NEWS

“Buhing Bayani” gi-ila sa Konseho

Sangguniang Panlungsod- Giila sa Sangguniang Panlungsod niadtong nakalabay nga ika-64th Regular Session ning dakbayan si Gene Paul L. Besinga 22 anyos, lumopyo sa Cagampang Street Barangay South, ning syudad, isip usa ka “Buhing Bayani” tungod sa pagluwas niini sa kamatayon kang Divina Castardo, 16 anyos  ug taga Barangay Lagao nga nalumos didto sa Queen Tuna Park niadtong Oktubre 2 tuig kasamtangan nga gikamatay usab sa  mga higala niining silang John Paul Docto, 17 ug Ronaldo Fernandez, 14 anyos nga pulos taga Barangay Lagao. Sumala pa ni Besinga, nga ika-upat na matud pa niya kining higayon nga gihimo ang pagpakabayani pinaagi sa pagluwas una matud pa niini sa usa ka ligu-anan sa Polomolok, ikaduha sa Glan Sarangani Province sa makaduha ka higayon ug ang bag-o mao kining pagluwas kang Divina. Dugang pa niini, sukad nga nakasugod na matud pa siya ug pagluwas sa usa ka babaye, anaa na matud pa sa iyang kasing-kasing ug kinaiya ang pagtabang panahon nga aduna siya'y makitang malunod sa usa ka paliguan. Kahibaluan si Gene Paul myembro sa Wave Gensan Skimboarding Team, kung asa niadtong tungora anaa ang ilang grupo sa Queen Tuna Park nga nagbansay alang sa pagpangandam sa contest niini didto sa Mati, Davao del Sur karong Oktubre 28, 2011.  Nakit-an matud pa niya ang nahisgutang babaye nga naglisod samtang adunay gasinggit nga nangayo ug tabang hinungdan wala kini nagduha-duha sa responde ug gitabangan ang maong babaye bisan paman wala kiniy saktong training ug seminar kabahin sa pag luwas sa usa ka malumos nga tawo.  Dako usab ang posibilidad nga mahatagan ug trabaho si Gene Paul aka “Payat” isip usa ka lifeguard didto sa nahisgutang pampublikong liguanan. Samtang ginaplanohan usab sa mga konsehal nga ipailalum ang grupo ni Besinga sa training kun “Life Basic Support”. Mapasalamaton usab ang nahisgutang buhing bayani sa pag-ila kaniya sa konseho, tungod niini mas porsigido pa matud pa siyang mahimo ang tanan ilabi na sa pagtabang sa iyang isigkatawo. “Daghan kaayong salamat kang Ma'am Shirlyn Bañas Nograles, Vice Mayor nato dire sa atoang Gensan, sa pag-ila sa akong nahimo” pamahayag ni Besinga. Matud pa usab ni kapitan Joseph Alvin F. Veneracion  sa Barangay South nga ang gipakitang kabayanihan ni Gene Paul nagpakita lamang sa tinood nga General. “ The heroic acts and great courage og Mr. Gene Paul L. Besinga shows a true character of a true General,” pamahayag niini.
(Ed Angeles)

  “Cong. Pacquiao deserves
his rank”-  Kag. Rivera

Sanguniang Panlungsod-Miuyon ang numero unong kagawad sa dakbayan nga si Hon. Ronnel C. Rivera sa naangkon  ni Hon. Manny Pacquiao isip reservist Lt. Col. sa Armed Forces of the Philippines. Bisan adunay misaway .Sumala pa ni Rivera, dili angay kwestyunon ang pagtuboy kang Pacquiao tungod kabubut-on matud pa sa mga tag-as nga opisyal sa kasundaluhan nga muhatag ug pasidungog ngadto sa buot nilang pasidunggan. “He deserve it no, kasi he's not only a boxer but also a congressman dako pud siya natabang sa probinsya niya and syempre sa atong nasud being a boxer dako pud iyang natabang sa paghatag ug karangalan sa atong nasud so he deserves..sa bisan asa nga angle tan-awon nimo either as a hero sa boxing even as a congressman and as a public servant  he deserve his rank.” Pamahayag ni Rivera.
Samtang apektado usab si VM Shirlyn Bañas-Nograles sa mga tawo nga misaway kang Pacquiao tungod wala niini gihuna-huna ang mga buluhatong natabang sa kongresista sa nasud. “Actually, nung pinarangalan din siya last time ng Honorary Doctorate in kinetics marami din ang oppose nag react..but sa totoo lang kasi may mga criteria din na hinahanap yung mga tao if fit ba talaga yung taong bibigyan nila.. So naay proseso nga gi-agian ug dili basta-basta and with that nakapasa siya so dili dapat mag react.” Saysay ni VM Nograles. Gipaabot usab ni Norales ang iyang pagtimbaya ngadto kang Pacquiao. “I congratulate him, si pacquiao kasi extra ordinary fit man gud ni iyaha.. extra ordinary accomplishment and he serves as an inspiration sa naglahi lahi  nga sektor. The people is possible promoting him in a criteria and he passed that criteria and he truly deserves it.”
Kahinumduman nga mibalik lamang sa nasud Pilipinas si Pacquiao arun personal nga mutambong sa testimonya ug parada nga gihimo kaniya sa kampo sa mga Armado sa Fort Bonifacio, Taguig. Sa pagkakaron mibalik na sa Amerika ang kongresista arun sa pagbansay sa umaabot nga dula niini kang Juan Manuel Marquez karong umaabot nga Nobyembre 12 kung diin gituohan nga masusama na usab sa holiday ang nahisgutang adlaw atul sa dula sa Eight Time World Champion.
(Kathy Kasayan)

 Cong. Enrile supak nga
amyendahan ang “Juvenile Justice Law”

Supak si Cagayan Representative Juan Ponce Enrile sa bag-ong gikasugyot nga amyendahan ang Juvenile Justice Law nga mao ang pag-ubos sa edad sa mga kabatan-unan nga pwede ng mapasakaan ug kaso kun ugaling makahimo ug krimen kini ang gipaklaro sa nahisgutang magbabalaud niadtong nakalabay nga adlaw atul sa press conference didto sa Royale Hotel. Aminado si Rep. Enrile nga kasagaran sa mga kabatan-unan karon ang ginagamit nga muhimo ug dautang butang tungod dili kini mabilanggo, apan gihingusgan niini nga dili kini dakong tabang ngadto kanila. “Hindi ako sang-ayon dun na pag binabaan mo yung age automatic mawawala  po yan.” ang pamahayag ni Rep. Enrile.  Dugang pa niini, daghan matud pa ug mga pamaagi nga angayang himoon ang administrasyon arun masulosyunan ang programa susama sa pag hatag ug igong pondo sa mga buhatan nga gatabang sa mga kabatan-unan.  “Sa aking pananaw hindi sapat na dahilan ang kawalan ng pera.. kailangan hanapan natin ng pera kung seryoso sila sa pagsusugpo ng krimen. Kung seryoso sila dun sa pagsusugpo o paglulutas ng problema na to  sa pag-gagamit sa mga kabataan siguro panahon na para hanapan natin ng pondo para mapondohan ang mga rehabilitasyon programs. We have to find ways to keep them rehabilitate.” dugang pa niini.
(Kathy Kasayan)

Usec. Gutierrez mibisita sa PDEA-12

PDEA RO 12-Mibisita  ang labaw sa Philippine Drug Enforcement Agency kun PDEA nga si Undersecretary Jose S. Gutierrez, PDEA Director General, kaniadtong  Oktobre 18, 2011 sa buhatan sa PDEA-12 .
Gipirmahan niini ang “Memorandum of Agreement” (MOA) ngadto sa lokal nga panggamhanan sa Koronadal City sa pagpangulo ni Mayor Peter Miguel  kabahin sa pagpatukod sa bag-ong opisina ug laboratory sa maong ahensya nga mukabat sa kinse milyones ka pesos (P15M)  ug planong ipatukod kini didto sa Carpenter Hill sa maong dakbayan ug bisan paman wala pa kini tinong panahon nga pagasugdan.
“Malaki ang aming pasasalamat sa tulong ng lokal na pamahalaan ng Koronadal City, lalo na kay Mayor Miguel sa kanyang suporta. Makakatulong ito sa augmentation at malawakang paglunsad ng ahensya kontra sa pinagbabawal na druga.” matud pa ni Director Ailene Lovitos ang labaw sa PDEA-12.
Samtang gipahayag usab ni Undersecretary Gutierrez nga dugang sa iyang katuyuan mao ang pag inspeksyon, pagasukdon ang resulta sa mga operasyon ug hilabi na ang pakighinabi sa mga personahe niini.  Nagmalipayon usab ang Director General sa mga gipakitang kaayo nga katumanan sa Regional Director sa maong rehiyon bisan paman kini gikan sa han-ay sa mga kababaihan.
Dako usab ang pasalamat RD Lovitos  sa unang higayun nga pagbisita sa ilang labaw nga si Usec. Gutierrez. (Bonie Santillan)