HEAD NEWS

Hero’s Welcome ni
Congressman kasado Na!

GENSAN-SARANGANI- Kasado na karon ang Homecoming ug Hero's Welcome ni 8-Division World Champion ug Sarangani Congressman Manny Pacman Pacquiao. Sama sa naandan sugaton sa Gensan International Airport ang Pinoy Boxing Ring Icon sa mga opisyal sa dakbayan ug Sarangani Province kauban ang pamilya niini ug mga fans. Aduna usa'y motorcade nga ipahigayon sa mga nag unang kadalanan sa dakbayan nga mag sugod sa Barangay Fatima, Calumpang, Labangal, Silway, P. Acharon Boulevard, palengke ug J. Catolico Avenue.  Sa pikas bahin,  gikumpirma ni Michelle Solon ang Regional Tourism Council President sa Rehiyon 12 niadtong nakalabay nga adlaw nga pinasahi ug engrande matud pa ang pagahimoong heros welcome sa probinsya sa Sarangani alang sa pambansang kamao. Ang pambansang kamao posibling muabot karong umaabot nga Nobyembre 24 samtang magsugod ang hero's welcome didto sa Buayan Bridge, alas 4 sa hapon lahos  na didto sa Sarangani Capitol Ground kung asa ipahigayon usab ang opening ceremony sa ika-19th Foundation Anniversary ug Munato Festival. “Ang plano namin is to really make special. He deserves it in Sarangani and now from Sarangani. We do something for him and the home town.” pamahayag ni Michelle Solon.   Gidayeg usab ni Sarangani Governor Miguel Rene Dominguez ang kadaugan ni Pacman human pipila sa mga Sports Analyst ang wala na kontento sa gipakita sa pambansang kamao. Matud pa ni Dominguez sakto ang nahimong desisyon sa mga hurado tungod lamang matud sa power punches connected si Pacquiao kun itandi kang Marquez. Posibling dumugon na usab sa libuan ka mga boxing fans ang Hero’s Welcome sa Pambansang kamao. 
(Kathy Kasayan/Ed Angeles)

 Dirty Tricks ni Marquez nakuhaan
ug hulagway

Nakurat ang mga Boxing Fans ni Eight Time World Champion Manny Pacquiao dihang nanggawas sa internet ang kontrobersyal  mga hulagway atul sa panagsangka nilang Juan Manuel Marquez niadtong milabay'ng Dominggo. Nasuta nga kaunom ka higayon nga gitumban ni Marquez ang tiil ni Pacquiao sa ilang dula. Nasayran nga sa unang higayon gihimo ni Marquez nga anaa sa 4th round 11 sec., 6th round 1:18 sec., 7th round 1:49 sec., 8th round 1:27 sec.,  ug makaduha sa 12 round sa 1:23 ug last 52 sec.
 Sumala  pa ni Mindanao Advocate CEO  Atty.Jesus Dureza nga sa unang pagtan aw sa mga hulagway giila niining usa ka tikas ug dili makatarunganon ang gihimo ni Marquez ngadto kang Pacquiao ug hinungdan sa pagkaparot sa kaatbang niini. “ Ako nitan aw raba gyud sa away nilang duha. Manny is still won , Fair and Square, but we're  getting  the reports on the internet about certain alleged dirty tricks of Marquez during the bout  nga iyang gitumban ang tiil ni Manny. So kinahanglan nga I validate jud na kay murag hinungdan usab nga pagkapildi ni Marquez.” Pamahayag niini.
Gipaklaro usab ni Coach Fredie Roach sa usa ka telebisyon nga sagaran gayud nga gakahitabo ang maong insidente kung magsugat ang walhon ug tuo nga kinumo.

(Anter A/ Joemar Plasabas)