NEWS

Negosyante gipusil patay atul sa B-day,
kapulisan blangko!

Makar PNP- Blangko gihapon sa pagkakaron ang kapulisan sa motibo sa pagpusil patay kang  Alejandro Omane, 48 anyos nga taga Purok 4, Sto. Niño, Brgy. Apopong, Gensan niadtong Disyembre 30, 2011. Matud pa ni SPO2 Lemuel Laluna imbistigador sa Makar PNP nga ilang gipalawman ang nahisgutang imbistigasyon apan anaa lamang sa gihapon ang posibilidad nga atraso, bangi sa negosyo, ug gamay'ng posibilidad sa tulis ang motibo sa mga suspek tungod kay nakuha sa biktima ang mukabat sa P15,000 nga salapi niini gikan sa iyang pitaka nga brown pinaagi sa SOCO nga gipangunahan ni PSI Norman Castro. Nahitabo ang krimen alas 4:30 sa buntag sa maong petsa kansang  adlaw'ng natawhan sa biktima ug gitabangan ug pusil pinaagi sa upat ka mga suspek sakay sa duha ka kolor itom ug pula nga XRM sa Yu Village, dayong misibat sa wala matinong direksiyon. Nakaangkon ug 7 ka samad pinusilan ang biktima hinungdan sa iyang kamatayon samtang padayon pang ginaila sa kapulisan ang mga responsabli sa maong panghitabo.
( Joemar Plasabas)

27th IB naka-alerto sa posibleng
pagpang atake sa NPA

Tupi, South Cotabato-  Naka alerto karon ang tropa sa 27th Infantry Battalion sa Philippine Army, human adunay nahitabong pagpang  atake sa CAFGU detachment sa Agusan Del Norte niadtong niaging semana.  Sumala pa ni Lieutenant Colonel Alexis Bravo ang battalion commander sa 27th IB nga padayon gihapon silang naka alerto sukad pa niadtong niaging bulan tungod sa posibleng pagpang atake sa New People's Army panahon sa Suspension of Military Operation kon SOMO.  Dugang pa sa opisyal nga nagdugang sila ug tropa sa Columbio, Sultan Kudarat ug Tampakan, South Cotabato kung asa adunay presensya sa rebeldeng grupo aron usab masiguro ang seguridad sa mga sibilyan nga anaa sa komunidad. Kahibaluan nga gibutyag sa Communist Party of the Philippines (CPP) nga mas mahimong agresibo ang ilahang pagpang atake karong tuig 2012.
(Rhay M. Dela Cruz)

Lalaki nahulog sa KCC Mall,
atul sa New Year!

KCC MALL OF GENSAN- Padayun pang gina obserbahan karon sa balay tambalanan ang kahimtang sa usa ka lalaki human nahulog gikan sa ika tulong andana sa KCC Mall ning dakbayan. Ang biktima giila nga si Ronald Valenzuela, 25 anyos nga taga Capareda st. Brgy Lagao ,General Santos niadtong  katapusang adlaw sa Disyembre 2011. Subay sa inisyal nga imbestigasyon sa kapulisan sa Bula PNP, daling gidala sa balay tambalanan ang biktima human naka angkon ug samad sa tuong bahin sa ulo niini. Giasoy sa igsoon sa biktima nga si Knowell Valenzuela, 23 anyos nga niapas kaniya sa maong Mall sa pag grocery ang nahisgutang biktima.
Gihulat niini pinaagi sa pagtan-aw sa groundfloor nga muagi ang iyang igsoon   ngadto sa grocery section. Kalit nga natingala ang kadaghanan nga wala damha nga nahulog na ang biktima ug nagkadugo pa kini nga gitabang sa mga gwardiya sa maong establisemento.
Sa pikas bahin, matud pa sa amahan sa biktima nga si Emanuel Valenzuela nga nihangyo kini ug dugang pinansyal sa posibleng ipahigayon niining operasyon. wala na matud pa kini planong pasakaan ug kaso ang KCC Mall. Sa kasamtangan nagpabilin lang gihapong tik-om ang KCC kabahin sa maong isyu samtang abri usab ang buhatan sa Abante Socsargen News sa ilang pagpaklaro..
(Manz Virtudazo)

Kanhing Asset sa PDEA,
giunay ug Sikop?

Sikop ang kanhing asset sa Philippine Drug Enforcement Agency (PDEA) nga si Glen Ramos Gavino, 36 anyos, minyo nga residente sa Narra St. Extention Brgy. Lagao ning dakbayan sa Heneral Santos niadtong nakalabay'ng adlaw. Nakuha sa bulsa sa suspetsado ang balor 5 mil pesos nga  gituuhang shabu atul sa gipahigayong operasyon sa PDEA 12 samtang kini naglakaw padulong sa  Gaisano Mall. Kasamatangang naka detina sa Police Station no.3 ang suspetsado samtang nag atubang sa kasong paglapas sa RA 9165 sec.5. kon Dangerous Drug Act. Sumala pa sa suspek nga planted sa mga ahente sa PDEA ang ilang nakuhang ebidensya nga gituuhang druga gumikan kay mihunong na matud pa siya sa paghimo niini. Dako ang pagtuo sa suspek nga kini kabahin lamang sa pag frame up kaniya sa mga taga PDEA human kini mi desidar nga mo undang na isip “ Alpha” kon asset sa nahisgutang buhatan. Sa pikas bahin, mipadangat ug reklamo ang maong suspetsado human naka hiagom kini ug bun-og sa kalawasan  gumikan sa pagkulata matud pa sa mga opisyal sa PDEA kaniya sa dihang gidala kini sa nahisgutang buhatan.(Manz Virtudazo / Cris Legaspi)

GSC Officials, dismayado
 sa pagsugat sa 2012!

GSC- Dismayado karon ang mga opisyales sa syudad sa Heneral Santos human pakyas nga naangkon ang target niini nga zero injuries sa pagpabuto atul sa pagsugat sa bag-ong tuig. Base sa report, 8 ka tawo ang natalang nasamdan tungod sa firecrackers. Nailhan ang mga biktima nga silang Jonas Inoc human napabuthan ug super lolo sa kamot, Rene Basquistin nga naigo sa mata, Tina Siker,13 anyos nga naigo ug picollo sa liog ug usa ka habal habal driver  nga si Albert Sago, 21 anyos, nga nabungkag ang baba human nibuto ang five star nga iyang giom-um.
Samtang upat usab ang natalang nagpa-dressing lang tungod sa samad nga naangkon. Nasayran nga adunay ordinansa dinhi sa dakbayan nga hugot nga ginagili ang paggamit ug frickcrackers.
(Gretchen Oliver/ Dave Silagan)

Amahan, patay sa rambol!

PENDATUN POLICE- Patay ang usa ka amahan human giluwas niini ang anak nga nahilambigit sa rambol ning milabay'ng adlaw sa Dadiangas West, General Santos City. Nailhan ang biktima nga si Oscar Halos, residente sa nasangpit nga dapit.
Base sa imbestigasyon sa kapulisan, gisulayan matud pa sa amahan nga luwason ang iyang anak apan ang biktima ang gitabangan sa pagdunggab sa mga suspetsado gamit ang mga ice pick. Nakahiagom ug samad dinunggaban ang biktima sa walang bahin sa dughan niini hinungdan sa iyang hinanaling kamatayon.
Blangko usab ang mga kapulisan sa kailhanan sa mga suspetsado.
(Gretchen Oliver/ Dave Silagan)

Gilabay nga bag-ong gihimugso,
anaa  sa DSWD!

DSWD- Nagpabilin karon sa buhatan sa Department of Social Welfare and Development kon DSWD ang bag-ong gihimugso nga batang lalaki nga gilabay sa kasagbutang bahin sa San Lorenzo St. Apopong ning dakbayan sa Heneral Santos ning milabay'ng adlaw.

Base sa report sa Makar Police, usa ka magtiayon ang nag-turn over ngadto sa ilang buhatan. Sumala pa sa magti-ayong nakapunit nga pauli na sila sakay sa motorsiklo apan nakadungog sila ug hilak sa bata daplin sa dalan ug didto nakita nga wala pa naputlan ug pusod ug giputos lamang sa panapton. Sa kasamtangan, daghang  mga tawo ang nagpakita ug interes nga sagupon  tungod hangtud karon wala  pa nailhan ang inahan.
(Gretchen Oliver/ Dave Silagan)