NEWS

600 ka pamilya apektado sa Demolition

Gibutyag karon ni Mary Ann T. Bacar Acting Department Head sa City Housing and Land Management Office ning Dakbayan sa Heneral Santos nga nay posibilidad gayud nga maapektuhan ang kapin 600 ka pamilya sa demolition nga ipahigayon sa Lanton Barangay Apopong karong bulan sa Enero 2012. Niadtong petsa 6 sa Enero alas 9 ang takna sa buntag nagkukabildo ang mga apektadong pamilya,mga Barangay Officials ug uban pa, kung unsay angay nga buhaton kalabot sa Writ of Demolition issued by Judge Alejandro Ramon C. Alano on Civil Case No.2303-3 Zacarias Antonio, et al VS Eugenio Salamanca. Samtang gibutyag ni Apopong Honorable Barangay Captain Rogelio “Ruel” Pacquiao nga natandog gayud ang iyang balatian sa gidangatan sa iyang mga kabarangay nga maapektuhan  sa demolition.  Hinoon, sa karon may mga tawo na nga gitahasan ang Kapitan aron moabag sa mga gimbuhaton apil na ang mga sakyanan nga magamit nianang panahona. Sa laing bahin, Si Infrastructure ug Landed Estate Committee Chairman Honorable Barangay Kagawad Mike Mamacog nagbutyag  nga ang Kapin 600 ka pamilyang maapektuhan sa demolition base matod pa sa iyang nahibal-an na sulod kini sa luna ni Zacarias Antonio sa Purok 1,2,3, ug portion sa purok 4 Lanton Apopong nga may gilapdon nga 16 ektaryas.
(Roger Lambot)

COMTECH dili TESDA Accredited

Gilimod karon sa buhatan sa Technical Education and Skills Development Authority XII- SARGEN ang Comtech Resources Development Program Services nga kini adunay accreditation gikan sa ilang buhatan alang sa ilang pag pag pangagni ug mga estudyante nga mutungha sa ilang gipanaad nga maayong edukasyon.  Kini human sa ubay-ubay  nang reklamong  nadawat ABANTE gikan sa mga ginikanan nga nagpatungha sa ilang mga anak sa usa ka iladong computer school dinhi sa dakbayan. Nasayran nga unang modiklera ug scholarship  ang maong buhatan sa mga estudyante nga ilang mahanyagan nga motungha pinaagi sa pag gamit sa usa ka sikat nga pangalan nga mao ang ACLC College aron daling maka kuha ug mga enrollees. Sumala pa sa  maong mga reklamo mangayo matud pa ug down payment nga P500 sa tanang buot magparehistro ang COMTECH  ug dugang pang P240 matag sesyon diin mukabat sa dul-an P5,000 matag estudyante ang ilang makuhang kantidad. Kahinumduman nga ubay-ubay na ang napa sarado nga mga tulunghaan sa dakbayan nga walay igong akreditasyon diin iligal kining naga pangdawat ug mga estudyante. Lauman matud pa sa mga ginikanan ang ipakanaug nga imbestigasyon sa TESDA 12 aron pormal nga mapa hunong ang ilang pag paghanyag ug edukasyon nga walay klaro. Sa laing bahin gilimod usab sa buhatan sa ACLC College ang impormayon nga sila adunay kursong gipang hanyag sama sa gipanulti sa mga ahente sa COMTECH. Sanglit nangarkila lamang matud pa kanila ang comtech sa matag dominggo ug sabado alang sa ilang pag pahigayun sa ilang kaugalingong klase sa maong tulunghaan. Bisan dili pa tino nga ilad ba o dili ang ilang sistema apan ang dakong punto nga mao ang ilang pag gamit sa  pangalan nga ACLC ang usa ka lingla sa kinsa mang buot musulay sa ilang hanyag. Nanawagan na lamang karon ang mga reklamanteng mga ginikanan nga dili magpa ilad sa unsa mang mga tulunghaan nga walay igong akreditasyon. Samtang abli usab ang buhatan sa ABANTE SOCSARGEN alang sa pag paklaro sa ilang bahin. ( Cris Legaspi )    

Kalilangan 2012, gipangandaman

Gipangandaman na karon sa lokal nga panggamhanan sa syudad sa Heneral Santos  ilabi na ang Mindanao State University nga mao na usa'y  modumala  sa 73rd Foundation Anniversary- Kalilangan Festival 2012. Niadtong nakalabay nga adlaw atul sa ika 72nd Regular Session sa Sangguniang Panlungsod  gipresenta ni Assistant Festival Director Alma Agujon  ang inisyal nga nakasabutan  kung asa sumala pa niini nga nakasentro ang maong selebrasyon sa kultura ug agrikultura sa dakbayan.  Mas gipanindot matud pa ang ikaduhang pinakadakong Festival sa syudad kung asa una ang selebrasyon  sa Kalilangan, aduna'y ipahigayong “Larong Pinoy” sa nagkadaiyang  26 ka mga barangay ning syudad aron usab sa pagpromote kun pagdasig sa mga Generals  sa pagpartisipar sa nahisgutang matag-tuig nga selebrasyon.  Susama  sa naandan maghimo gihapon ug mga payag ang 26 ka mga barangay ug da-on kun i-display usab niini ang mga nag-unang produkto nga maoy ilang panginabuhian.  Samtang dako usab ang paglaum sa MSU nga mamahimong magmalampuson na usab ang maong selebrasyon  ug  nagdahum kini nga suportahan gihapon sila sa nagkadaiyang sektor ning syudad.  Nagpabilin gihapon sa 2.5 Million pesos ang gigahing pundo sa lokal nga panggamhan.  Ang selebrasyon usa ka pamaagi aron sa paghinumdom sa paghidangat sa mga nag-unang grupo sa katawhan kun “Pioneers” sa dakbayan sa pagpanguna ni Gen. Paulino Santos ug ang paghidangat sa mga “Local Native Residents” nga mao ang Maguindanaons ug Bla'an.   Kahibaluan napili ang Kalilangan 2011 nga gipangunahan sa MSU isip Best Tourism Event of the Philippines Culture and Arts Category City Level atul sa 12th Association of Tourism Officers of the Philippines kun ATOP niadtong nakalabay nga tuig.
(Ed Angeles)

1st Pacman New Year's league
gipahigayon!

JMP Sports Complex- Malampuson nga gipahigayon ang 1st Pacman New Year's League niadtong Disyembre 26 hangtud 30, 2011. Ang maong programa isip tubag usab ni Congressman Manny Pacquiao sa hangyo sa mga higala niining basketbolista sa syudad nga sagarang  nakaatbang niini sa iyang pagbansay aron magpadayon ang respeto sa matag usa. Mukabat sa napulo ka mga “team” ang nagsangka kung hain ang mga uniporme niini giabaga usab sa batan -ong kongresista ug libre ang matag “entry”.  Nahimung kampeon ang Princess Team Pacman ug nakuha ang premyo nga P50,000 kung hain midula si Manny ug igsoon niini nga si Bobby samtang P30,000 ang nakuha sa Brgy. Apopong Team Idol isip 1st Placer nga gidulaan ni Kapitan Ruel Pacquiao, P20,000 sa Queen isip Second Placer ug P10,000 sa Mt. Sabrina.
Dako ang pagpasalamat sa mga partisipante nga miapil sa maong padula ug sa paghatag ug panahon sa nahisgutang kongresista. Samtang gikomperma ni kapitan Ruel Pacquiao nga ipahigayon sunod nga liga sa Lokal ug National karung bulana sa JMP Sports Complex nga suportado lamang sa gihapon ni Congressman Manny Pacquiao.
(Joemar Plasabas)

Health tips sa Year of the Water Dragon

Sa naandan matag tuig ato nang giandam ang atong mga kaugalingon alang sa umaabot nga mga adlaw karong tuiga nga mao ang Year of the Water Dragon apil na dinhi ang panaad nga magpabiling himsog sulod sa dose ka bulan, kini ang hinungdan nga naaghat kita nga katagaan ug pagtagad ang kabahin sa mga health tips alang sa 2012 kung diin basi sa mga health experts kini ang mamahimong sumbanan sa tanan matag bulan.
Sa bulan sa Enero mag-gahin ug panahon  alang sa pagsayaw, matud pa nga ang pagsayaw ang usa sa pinakanindot nga paagi aron makunhuran ang timbang. Sa pagsayaw dali usab ikaw nga singoton nga muresulta ngadto sa kahimsog sa kalawasan.
Sa bulan sa Pebrero kinahanglang imintina ang kahimsog sa kasing-kasing, ug usa sa pamaagi aron masiguro nga kini himsog kinahanglan nga ipalantaw kanunay ang inyong cholesterol. Gibutyag ni Dr. Cary Nelson sa South Bay Family Medical Group nga ang normal nga cholesterol levels sa mga tawong walay laing balatian mao ang musonod , ang kinatibuk-an cholesterol  ang dili muobos ngadto sa 200 mg/Dl, ang LDL Level ang ubos ngadto sa 130 mg/Dl ug ang HDL level ang taas ngadto sa 40 mg/Dl. Gipaklaro usab sa nahisgutan nga ang hearth screening ang magdepende usab sa edad sa tawo ug kalakip usab dinhi ang carotid artery scan, echocardiogram, electrocardiogram kun treadmill stress test.
Kinahanglang ipalantaw ang mata inig abot sa bulan sa Marso. Gibutyag sa National Institutes of Health nga ang Presbyopia ang usaka kondisyon kung diin ang lens sa mata ang mawad-an na ug abilidad nga makatotok pag-ayo hinungdan nga malisdan na nga mutan-aw sa usaka butang . kasagaran nga maapektuhan niini mao ang ana-a sa pangidaron nga kuwarenta anyos busa giagni sa mga experto ang mga batan-on nga magpailalom sa eye exam ka-usa  sa duha ka tuig ug ang ana-a sa trinta ngadto na sa kuwarenta anyos ang magpacheck-up sa mata matag tuig. Kasagaran sa mga sintomas sa maong balatian mao ang eye strain, sakit sa ulo ug ang pagkahanap sa panan-aw.
Iprepara usab ang kaugalingon alang sa allergy season inig abot sa bulan sa Abril. Aron makalikay sa sip-on, pagpangatol sa mga mata, congestion ug uban pang mga sintomas tungod sa alergy kinahanglan muhimo na ug mga paagi aron nga kini dili na mugrabe o kaha dili na makabaton ug allergy.kanunayon ang pagpanglimpyo sa inyong lawak aron dili mudaghan ang abog nga maoy sagad hinungdan nga magaagni ug allergy.
Nindot nga mabuntis sa bulan sa Mayo, ug kung gaplano ang mag-asawa  nga makabaton ug anak, likayan ang pagtaas sa cholesterol level,bantayan ang blood pressure ug ang diabetes.Likayan usab ang pagpanigarilyo ug pag-inom sa mga binong makahubog.
 (Atangi ang sumpay…)