police round up

 

Ex-convict, gipusil patay!

Makar PNP- Dead on the spot ang usa ka ex-convict nga nailhang si Edilberto Traya, 26 anyos nga taga Purok Puting Bato ning dakbayan sa Heneral Santos ning milabay'ng adlaw.
Sumala pa sa imbestigador nga si PO3 Omar Melicano , nga kalibre 45 nga pusil ang gigamit sa wala mailhang mga suspetsado sakay sa usa motorsiklo. Ang biktima nakahiagom ug samad pinusilan sa iyang ulo, aping, dughan ug kamot.
Nasayran nga ang biktima bag-ohay lamang nga nakagawas gikan sa Lanton City Jail tungod sa kasong homeside.
 (Dave Silagan/ Gretchen Oliver)

Pulis gipusil patay sa
asawang pulis

Bula PNP Station-Posibling mag atubang ug kasong parricide ang usaka POI Rowena Banas human nga gipusil matud pa niini ang iyang bana nga si PO2 Danson Banas niadtong nakalabay nga simana. Gibutyag ni Senior Inspector Hover Antonio ang hepe sa Bula Police Station nga ang kasong atubangon sa suspitsado ang magdepende usab kini sa mamahimong resulta sa imbistigasyon.kung kahinumduman nga gidiklara nga dead on arrival sa hospital  si PO2 Danson human naigo sa 9mm nga pusil ni POI Rowena. Nauna nang gibutyag nga miabot ug kalit sa pinuy-anan sa ginikanan ni POI Banas sa may Bula Zone 2C ang namatay nga pulis ug duna matud pay nahitabong komprontasyon ug gilayong dunay pagboto sa armas nga nadunggan. Ang asawa matud pa ang nagdala sa balay tambalanan sa suspitsado una kini misurender sa kapulisan.sa kasamtangan pabilin pang ana-a sa kustodiya sa kapulisan ang suspitsado ug planong ipalantaw sa psychologist aron masusi ang kahimtang ni Rowena nga ana-a sa state of  shock.daghan usab ang nakugang niadtong nakalabay nga adlaw sa dihang dunay laing pulis ang kalit nga misurender sa Bula Police station ug nagkanayon nga siya matud pang nakapusil sa biktimang si PO2 Danson Banas
 ( Venus C.)

68 anyos, nakaplagang patay!

Malakas PNP-  Nakaplagang patay sa usa ka sikad driver ang 68 anyos nga laborer nga nailhang si Federico A. Dela Peña nga lumulupyo sa Blk. 0, Brgy. City Heights, General Santos City sa usa ka bakanteng luna nga ning milabay'ng adlaw.
Sumala pa sa mga nakaila sa biktima nga kada adlaw matud pa ga-adto ang nahisgutan sa maong lugar aron dal-on ang iyahang mga personal nga gamit ug didto gapahuway. Samtang namahayag usab ang  Scene of the Crime  Cooperative kun SOCO nga natural death ang hinungdan ang pag kamatay sa biktima ug wala nakita nga foul play sa maong panghitabo.
(Dave Silagan/Gretchen Oliver)

Militar batuk NPA, 2 patay!

Glan, Sarangani Province  Duha ang kumpirmadong patay sa panag-enkwentro sa han-ay sa Militar ug NPA (New Peoples' Army) didto sa Sitio Tapol, Barangay Datalbukay, Glan, Sarangani Province, alas nuyebe sa buntag niadtong milabay'ng semana Oktobre 13 ning kasamtangang tuig. 
Giila ang mga patay nga lawas nga sila PFC Bienvenido Capillo Celebrar, miyembro sa tropa sa 73rd Infantry Batallion, Philippine Army, (Alpha Company) 23 anyos, olitawo ug esidente sa Making, Parang, Maguindanao.  Nakahiagom ug samad punisilan sa ubos sa wala nga bahin sa tiyan nga maoy hinungdan sa iyang kamatayon. Narekober usab ang patay nga lawas sa tropa sa gobyerno ang giilang miyembro sa CPP-NPA nga si Luis Maliatan Panalayan, 23 anyos, olitawo ug residente sa Datu Lapadayon, Arakan, North Cotabato.
Subay sa nakuhang report, pipila nga kaadlaw namatikdan ang mga armadong grupo sa Sitio Cogon ug Sitio Lanao Kapanglo sa Barangay Datalbukay nga mukabat ngadto sa (67) saisyentay siete ka mga miyembro ug (45) kwarentay singko ka mga nagkalahing “High Powered Fire Arms” nga gipanguluhan ni Kumander Brigol, Kumander Warren, Kumander Bryan ug nakita usab ang usa ka anak ni Kumander Brigol sa kabukirang bahin sa maong munisipyo, aron matud pa sa paglusad ug pulong-pulong ug pagkunbinsi sa komunidad aron sa pag-apil sa maong armadong grupo.
Nasayran nga sa maong panag-enkwentro narekober ang usa ka (1) M14 ug M16 Rifle, Claymore Mine, Hand Granade, Improvised Scanner, Solar Charger nga may baterya ug mga subbersibong dokumento.
Kahibaloan nga gidala na ang patay nga lawas sa gituhoang miyembro sa New Peoples' Army sa mga pamilya sa ilahang lugar niadtong adlaw nga Miyerkules, Oktobre 19, 2011.
Sa kasamtangan padayon gihapon ang operasyon sa mga tropa sa Philippine Army sa naasuy nga lugar.
(Bonie Santillan)

Pagbusikad sa Improvised Landmines,
kasundaluhan samdan!

Davao City-  Nagpabilin pang nagpaalim sa balay tambalanan ang mga kasundaluhan nga nasamdan human sa pagbusikad sa landmine sa Iganon, San Isidro, Davao Del Norte. Sa gihatag nga pamahayag pinaagi sa sulat sa 60th Infantry Battalion sa Philippine Army, nga magpahigayon unta ug Peace and Development Outreach Program sa nahisgutang lugar ang tropa sa kasundaluhan. Sumala pa ni Lieutenant Colonel Greg T. Almerol ang battalion commander sa 60th IB nga usa ka paglapas sa Comprehensive Agreement on Human Rights and Humanitarian Law kon CAHRIHL  ang pagtanom ug landmines sa mga rebeldeng grupo. “The NPA lip service about upholding human rights is contrary to their continuous use of improvised landmines, a violation to the Comprehensive Agreement on Human Rights and International Humanitarian Law (CAHRIHL), to which they are a signatory. Despite of their insincerity, the 60th Infantry Battalion remains steadfast to our commitment to support the local government's vision in attaining peace to pave way for development of the communities through delivery of services”sigon pa ni Lt. Col. Almerol. Kahinumduman nga sulod lamang karong bulan sa Oktubre, ikaduha na kining higayon nga gibuhat sa rebolusyonaryong kalihukan. Nagtuo usab si Major Rose Manuel ang tigpamaba sa 60th IB nga mamahimong mohatag ug dakong kadaut sa mga kasundaluhan ang gitanon mga landmines sa New People's Army (NPA) ilabi na nga sunod-sunod na ang pagbusikad sa nahisgutang matang sa armas.
 (Rhay M. Dela Cruz)

100 nga pamilya namakwit  tungod
sa padayong engkwentro

Maasim, Sarangani Province - Usa ka gatos ka pamilya ang namakwit sa Tabayon, Jose Abad Santos, Davao del Sur sa padayong engkwentro tali sa New People's Army ug tropa sa kasundaluhan. Sa gipadangat nga impormasyon ni Lieutenant Colonel Adolfo Espuelas, commanding officer sa 73rd Infantry battalion, Philippine Army nga natigayon kini sa dihang nangharass ang rebeldeng grupo gumikan nga nahadlok ang mga residente sa kabukirang bahin ug mihikling sa sentrong bahin sa Barangay Tabayon. Human sa engkwentro sa Datal Bukay, Glan, Sarangani Province gigukod sa tropa sa kasundaluhan ang grupo ni Kumander Brigol nga lider sa Platoon Mazda sa New People's Army.Ang Datal Bukau ang silingang barangay sa Tabayon, Jose Abad Santos, Davao Del Sur.
(Rhay M. Dela Cruz)

CSU nangulata ug naniun ug pusil,gireklamo

Barangay Labangal-Gireklamo sa pamilyang Abdul ang usa ka miyembro sa CSU ning syudad sa Heneral Santos. Usa ka Wendolf “ Pare koy” Frial  miyembro sa Civil Service Unit (CSU).
 Sumala pa sa biktima nga si Akhamaraza A. Abdul, 19 anyos ulitawo ug residente sa Purok Matinabangon Barangay Labangal ning syudad nga kaniadtong petsa 19 sa Oktubre alas tres sa hapon samtang naga lakaw matud pa kini sa dalan sa ilang purok tungod kay gisugo sa iyang amahan aron mukuha ug tools sa motor, kalit nga dunay sakyanan nga gikan sa iyang luyo paspas ang padagan ug  hapit siya ma banggaan sa side mirror sa sakyanan sa Civil Security Unit  nga kung sakay adtong higayuna silang Ex- Capt.Dodong Clapiz,Wendolf Frial ug duha ka lain pa.
 Gibadlong sumala pa sa maong biktima ang paspas nga nagmaneho apan sa kalit na lang mihunong ang maong sakyanan  ug human mikanaug ang usa ka CSU nga si “Pare Koy” ug  kalit nga gisumbag sa likod . Naligid kini ug human nga naka tindog gi segundahan na siya pag sumbag sa iyang nawong. Adtong tungura  naka abot na ang mga ginikanan sa biktima apan sa kasuko ug sakit niini nga iyang nahiaguman, kalit nga mikuha kini ug bakal aron makabalos.
 Gipugngan na lamang kini sa iyang inahan nga si Sitti Hanna Ali-Abdul gumikan kay nakita na niya ang pusil nga gihulbot sumala pa  ni Wendolf “ Pare koy” Frial.
 Misinggit na lamang ang inahan “sige ipabuto na ba kay wala ko mahadlok sa imong gigunitan” apan  mipadayon pa gihapon sa pagtion ang CSU.
Dunay gipakita nga medical certificate ang nahisgutang biktima sa dihang gihinabi sa  ABANTE SOCSARGEN NEWS.
Sa kasamtangan gipaabot pa ang tubag sa mga nahilambigit  nga mga personahi sa Civil Security Unit.
(Cris Legaspi)