SPORTS

Arum ug Pacquiao hisgutan ang
sunod nga away

Gikatakdang moabot sa nasud Pilipinas si Bob Arum sa Top Rank Promotions karong Enero 10 aron sabutan niini ang sunod nga fight ni 8-Division World Champion  Manny Pacman Pacquiao.  Upat ka mga pangalan ang gihatag ni Arum kang Trainer Freddie Roach kung asa mao silang Puerto Rican Miguel Cotto, Mexican Juan Manual Marquez, Americans Timothy Bradley, Jr. ug Lamont Peterson. Kung dili man mahinayon sa bulan sa Mayo ang fight sa pambansang kamao, dako ang posibilidad nga pagahimoon kini sa bulan sa Hunyo.  “I'm going to the Philippines on January 8, and I should be there on January 10. I'm going to shortly, thereafter, meet with Manny, And we're going to be offering Manny four potential opponents -- Cotto, Marquez, Bradley and Peterson.” ang pamahayag sa 80 anyos nga si Arum. Sa pikas bahin, pipila usab ka mga boxing experts ang nagtuo nga dili na gayud mahinayon ang  mega-fight nilang Pacquiao ug Floyd Mayweather, Jr. human nasentensyahan ang American boxer  ug  90 ka adlaw nga pagkabilanggo sa Las Vegas, Nevada tungod sa Domestic Violence Case. Sa kasamtangan si Pacquiao adunay gihupatang 53-3-2 win-loss-draw ring record apil na ang 38 KOs kung itandi kang Mayweather (42-0, 26 KOs), Marquez (53-6-1, 39 KOs), Peterson (30-1-1, 15 KOs) ug Cotto (37-2-0, 30 Kos).
(Ed Angeles)

 Beckham mibalibad nga mudula
sa French Football Club

Abli karon sa bag-ong negosasyon si Los Angeles Galaxy kun LA Galaxy Football Superstar David Beckham human niini gibalibaran ang gitanyag kaniya sa Direktor sa Paris Saint-Germaine nga si Leonardo nga mudula sa team nga Paris Saint-Germain sa French Football Club sa sulod sa 18 kabulan nga adunay $18.7 Million Contract. Sumala pa kang Leonardo nga posibling magpabilin ang Football Superstar sa LA Galaxy  tungod matud pa  sa iyahang pamilya nga naka base karon sa Los Angeles "But the welfare of his family in Los Angeles, the wish not to change everything in his life, weighed heavily." pahayag ni Leonardo. Nasayran nga niadtong December 31, 2011 natapos ang lima ka tuig nga kontrata ni Beckham sa Galaxy kung asa dako ang natabang sa nahisgutang Football Superstar sa 2011 Major League Soccer Cup. 
(Dave Silagan)

Icheon vs Askalz tabang sa gibagyohan!

Maayo ang pag sulod sa 2012 sa Philippine Football Team Azkals kini tungod sa umaabot nga Goodwill Football Match niini batok sa team sa South Korea nga   Korean Team. Ang maong exhibition game ipahigayun karong umaabot nga Enero 21 tuig kasamtangan didto sa Rizal Memorial Football Stadium sa kauluhang Maynila. Ang kita sa maong exhibition game tali  sa Icheon batok Askalz ang itabang sa mga naapektuhan sa bagyong Sendong niadtong Disyembre. Sa pikas bahin ang maong dula gikonsedera usab nga dakong tabang sa pagprepara sa Azkals sa umaabot nga 2012 AFC Challenge Cup karong Marso. Kahinumduman nga ang South Korea kauban ang pipila ka miyembro sa Icheon mao ang pinaka malampusong Football Team sa Asya kung diin walo ka higayon kining naka dula sa FIFA World Cup.
(Dave Silagan)