 |
Pacquiao, sayong nakab-ot
ang kondisyon-Roach | | |
Anaa na sa 75 hangtod 80 porsyento ang kondisyon ni 8-Division World Champion Manny Pacman Pacquiao kini ang gikumpirma ni four-time Trainer of the Year Freddie Roach nga sayo pa kaayo nilang nahimo kun nakab-ot ang pagpakondisyon sa Filipino Ring Icon alang sa ilang trilogy batok kang Juan Manuel Marquez karong Nobyembre 13, 2011 didto sa MGM Grand Las Vegas, Nevada. “We're way ahead of where we usually are, like 75-80% of where we should be by fight night, We're usually around 50% right now. I have to make sure we don't overdo it.” matud pa ni Roach. Kahibaluan depensahan sa 32-anyos nga si Pacquiao (53-3-2, 38 KOs) ang bakus niining suot nga WBO welterweight title batok sa 38-anyos nga si Marquez (53-5-1, 39 KOs). Susama sa mga nakalabay pang fight ni Pacman ang kakusgon ug ang kapaspason sa kinumo ang gitutukam karon sa batan-ong magbabalaud batok sa Mexican lightweight titlist. “I'm focusing on my strength and speed. They're watching my body, so I don't become too big. I control my training, step by step, until the time comes to fight. I want to be gradual in my training.” Sumala pa sa Sarangani Congressman. Dugang pa ni Roach walay laing gustong himoon si Pacman kun dili patumaban ang kaatbang. Bisan paman makatulo ka higayon nga gipalukapa sa pambansang kamao sa unang round si Marquez, usa ka draw ang nahimong disisyon sa unang fight niini niadtong Mayo tuig 2004. Tuig 2008 bulan sa Hunyo giilog ni Pacman ang gisuot niining WBC Super Featherweight belt ni Marquez pinaagi sa split decision atol sa ilang rematch.
(Ed Angeles)
 |
2011-2012 NBA season posibling
makansela |
Posibling makansela kun dili mahinayon ang National Basketball Association (NBA) karong umaabot nga 2011-2012 NBA season kini human gibasura sa mga players ang 50-50 split revenue nga gipaburan sa mga team owner. Sumala pa ni NBA Commissioner David Stern nga kutob sa adlaw'ng Lunes kinahanglan makahimo na ang duha ka partido ug bag-ong labor deal aron masulbad na ang maong suliran. Giangkon usab ni NBA Deputy Commissioner Adam Silver nga sa kasamtangan wala pa gihapo'y maayong dagan sa negosasyon ang duha ka grupo sa nahitabong lockout sa NBA. Posibling magsubo gayud ang libuang NBA basketball fans kung ugaling dili mahinayon ang giatangang season. Samtang positibo gihapon si Players' Association Leader Derek Fisher nga mahinayon ang 2011-2012 NBA Season.
(Dave Silagan)
