NEWS

306-M proyekto sa DPWH SARANGANI
nahuman!

Sarangani Province- Kapin sa 306 milyones pesos ang kantidad sa proyekto nga nahuman ubos sa buhatan sa Department of Public Works and Highways ubos sa kamandoan ni DPWH District Engineer Fernando Santander sa milabay'ng tuig 2011.
Sumala pa kang Sarangani Assistant District Engineer Rey R. Francisco iyang gibutyag nga mikabat sa P306,438,000.00 ang kantidad sa proyekto nga ilang naplastar sa maong tuig.
“Actually sa calendar year 2011 regular infrastructure pito ang completed ug napulo ang ongoing ang total accomplishment is 88.57%  mostly sa mga project is more on concreting sa mga National Roads, Preventive Maintenance, Asphalt Overlay sa Malungon, road concreting Glan to Batulaki, Malungon ug uban pa”, pamahayag ni ADE Francisco.
Dugang ni ADE Francisco nga mokabat sa 20 milyones usab ang mga proyekto nga nahatag ni Sarangani Congressman Manny “Pacman” Pacquiao gikan sa iyang Priority Development Assistant Fund (PDAF) nga ang mga proyekto nga nahuman mao ang mga covered court sa nagkadaiyang barangay sakop sa pito ka munisipalidad sa maong probinsya.
Gikadugang niini nga ang buhatan sa DPWH nakahatag usab ug hinabang sa mga biktima sa bagyong Sendong 47 ka karton nga can goods ug 17 ka bundles sa relief goods.
Hinoon daghan pang mga proyekto gikan sa buhatan ni Cong. Pacman alang sa tuig 2012 apan gihulat na lamang ang implementasyon aron masugdan kini.
(Danny Bojos, Jr.)

      Guba nga Dalan, dili ibasol sa Barangay

BRGY.APOPONG-Human gibatikos sa mga kontra sa pulitika ni  Apopong Honorable Barangay Captain Rogelio “Ruel”  Pacquiao nga matod pa wala nagpakabana ang mga barangay official sa Apopong sa mga nangagubang dalan hilabi na karong panahon sa tag-ulan.
Gikabutyag ni Hon. Barangay Kagawad  Mike Mamacog ang Committee Chairman sa Infrasructure nga bisag adlaw adlawon pa niya ug pa grader  ang mga dalan nga nangaguba mahimo gihapon ug walay pulos tungod kay panahon pa sa ting- ulan banlason gihapon kini paingon sa ubos nga bahin. Dugang pa ni Kagawad Mamacog nga kanang nga tawong sigi ug reklamo unta sabton silang mga Barangay Official kay dili man sila ang nag guba sa mga dalan kon dili ang dagan man sa panahon.
Usa sa mga nahimong babag nga dili dayun nga maimplementar ang proyekto mao ang kakulangon sa DEED OF DONATION gikan sa mga  mga nanag iya ug yuta nga gihimong dalan sa kasamtangan.
Bag-ohay pa lamang nga nakapalit ang kagamhanang lokal sa Apopong ug usa  ka Grader nga nagkantidad 1.4 Million pesos.
Sa kasamtangan naghandom sa gihapon ang mga opsiyal sa barangay  nga mahuman na ang mga kaso ug komplekto sa luna  aron sa ingon niana katagaan na ug kasulbaran ang giatubang nga suliran. 
(Roger  Lambot )

Kagawad Lagare Emosyonal sa SP

Gensan SP- Emosyonal nga mipadangat sa iyang gibati si Honorable Councilor Dominador Lagare III nga dili unta mahitabo sa dakbayan ang susamang panghitabo sa Cagayan de Oro ug Iligan City.Sa nahimong pamahayag niini atul sa iyang privilege hour sa ika 72nd Regular Session sa Sangguniang Panlungsod niadtong milabay'ng Martes. Lakip sa nahimong pamahayag niini ang paghatag ug pagtagad sa mga mangtotroso nga anaa sa syudad. “Regardless if it's legal or illegal I do believe that there's a need for us to have a precautions because the logs are the very reason why it kills a lot of people in Iligan.” Dugang pamahayag ni Kagawad Lagare. Wala niini matino kung nag gikan ba sa syudad ang mga troso nga bag-uhay lang nilabay sa dalan sa Brgy. Mabuhay apan sa pikas bahin gikumpirma sa komitiba sa Agrikultura nga si Councilor Eduardo Leyson  IV nga dili nag-gikan sa syudad ang maong mga troso kung dili sa Polomolok ug mga kasikbit nga dapit niini. Gidugang usab ni Kagawad Lagare nga dili importante kung asa nag gikan ang mga troso apan kung unsa ang mahatag niini nga peligro ngadto sa mga katawhan. Nasayran nga dili matud pa andam ang syudad sa General Santos sa posibleng bagyo nga mosulod. Kahinumduman nga bag-uhay lamang mikutlo ug libuan ka kinabuhi ang bagyong Sendong sa syudad sa Cagayan ug Iligan diin asa walay pagpangandam nga nahitabo.
(Manz Virtudazo)

Groundbreaking sa Mayor's Park,
karong Pebrero

General Santos City-Posibling ipahigayon ang Groundbreaking sa Mayor's Park sa syudad sa Heneral Santos karong bulan sa Pebrero atul sa ika-73 nga anibersaryo  ug Kalilangan Festival 2012 kini ang gipamahayag ni Kagawad Virginia T. Llido ang Committee Chairman Department of Tourism niadtong nakalabay nga adlaw.  Iyaha matud pang paningkamutan nga maapil kini sa maong selebrasyon kung asa mao usab kini ang handum sa mga kabanay sa mga nag-unang alkalde sa syudad nga mao silang Late Mayor Acharon, Santiago ug Royeca. “Talagang itutuloy ko yan, because ah.. nandon na tayo sa ordinansa na binigyan natin ng Honor yon gating first three municipal Mayors of General Santos City. The first late Mayor Acharon, Late Mayor Royeca and late Mayor Santiago, sayang naman na hindi yun matuloy.” Ang pamahayag ni kag. Llido. “An ordinance naming the present Round Ball at the junction of Santiago Boulevard- P. Acharon Boulevard in Barangay Bula and Barangay Dadiangas South General Santos City as the Mayor's Park.” Mao kini ang ordinansang giduso ni Kag. Llido kung asa na aprubahan na kini niadtong nakalabay nga tuig samtang hugot usab ang suporta sa 16th SP ilabi na nilang Vice Mayor Shirlyn Bañas Nograles, Kagawad Dominador S. Lagare III ug Kagawad Ronnel C. Rivera.
(Ed Angeles

Pinaskohan ni Cong. Pacman
gipasalamatan sa Sarangan

Maasim, Sarangani Province- Gikalipay ug hilabihan kadako ang pasalamat sa mga Sarangans human nakadawat ug pinaskohan pinaagi sa bugas kuarta ug uban pa ang nagkadaiyang barangay sakop sa pito ka munisipalidad sa maong probinsya.
Sa pakighinabi kang Maasim Mayor Jose A. Zamorro gibutyag niini nga hilabihan kalipay ang gibati ug nagpasalamat ang katawhan sakop sa 16 ka barangay human ilang nadawat ang pinaskohan ni Cong. Pacquiao.
Gipaabot usab sa katawhan ang pagpasalamat sa ilang idolo nga kongresista ug ilang giampo sa Labaw'ng Makagagahom nga hatagan kini ug taas nga kinabuhi aron mas daghan pang tawo ang iyang matabangan.
Hinoon gikadugang ni Mayor Zamorro “hinaut unta nga  matabangan usab kini ni Congressman Manny Pacquiao nga matukod na ang munisipyo aron dili na mag-antos ang mga empleyado sa maong lungsod.”
( Danny Bojos, Jr.)