NEWS

City Slaughter House, dili na maka-transport
ug karne gawas sa Gensan

Gikumpirma ni City Veterinary Officer Dr. Antonio Ephraim Marin niadtong nakalabay nga 64th Regular Session sa Sangguniang Panglungsod nga ning-ubos na sa Single A ang General Santos City Slaughter House nga gikan sa Double A niadtong tunga-tunga sa tuig 2009  .  Gipasabot sa maong opisyales nga ang pag-ubos kun ang pag down grade sa Slaughter House dako kining epekto tungod dili na matud pa maka transport ug makasuplay ug mga karne ang syudad sa kasikbit nga lugar niini susama na lamang sa Davao ug Cagayan. “Yong down-grading ng slaughter house nayan, hindi na tayo allowed to transport our meat products outside of General Santos were in fact previously tayo yong nagsusuply sa Davao at Cagayan.” pamahayag niini.  Sumala pa ni Dr. Marin kinahanglang maghimo na lamang ug bag-ong slaughter tungod gawas sa kadaan niini, dili na usab matud pa kini makapasa sa Good Manufacturing Practice ug Hazard Analysis and Critical Control Points, kun GMP ug HACCP. “We don't want anymore to improve the Slaughter house because its really old, kailangan na po nating gumawa ng once and for all baguhin nalang natin yong Slaughter house natin , na to.. provide a better service sa ating mga constituents, wala na kasi, eh, talagang parang nag-rerepair ka ng sasakyan ng marami ng kalawang ba… tulo-tulo na yong mga bubong nya , sira na yong mga pader ata.” dugang pamahayag ni Dr. Marin.  Kahibaluan ang City Slaughter House natukod pa niadtong tuig 1977 kun 34 na katuig.
(Ed Angeles)

Kanhing Konsehal gilubong na
- Konseho emosyonal

Gilubong  na ang kanhing konsehal ning dakbayan sa Heneral Santos nga si Jose Mari “Chito” Natividad niadtong adlaw'ng Sabado didto sa usa ka pribadong lubnganan ning syudad. Samtang emosyonal niadtong nakalabay nga 64th Regular Session sa Sangguniang Panlungsod ang mga konsehal ning dakbayan sa Heneral Santos human usa ka tribute ang gihimo sa mga nahisgutan alang sa mipanaw na nga kanhing konsehal ning syudad nga si Jose Mari “Chito” Natividad.  Sa privilege speech ni ABC President Lourdez F. Casabuena, dili gayud matago sa mga nahisgutan ang emosyon sa paghinumdum sa mga kaagi kauban si Chito ilabi na usab si Vice Mayor Shirlyn Bañas Nograles. Nahimo matud pang hero ang kanhing konsehal nilang kag. Casabuena ug VM Nograles tungod sa pagresponde ug pagtabang  niini human natanggong sa elevator sulod sa 30 minutos. Nagtoo si Casabuena nga mao na kadto ang katapusan sa iyang kinabuhi. Apan pinaagi kang Chito Natividad, naluwas ang duha ka mga opisyal ug dako matud pa ang ilang pasalamat niini. “Memories Last Forever, Being Never Die, Friends Speaks Together and Never really Say Goodbye.” mao usab kini ang mensahe ni kagawad Margareth Rose N. Santos nga iyang gi-quote niadtong tungura. Emosyonal nga gisaysay ni kag. Santos ang paghandum kauban ang pamilya ni Natividad. Sumala pa niini sa anak nilang kag. Nep-nep nga si Jeff nga atol sa pag confined sa amahan niini sa kauluhang Maynila, bahala dili na matud pa siya makapasa sa board exam basta mabuhi lamang ug dugay ang iyang amahan. “Tita bahala na hindi ako makapasa sa exam mabuhay lang ng matagal ang daddy ko” matud pa ni kag. Santos nga gisaysay ang mga kagahapon.  Halos tanang mga konsehal adunay mga mensahing gipangbuhian, adunay naghinumdum sa mga kaaging masadya nga naghatag ug inspirasyon aduna usay mensahing mga kasabo ug mga pagpangdasig. Kahibaluan nakabsan sa kinabuhi si Chito Natividad niadtong alas 9:35 sa gabii petsa 13 bulan sa Oktubre tuig kasamtangan.
 (Ed Angeles)

Mga Proyekto sa Apopong, gipresenta sa SOBA

Gipresenta ni Barangay Apopong Captain Ruel Pacquiao atol sa “State of Barangay Address” kun SOBA ang mga proyektong nahuman na sa ikaduhang quarter ning tuiga niadtong nakalabay nga adlaw didto sa Barangay Gym nga gitambungan sa hiniusang pwersa sa konseho, mga constituents, personahe sa DILG ug 47 ka mga purok chairman sa nahisgutang baranggay. Pamahayag sa maong kapitan nga sa ikaduhang Quarter sa tuig 2011, unang nahatagan ug pagtagad ang kabahin sa panglawas  kung hain gipasigarbo niini nga nahatagan ug igong sulosyon ang panginahanglanon lakip na ang libring tambal nga gipang-apod-apod sa adunay mga balatian. Gihisgutan usab ang kabahin sa kahapsay ug kalinaw nga mikunhod sa 86% ka mga kaso ug nagpabiling malinawon ang barangay gawas lamang sa mga Isolated Cases. Sa Imprastraktura nagapabilin ang pag-construct sa mga plant boxes sa National Highway nga adunay gigasto nga mukabat sa P400 mil, pagkumpleto sa Drop in Center, pagmintina sa mga ekipo sa lubak nga kadalanan, renovations sa mga gambalay sa barangay. Pagpahibalo sa mga katawhan sa saktong paghipos sa mga basura pinaagi sa Solid Waste Management pinaagi sa mga Speakers Bureau nga gilangkuban sa 20 ka mga Purok Chairman ug ang programa nga Greening Program . Pagpalig-on sa programa sa edukasyon pinaagi sa Alternative Learning System kun ALS ug paghatag ug pagtagad sa mga nag unang panginahanglanong pinansyal sa mga nagkadaiyang tulunghaan sa Apopong. Ubay ubay pa nga programa ang gikabutyag sa maong Opisyal ingon man ang igong suporta gikan sa maong barangay paingon sa kapurukan nga nahatagan ug saktong pagtagad. Mapasalamaton usab ang kapitan sa mga nahimong kontribusyon sa iyang mga kaubanan pinaagi nilang Hon. Kag. Mike Mamacog,  Hon. Leonora Arana, Mic mic Maramara, Hon. Roger Lambot, Arlene Carreon, Hon. Dimple Dulay, Hon. Ramil Rabanes, ug SK Chairperson Laurienz Janine Fernandez  nga milihok sa pagpatuman sa ikaayo sa baranggay.
( Joemar Plasabas)

HEALTH NEWS

Sayop nga DIET makadaut

Makonsiderang  kapildihan sa kaugalingon ang sayop nga dyeta kini tungod sa epektong mahatod niini sa metabolic rate. Basi sa gihimong pagtuon migawas nga kadtong mga tawong mikaon ug kulang ug 1,200 calories matag adlaw ang musangpot ngadto sa pagkahinay sa metabolic rate kung diin muresulta usab kini ngadto sa kahuyang sa katakos nga matanggal ang mga calories ug ingon na sa pagpakunhod sa timbang. Bisan ang paglikay sa pagkaon sa tukmang oras ang makahuyang usab sa metabolic rate. Kini matud pa ang hinungdan kung nganong ginarikomenda sa mga eksperto  ang  mga masustansiyang pagkaon matag duha ngadto na sa tulo ka oras. kahibaluan nga ang pagkaon ug tukma ug sa insaktong oras ang makatabang aron masunog ang mga calories sa kalawasan, kini atul sa pag-digest sa pagkaon, kung diin daghang mga parte sa kalawasan ang nagalihok alang sa maong buluhaton.
Bisan ang caffeine ang makatabang aron musaka ang metabolic rate, sagad mamatikdan nga ang caffeine ang ginasagol sa weight loss diet supplement. Sa pagtuong natigayon migawas nga ang pag inom ug usa ka tasa nga kape ang makapasaka na sa metabolism ngadto sa tres ngadto na sa kuwatro porsento.Duna usay pipila ka mga spicy foods ang  makatabang aron musaka ang metabolic rate, sama na lamang sa hot peppers nga dunay sagol nga capsaicin nga maoy mitabang alang sa metabolic process nga gitawag usab ug thermogenesis,kung diin mao kini ang panahon nga ang lawas sa tawo nagmugna ug init nga musangpot ngadto sa pagsunog sa calories.
Ang metabolic rate ang naimpluwensiyahan sa inyong body composition.Ang tawong daghan ug muscles ug gamay lang ug mga fats ang dunay paspas nga metabolic rate.sa pagtuong gipahigayon migawas nga ang ang lawas nanginahanglan ug daghang energy aron maoy moproseso sa hataas nga protien diet nagpasabot nga sa dihang nag digest na ang inyong lawas ug high protien foods misaka usab ang metabokic rate .Nasuta usab nga ang mga lalaki ang dunay taas nga metabolic rate tandi sa mga babaye tungod kay ang mga babaye dunay taas nga level sa fat tissues.
Kinahanglang sunugon gayud ang calories sa kalawasan aron nga maminttina ang gitawag nga bodys vital processes kini pinaagi sa paglihok lihok.gibutyag nga saysentay singko porsento ngadto na sa sietentay singko porsento  calories ang nawala matag adlaw tungod sa metabolism, samtang ang mga inadlaw adlaw nga paglihok ang muabot ngadto sa trinta porsentong calories nga nawala matag adlaw ug kini ang gikaingonmg pinakanindot nga pamaagi alang sa pagpalambo sa metabolic rate. ( Venus C.)