa kapulisan. Luyo sa gi-andam nga pahalipay alang sa mga media practitioners kung diin ubay-ubay nga mga appliances ang libreng madawat, nagpakita usab sa ilang talento ang mga kapulisan pinaagi sa pagsayaw ug kanta kung diin maka-angkon ug dakong kantidad sa salapi ang makasakmit sa titulong kampeon. Dako ang pasalamat ni Chief Supt. Mantele sa usa ka adlaw nga panagtigum sa PNP ug mga media tungod tumong sa maong okasyon arun palamboon pa ang panag-uban sa kapulisan ug magsisibya luyo sa kabisihon sa trabaho. (Kathy Kasayan)

46 anyos, sikop sa buy bust
operation sa PDEA!

PDEA RO 12- Sikop ang usa ka Michael Asprer, 46 anyos, minyo, walay trabaho nga taga St. Anthony Street Poblacion Kiamba, Sarangani Province human nagpahigayon ug buy  bust operation ang puwersa sa kapulisan ug ang Philippine Drug Enforcement Agency (PDEA) niadtong Oktubre 26, 2011 sa Hidalgo St. Brgy. Poblacion Kiamba, Sarangani Province.  Nakuha gikan sa suspetsado ang tulo ka sachet nga shabu ug mark money nga P500. Sa kasamtangan, gihan-ay na sa kapulisan ang ipasakang kaso nga paglapas sa Republic Act 9165 ngadto sa suspetsado.
(Gretchen Oliver/ Dave Silagan)

SPORTS

“Hard Training” ang
kinahanglan - Pacquiao

Mas-pahugtan pa karon ang training ni 8-Division World Champion Manny Pacman Pacquiao pipila na lamang kaadlaw ang nahabilin alang sa fight niini batok kang 3-Division World Champion Juan Manuel Marquez.  Ganado matud pa ang pambansang kamao, sa iyang training didto sa Wild Card Gym, Los Angeles kung asa “hard training” matud pa ang iyang kinahanglan aron makab-ot ang kada-ugan. “Gusto ko talaga good performance sa November 12 to make sure na people will be happy,” sumala pa sa Pambansang Kamao.
Sa pikas bahin, nasusama sa Filipino Ring Icon ang kondisyon sa bag-ong sports car niini nga Ferrari 458 Italia nga nagkantidad  ug P13-Million nga kulay abuhon (smoky Gray)  isip regalo sa kaugalingon kung asa atol sa media day gikagubtan kini sa mga Internationa Media ug mga fans didto sa Wildcard Boxing Club, Los Angeles. “Regalo ko sa sarili ko. Okay naman. Mabilis masyado. First time natin nakasakay sa Ferrari,” sumala pa ni Pacman.  Kahibaluan ang Pacquiao-Marquez Trilogy mahitabo karong umaabot nga Nobyembre 13, 2011 didto sa MGM Grand Garden Arena Las Vegas, Nevada kung asa panalipdan sa Boxing Superstar ang belt niining WBO Welterweight Crown.
(Ed Angeles)

NEWS

Congressman Pacquiao
Lt. Colonel Reservist sa  AFP

Gitubag ni Sarangani Congressman Manny Pacquiao ang mga taho may kalabutan sa promosyon sa AFP kaniya isip Lt. Col. reservist. “Sila lang naman ang nakaka-alam, alam naman natin na hindi sila basta basta lang mag promote ng ganung ranggo kung hindi ako qualified..”pamahayag ni Pacquiao. Kahinumduman nga gituboy isip Lieutenant Colonel sa Armed Forces of the Philippines reserve force ang kongresista niadtong Setyembre 21, 2011 kung diin usa ka  parada ang gihimo ngadto kang Pacquiao sa Fort Bonifacio, Taguig City.
Mismong si Executive Secretary Paquito Ochoa Jr. ang mi aproba sa promosyon nga gimugna sa AFP nga giulohan ni Army Chief Lt. Gen. Arturo Ortiz. Sumala pa ni Ortiz, anaa na kay Pacquiao ang abilidad sa usa ka Pilipino nga angayang hatagan ug igong pagtagad tungod sa mga nabuhat niini sa nasud. “Pacquiao qualify the new rank, the President of the Philippines has the sole authority to approve the promotion as commander-in-chief…Pacquiao is very special and exceptional, that's why we also gave him the honors… As a reservist in the Army, Senior Master Sergeant Pacquiao has never failed to inspire his fellow soldiers. His personal discipline and quest for excellence are worthy of emulation,” matud pa  ni Ortiz.
Nasayran nga ang nakab-ot nga edukasyon ug pag panday sa mga balaud isip Congressman ang hinungdan nganong nakab-ot sa kongresista ang bag-o niining posisyon. Sa pagkakaron usa na ka incumbent Command Sergeant Major of the 15th Ready Reserve Division si Pacquiao ug base sa datus ka level na niini ang ikaduhang Pangulo nga si Jejomar Binay, kanhing Interior Secretary Rafael Alunan, kanhing senador Richard Gordon, Luisa “Loi” Ejercito, kanhing defense secretary Gilbert Teodoro ug Air21 President Bert Lina nga nakakuha usab ug hataas nga ranggo sa military reservists isip colonel.  Pipila na usab ka mga pasidungog ang naangkon sa kongresista lakip na ang Philippine Legion of Honor degree of officer atul sa selebrasyon sa ika-73rd anibersaryo sa AFP niadtong Disyembre 2008 ug Outstanding Achievement Medal niadtong 2009. Gumikan niini ilabihan ang pasalamat ni Pacquiao sa ngadto kanila. “Thank you very much for the recognition, your support, especially to my last fight against Sugar Shane Mosley. Many were disappointed at that fight, including myself. But he just ran and ran, and I just chased and chased. I couldn't catch up but I'm still happy that I was able to bring honor not only for me and my family but to the entire country..” saysay ni Pacquiao.
    Kahinumduman nga naka-angkon usab ug doctorate degree si Pacquiao niadtong 2009 nga mao ang Honorary Doctorate Degree in Humanities sa Southwestern University sa Cebu. Pinaagi sa gipakitang suporta sa mga Pilipino kaniya, gipasalig ni Pacquiao nga magpadayon ang paghatag niini ug pasidungog sa nasud Pilipinas ingon man ang pagtabang niini sa mga kabus nga nanginahanglan kaniya. “I am also a soldier. I am proud of the Army in the same way you are proud of me. As I've said many times, I hope that I am able to bring glory and honor to my countrymen.” Pamahayag ni Lt. Col. Pacquiao.
 (Kathy Kasayan)