NEWS

SP Website ilusad-VM NOGRALES

SANGGUNIANG PANLUNGSOD-Plano karon nga ilusad sa 16th Sangguniang Panlungsod ang usa ka website kung diin makatabang matud pa sa mga konsehal arun mas mamahimong sihag ang ilang binuhatan ngadto sa publiko. Lakip sa maong website ang mga resolusyon ug ordinansa nga posibleng ipasa sa Sanggunian.  Sumala pa ni VM Shirlyn Bañas-Nograles kung posibleng mahinayon ang maong website dako ang posibilidad nga mas mahilayo sa isyu ang mga konsehal tungod bisan kinsa pwede maka log-on ug magbilin ug komento ug suhestyon  “towards transparency and accountability..all activities of the Sanggunian as well as the resolution that are being passed will be posted there.. so more accessible to the people of Gensan.” Pamahayag ni VM Nograles.
Gimugna ang maong website arun mahatagan ug kasayuran ug updates sa mga panghitabo sa dakbayan ang mga Heneral nga anaa na sa abroad. Ang mga agenda nga pagahisgutanan matag martes atul sa regular session pwede na usab makit-an. “tanan-tanan naa na diri..all about SP like now mas mapadali na for all of us.. If you missed the agenda for the last regular session just visit the site kay naka post na tanan didto ..unsang adlaw ug unsa tong mga na discuss.” Kahinumduman nga anaa nay website ang dakbayan nga mao ang www.gensantos.gov.ph kung diin naka poste ang mga aktibidades.
Sa pagkakaron, naghinam hinam na ang mga Generals nga makit-an ug masulayan ang Sangguniang Panlungsod (SP) website ug posibleng sa bulan sa Nobyembre ipahigayon ang paglusad niini. Nanghinaut usab si VM Nograles nga magpabilin isip legasiya sa dakbayan ang pagmugna niini.
 (Kathy Kasayan)

KALILANGAN 2011(MSU), Best Tourism Event

KALILANGAN- Subling napili na usab ang Kalilangan 2011 isip Best Tourism Event of the Philippines, Culture & Arts Category, City level atol sa 12th Association of Tourism Officers of the Philippines kun ATOP niadtong Oktubre 3-6 2011 sa National Convention didto sa Villareal Staduim, Roxas CityProbinsya sa Capiz.  Champion usab ang 6th National Tourism Week Celebration, City level sa tibook nasud. Samtang sa kategoryang Sports and Wellness 1st Runner-up usab ang 4th Gensan Eco-Karera, 1st Runner-up usab si Dr. Gregory Dominic Velos sa Best Tourism Officer of the Philippines.  Sulod sa 34 ka syudad nga apil sa mga kategorya ug sa 17 ka dakbayan nga nakasulod sa Search for the Best Tourism Officer of the Philippines, gipatigbabaw sa syudad ang pagka-generals niini hinungdan nauli niini ang kadaugan. Sumala pa sa City Economic Management and Cooperative Development Office (CEMCDO) Department Head Meriam L. Buguis “They are the unsung heroes behind these events who continuously labored to promote Gensan in the national tourism scene.”  Dako matud pa ug natabang ang mga Tourism Division Staff sa naangkong kadaugan sa Gensan. Napamatud-an gayud nga  “Home of the Champions” ang syudad sa Heneral Santos human sa pipila ka mga Generals ang nakadala ug dungog susama na lamang nilang Melai Cantiveros ang  Pinoy Big Winner sa Pinoy Big Brother,  Gerald Anderson PBB Teen Edition 3rd Big Placer, XB Gensan ug True Colors sa Showtime, Miss Universe Third Runner up Ms. Shamcey Supsup,  WBA/WBO World Champion Nonito Donaire ug 8-Division World Champion Manny Pacman Pacquiao. Sa pikas bahin malaumon si Hon. Virginia T. Llido ang Committee Chairman sa Department of Tourism nga madala gihapon sa syudad ang kadaugan sa entry nga Tuna Festival. “With High Hope the Tuna Festival 2011 maybe our next year's entry and who knows 2012 will be another betray for General Santos City.” dugang pamahayag ni kag. Llido. Kahibaluan niadtong tuig 2009 nahimong kampyon ang Kalilangan Festival kung asa ikaduhang higayon na kining kadaugang nakuha sa syudad.
 (Ed Angeles)

Kritiko gihagit ni Kapitana

Barangay Labangal - Gihagit karon ni Barangay Captain Lorelie D. Pacquiao ang iyang mga kritiko nga pamatud-an ang ilang mga alegasyon batuk kaniya. Kini human nakabasa ang kapitana sa usa ka artikulo sa tabloid dinhi sa dakbayan sa Heneral Santos nga mihimo pag atake kaniya ug personal na nga mga isyu diin pulos walay  basihan. Sumala pa ni kapitana Pacquiao nga dako ang iyang pagtuo nga kabahin na kini sa gihimong lakang sa iyang kanhing kontra sa pulitika human nga naka himo kini ug kahiwian sa usa ka residente sa Purok matinabangon nga nangayo ug pakitabang sa iyang buhatan. Abli matud pa ang iyang buhatan alang sa pagsuta sa unsa mang bout  nga masayran sa tanang mga katawhan sa iyang barangay. Kahinumduman nga milingkod sa iyang katungdanan ang kapitana nga bisan usa ka dump truck ang wala nay Makita gumikan sa pakyas nga pag turn-over sa milabay nga administrasyon. Nagtuo ang si kapitana Pacquiao nga dili ingon ana ka mubo ug salabutan ang iyang mga ginsakpan sa tibuok Barangay nga mutuo gilayun ug mga isyu nga walay igong basihan. Gitun-an na karon sa iyang mga abogado ang saktong lakang nga pagahimuon sa ilang kampo alang sa pag pahamtang ug igong kaso sa mga nagpaluyo niini.
 (Cris Legaspi)