NEWS

PCM-M Landslide sa
SCIPSI-Makar Port Election

Landslide ang nasakmit nga kadaugan sa Pro-labor Champ Movement  Makar (PCM-M) atul sa gipahigayon nga consent election sa Unyon sa South Cotabato Integrated Port Services Incorporated(SCIPSI) niadtong nakalabay nga semana. Nasayran nga tulo ka unyon ang nagpapili nga mao ang Pro Labor Champ Movement  Makar (PCM-M), Makar Port Labor Organization (MPLO), Sarangani Marine and General Workers Union -Trade Unions of the Philippines and Allied Services (SAMAGEWU-TUPAS). Base sa resulta nga nakuha sa ABANTE SOCSARGEN News gikan mismo sa Board of Election nga gilangkuban sa mga miyembro sa Department of Labor and Employment Regional Office pinaagi sa pagpanguna ni Mr. Jimelito L. Marquez nagbutyag nga nakakuha ug 8 ka mga boto ang SAMAGEWU-TUPAS samtang naka sakmit usab ug 39 ka mga boto ang MPLO.
  Nahimong madaugon ang PCM-M sa boto nga 222. Sa kinatibuk-an dunay duha ka mga inbalido nga boto ug upat usab ka mga “Challenge Vote” diin mitumaw nga 51 ang wala naka boto sa maong piniliay. Sumala pa ni Atty. Nicanor Jimeno ang abogado sa SCIPSI nga kinahanglan gayud ang maong lakang alang sa ka ayuhan sa mga trabahante sa Makar Port. Kahinumduman nga nahimong “incumbent” sulod sa lima ka tuig ang SAMAGEWU-TUPAS nga una nang misupak sa gipahigayong eleksyon. Gikalipay usab ni Dominador “Doming” Vilbestre ang Chairman sa maong unyon nga 17 anyos nang miyembro sa Unyon samtang naga trabaho sa maong kompanya.
 Sumala pa ni Vilbestre nga  “ Una sa lahat nagpapasalamat ako sa mga sumoporta sa amin na mga miyembro ng unyon, dahil kung hindi sa kanilang suporta wala kami  dito. Sisikapin naming ibigay sa kanila ang kanilang hinihiling at mabigyang  pansin ang kanilang mga pangangailangan para sa kanilang mga pamilya.” Sa kasamtangan lauman na lamang  matud pa sa tanang miyembro ang bag-ong hugna sa liderato sa union nga mauy mudumala sulod sa lima ka tuig. 
(Cris Legaspi /Bonie Santillan)   

Kulang nga tambal ,
may solusyon-BM Alzate

Sarangani Provincial Capitol-Nahuman na kaniadtong Oct. 11, 2011 ang joint legislative inquiry sa Committee on Health, Disaster and Related Services ug sa Committee on Finance, Budgeting, Appropriations and Ways & Means may kabahin sa walay tambal ang municipal hospital sa Sarangani.
Gibutyag ni BM Eugene Alzate sa iyang privilege speech niadtong July 12, 2011 atul sa ika 27th regular session sa SP nga “Gamot sa Bukol, Meron Ka?” ang kabahin sa mga reklamo sa mga Sarangan nga walay tambal sa ilang hospital sa munisipyo.
Lima ka mga hospital sa mga munisipyo ang gipasabot ni BM Alzate nga walay mga tambal ug kini mao ang hospital sa Malungon, Glan, Kiamba, Maasim, ug Maitum. Mukabat sa 3.4 million pesos ang gigahing budget para sa tambal sa lima ka mga hospital apan wala kini mapalit ug nahibaluan sa komitibang nag-imbestigar nga na-usab na diay ang sistema sa pagpalit ug mga tambal, kinahanglan nga hulaton nga makumpleto ang purchase request sa tambal kada hospital una kini mapalit. Hinungdan nga gi-rekomenda niini nga kinahanglan magpagawas ug usa ka Executive Order ang gobernador sa probinsiya nga tugutan kini nga kada hospital na ang pagpalit ug tambal aron dili kini ma-delatar. Samtang mihangyo ang Local Health Board ngadto sa SP nga mupasa ug usa ka balaudnon aron sa pagmugna ug usa ka Special Bids and Awards Committee para lang gyud sa mga tambal ug mga medical supplies aron paspas ang pagpalit ug pagdeliver sa mga tambal sa matag hospital. Apil sa rekomendasyon sa kometiba nga mag hire ug mga health personnel nga maoy motutok sa mga parmasya sa matag hospital 24 oras apil ang Sabado ug Domingo.
(Arnel Arsolon)

Media Seminar sa Pagprotekta sa
Kabatan-unan, Gipahigayon!

“Looking into the Welfare of the Children” kini ang nahimong sentro sa gipahigayong Seminar Workshop on Child Protection for Media Practitioner nga gipasiugdahan sa National Council for Children's Television (NCCT), Council for the Welfare of Children, International Labor Organization (ILO) ug Philippine Press Institute. Nahimong dinapit sa maong panagtigum ang mga magsisibya, magtutudlo ug mga piniling estudyante sa syudad niadtong adlaw'ng Martes petsa 15, 2011 sa  (NEAP)Training Center,Brgy. East General Santos City
Nahimong sentro nga gihisgutan ang kabahin sa pamaagi sa pagprotekta sa kabatan-unan pinaagi sa tabang sa mga  magsisibya sa Print, Radio ug Broadcast.Giablihan ang programa ni Attorney Jesus Dureza nga kasamatangang naglingkod isip  trustee sa Philippine Press Institute diin nagbutyag nga angayang likayan sa mga ginikanan ug mga magtutudlo nga huna-hunaon sa mga kabataan nga dunay kalahian partikularmente na ang natad sa relehiyon lakip na ang saktong pagtratar sa pag ila sa mga nahilambigit sa bisan unsa mang krimen. Samtang  gihisgutan usab  ni  CWC Executive director Denia S. Gamboa ang kabahin sa Child Rights and Protection,Worst Forms of Child Labor.  Gihisgutan usab sa  Executive Director  sa International Labor Organization nga si Jodie Mitra ang kabahin sa pag pangabuso sa kabataan, samtang Positive Reporting and the Media usab ang gitudlo ni Ariel Hans Sebellino kinsa maoy PPI Executive Director.ang maong panagtigum  gisugdan mga Alas Otso sa buntag ug nahuman kini Alas Sais sa sayong kagabhi-on.
(Manz Virtudazo/Joemar Plasabas)

HEALTH NEWS

Erectile dysfunction senyales
sa Heart Disease?

Ang Erectile Dysfunction ang  stressful nga balatian, apan dili kini susama sa sakit sa kasing kasing nga ikamatay. Ang erectile dysfunction ang tawag sa lalaking dunay kinatawo nga dili na makahimo sa pagmintina sa erection niini hinungdan nga dili usab kini makahimo sa pakighilawas sa ilang partner. Matud pa nga ang nahisgutang balatian ang senyalis nga ang usa ka tawo dunay suliran sa ilang kasing kasing.
Ang Atherosclerosis (ath-ur-o-skluh-RO-sis) kun pagkagahi sa kaugatan kini mao ang kamugnaan sa plaques sa ugat sa nagkadaiyang parte sa kalawasan. Kini ang hinungdan nga ang ugat migu-ot ug migahi nga miresulta ngadto sa limitadong blood flow.Tungod sa gamay lang ang ugat nga gasuplay sa kinatawo kung itandi ngadto sa arteries nga nag suplay sa inyong kasing kasing, hinay hinay usab nga mutumaw ang sintomas sa atherosclerosis sa kaugatan nga nagasuplay ug dugo sa inyong kasingkasing.
Ang heart disease mutumaw  kung duna kamoy atherosclerosis sa inyong kaugatan nga maoy gasuplay ug dugo sa inyong kasingkasing. Samtang ang atherosclerosis ang hinungdan sa laing mga suliran sama na lamang sa aneurysm, stroke ug ang gitawag nga peripheral artery disease.
Samtang duna usay pipila ka mga balatian nga maoy nakitang hinungdan sa erectile dysfunction sama na lamang sa diabetes, ang pangidaron, ang sobra katambok, taas nga cholesterol, kusog nga manigarilyo, dunay high blood preasure ug ang sobra ka magul-anon. Subay niini gapahimangno ang mga doktor sa duna nay mga susamang mga timailhan nga usabon ang mga naandan nga buluhaton. Kinahanglan nga mugahin ug panahon alang sa pag ehersisyo, pag dyeta ug labaw sa tanan buhaton ang tanan aron matigayon ang erection.
 ( Venus C)

(AngKarugtong..) Ngayon, ang prinsesa, na kilala rin bilang ang White lady ay hindi na nagpapakita sa Lagao o san man sa mga lugar ng katimugang Pilipinas. Bagaman ayon kay SK Zetha, paminsan-minsan ay nagpapakita umano sa kanya ang prinsesa sa pamamagitan ng panaginip. Sabi pa nito, "sa iilang okasyon, nagpakita siya sa akin sa aking panaginip, ang kanyang taas ay humigit-kumulang 5 talampakan at 6 pulgada hanggang 5 talampakan at 8 pulgada. Napakaganda nito, bilog ang hugis ng mukha, may malarosas na pisngi at maputing kutis. May mahaba at pinong itim na buhok na umaabot hanggang baywang, nakatiklop nang dalawang beses sa kanyang mga balikat na nakatali sa isang bandana. Nakasuot ng isang mahabang puti na satin na bestida, at may mahabang manggas. Siya ay may suot na isang puti na sandalyas.
Ang mga buto at iba pang labi ni Princess Cresilda ay napunta sa pag-iingat ni SK Zetha Sr. Sa tahanan ng pamilya nito sa tabi ng  Roxas Avenue sa may sulok ng Nuestra Senora de La Paz sa Osmena Avenue, nakalagay ito sa harap ng altar ng pamilya para sa hinaharap, alinsunod ito sa kagustuhan ng espiritu ng Princess Cresilda Simbara Ybarra. Sa sumunod na mga panahon ito ay inilipat at inilibing muli sa tabi ng libingan ng namayapang SK Gaudencio Zetha.
(Wakas)