SPORTS

Pacquiao gihagit ang mga kritiko!

"Sa mga ibang tao na naniniwala na hindi tama ang desisyon, magpakatotoo ka. Maging Pilipino ka." kini ang gibuhiang pamahayag ni Sarangani 8-division world champion Congressman Manny Pacquiao atul sa pag abot niini sa nasud Pilipinas. Kahinumduman nga gi-ulan ug kontrobersiya ang Pacquiao-Marquez trilogy fight human gi-deklarang kampeon si Pacman. Sumala pa sa kongresista mga hurado matud pa ang nag desisyon hinungdan nga walay angayang i-kwestyon ang publiko sa iyang kadaugan.
Aminado si Pacman nga nalain ang buot niini human pipila ka mga pinoy ang wala na kontento sa away nilang Marquez tungod wala niini napatumba ang Mexican boxer. "Kasalanan ko rin ang lahat ng pangyayari. Hindi ko masisising may doubts sa pagkapanalo ko, dahil sinanay ko kasi sila na palagi akong panalo ng knockout, o binubugbog ko ang kalaban ko. "Yung ine-expect ng mga tao at ine-expect ko rin na maibigay ko sa mga tao, hindi nangyaring ganoon " Pamahayag ni Pacquiao. Bisan gi-ulan ug pagsaway ang kalampusang naangkon sa  pinoy ring icon, mapasalamaton gihapon kini sa mga misuporta ug nagtuo sa iyang kapasidad.  Subay sa ratings sa ESPN ug Sports Illustrated, anaa lamang sa ika duhang pwesto sa pound for pound si Pacquiao samtang nagpabilin gihapon kining no. 1 “Bible of Boxing” sa  THE RING magazine.
(Kathy Kasayan)

Pacquiao - Marquez, negatibo
sa steroid - NSAC

Gibutyag karon sa Nevada State Athletic Commission nga negatibo sa unsa mang performance enhancing drugs ang duha ka boksidor nga si  WBO welterweight champion Manny Pacquiao ug Juan Manuel Marquez atol sa bag-uhay lang nahuman nga away sa duruha. Sumala pa kang Nevada State Athletic Commission Executive Director Keith Kizer nga basi sa gihimong drug test kang Paquiao ug Marquez bag-o ang away niini niadtong nobyembre 13 tuig kasamtangan sa may MGM Grand Nevada USA nga limpyo ang duha ka boksidor sa pag gamit ug steroids."The steroid and drug tests for Mr. Pacquiao and Mr. Marquez are in. They were all negative)pahayag ni Kizer. Samtang mi dipensa usab si NSAC Athletic Commissioner Keith Kizer sa tubig nga kolor yellow nga gi painum kay Marquez atul sa pakigsanka niini kang Pacman sa round 6 ug 7  ni  Angel Heredia Hernandez nga kini may pagtugot kanila(Nevada State Athletic Commission). Gi butyag sa Nevada State Athletic Commission executive director Keith Kizer  nga ang maong tubig usa lamang ka “ pedialyte” nga ginagamit nga alternatibong sports drinks sa mga atleta.
(Dave Silagan)

26th SEAG, nahuman na

Bisan pakyas nga nakab-ot sa mga atletang Pinoy ang 3rd Place sa bag-ohay lamang nahuman nga  26th South East Asian Games didto sa Palembang, Indonesia malipayon gihapon kining ning-uli sa Pilipinas dala ang traynta'y sais (36) ka mga medalyang bulawan, singkwentay sais ka Silver ug setentay syete ka Bronze.  Sa kinatibuk-an, dala sa nasud Pilipinas ang Syento Saysentay Nuebe (169) ka mga medalya.  Sa pinal nga resulta nanguna ang host country sa SEA Games ang nasud  Indonesia nga adunay 182 ka Gold medals, 151 Silver medals  ug 142 nga Bronze medals. Gisundan kini sa nasud Thailand nga adunay 107 ka Gold medals, 100 ka Silver medals ug 120 ka Bronze. Ikatulo usab ang Vietnam nga giuli ang 96 ka medalyang Bulawan, 90 ka Silver ug 101 ka Bronze medals. Ika-upat ang Malaysia 59 ka Gold, 50 ka Silver ug 81 ka Bronze samtang ika-lima usab ang Singapore 42 ka Gold, 45 ka Silver ug 73 ka Bronze. Ika-pito usab ang Myanmar, Laos PDR, gisundan sa Cambodia, Timor Leste ug pang-ulahi ang Brunei.
(Ed Angeles)