SPORTS

Donaire ug Orcollo “Athletes of the Year”

Giila isip 2011 Athletes of the Year sa Philippine Sportswriters' Association (PSA) silang Boxing Champion Nonito “The Filipino Flash” Donaire Jr. ug Billiard Star Dennis Orcollo kung asa ang matag tuig nga pasidungog pagahimoon karong bulan sa Marso. Nagkasinabot ang mga editors ug writer sa PSA nga ihatag nilang Donaire ug Orcollo ang pinakataas nga award sa tuig 2011. Basihan sa PSA sa pagpili sa The Filipino Flash ang Second Round Knockout Win niini batuk kang kanhing WBC/WBO Bantamweight Champion Mexican Fernando Montiel samtang kang Orcollo gibasihan sa kalampusang kadaugan batuk kang Niel Feijen nga taga Netherlands ug nasungkit ang World 8-Ball Championship Title nga maoy nakapasikat sa nahisgutang Billiard Star didto sa Fujairah, United Arab Emirates.
(Ed Angeles)

Arum makighimamat  kang
Mayweather

Andam na matud pang makighimamat ang kampo ni 8-Division World Champion Manny Pacman Pacquiao kang Floyd Mayweather Jr.  sa pagpanguna sa Top Rank Promotions kun Promoter Bob Arum alang sa gikahinamang  Mega Fight sa katapusang semana sa bulan sa Mayo. Sumala pa sa 80 anyos nga promoter, si Mayweather lamang ang ilang pakigsabutan alang sa maong fight dili matud pa apil ang Golden Boy Promotions nilang Oscar Dela Hoya ug Richard Schaefer. “We are locked and ready to go. I can't say the same for the other side because I don't know what arrangements have been made because I'm not privy to that, And indeed I don't even know if Schaefer is involved.” pamahayag nio Arum. Sa pikas bahin, nahisgutan usab matud pa  ni Pacquiao ang pangalan ni Miguel Cotto sa Puerto Rico , kung ugaling dili matud pa maka-angay  sa negosasyon si Mayweather alang sa ilang panagsangka, dako ang posibilidad nga adunay mahitabong Pacquiao- Cotto Part 2.  “I am not authorized to talk about who it is, because whoever it is-- is Plan B. When they become Plan A, we'll talk about it, “Plan A is Mayweather. We are locked and loaded on our side, we're ready.” Dugang pamahayag ni Arum.  Gawas nilang Mayweather ug Cotto, abri usab sa negosasyon ang kampo ni Pacquiao nilang Juan Manuel Marquez, Lamont Peterson  ug Timothy Bradley, Jr. Sa kasamtangan si Pacquiao adunay gihupatang 53-3-2 win-loss-draw ring record apil na ang 38 KOs kung itandi kang Mayweather (42-0, 26 KOs), Marquez (53-6-1, 39 KOs), Peterson (30-1-1, 15 KOs) ug Cotto (37-2-0, 30 Kos).
(Ed Angeles)