Bag-ong 3D ug  video game
ni Pacman, ilusad!

Gikatakdang ilusad sa Abu Dhabi-based Karkadann Games ang bag-ong 3D ug action-packed video game ni 8-Division World Champion Manny Pacquiao. Gikaingong puno ug mga 3D-rendered graphics ang maong dula ug nakuha usab niini ang mga estilo ug boxing skills sa Filipino ring Icon. Ang Manny Pacquiao: Pound for Pound mao ang bag-ong 3D action fighting game series nga gibidahan ni Filipino Athlete ug International Superstar Manny Pacquiao nga gilarawan isip usa ka martial arts action hero nga makigsangka batok sa mga makahahadlok nga kontrabida aron masakmit ang katarungan. Ang maong dula gihimo alang sa mga gaming audience nga inapilan ug mga sayon nga game mechanics. Ang mga magdudula dili lamang mogunit sa kombinasyon ni Manny Pacquiao kundili aduna usab kini ganghaan aron mapausbawan ang gahom ug enerhiya sa panagsangka niini. Ang "action-packed fighting game" mamahimo usab nga i-upload sa mga ginatawag nga IOS devices susama sa iPhone, iPod touch ug iPad.
(Gretchen Oliver)

Pamilyang Chiongbian gidayeg
ang kadaugan ni Pacman

Sarangani Prov. - Gidayeg ni Sarangani Vice Governor Steve Chiongbian Solon ang kadaugan nga naangkon ni  Sarangani Congressman Manny “Pacman” Pacquiao batuk kang Juan Manuel Marquez sa ikatulong pag panagsangka sa duha ka banggiitang boksidor didto sa MGM Grand, Las Vegas Nevada niadtong Nobyembre 13 tuig 2011.  “Congressman Manny Congratulations gikan sa akoa, gikan sa pamilyang Chiongbian, we are very proud of you, we are very happy, you  wish all the best with your political career with all your family and in your future” pamahayag ni Vice Governor Steve Solon. Samtang  gibutyag niini  nga alang kaniya si Pacman gayud ang mi daug ug mao kining disisyon sa referee, isip usa ka atleta nasayud siya nga dili  layu ang resulta sa dula ug nakita niini dikit ang resulta sa away ni Pacman ug Marquez. “Para sa akin atleta pud ko dili pirmi nga layo ang laban usahay dikit-dikit gyud ug para sa akoa Win is a Win, nakita nako nga very close fight and the referee set that Manny won”, dugang pahayag ni  VG Solon. Nagtoo ang maong opisyal nga mas mudaghan pang mga investor nga mobobo ug negosyo sa Saranggani tungod sa kalampusang naangko ni Cong. Manny Pacman Paquiao sa natad sa dulang boksing.
(Danny Bojos, Jr.)  

2nd Year sa Maguindanao Massacre,
gihinumdum!

GENERAL SANTOS CITY-Gipahigayon ang ika duha ka tuig sa pagsaulog sa mangilngig nga pagpamatay sa mga biktima sa Maguindanao Massacre niadtong Nobembre 23 ning kasamtangang tuig.  Nag uban ang mga nagkadaiyang personalidad sa telebisyon, radyo, mantalaan, mga nagkalahing sektor sa katilingban ug mga pamilya nga gipangunahan sa Heirs of 11/23 Heroes Incorporated sa paggiya sa gibuhat nga mga aktibidad. Gipanguluhan kini sa grupo sa Kapisanan ng mga Brodkaster sa Pilipinas SARGEN Chapter (KBP) inubanan sa Trimedia Association Incorporated ug Samahan ng Mamahayag at Brodkaster Incorporated (SMBI) ang motorcade, candle lighting ug ang misa nga ipahigayun sa Forest Lake, Cemetery, Gensan. Matud pa ni Reginald S. Dalmacio, Heirs of 11/23 Heroes, Vice-President, “Daku kaayo ang amoang pagpasalamat sa tanang naghatag ug tinuoray nga suporta ngadto sa mga pamilya sa mga biktima. Nanghinaot kami nga dili sila magsawa sa pagtabang kanamo hilabi na sa pag-angkon sa kadaugan nga makuhang hustisya. Nanawagan usab kami sa atoang Presidente nga si Pinoy sakmit sa iyang tuwid nga daan, nga unta matagaan usab ug pagtagad ang paghatag ug tinong hustisya sa maong kaso.” Naghatag usab ug mga mugbong mensahe ang mga inilang pulitiko sa syudad ug sa lahing probinsya sa paghatag suporta ngadto sa mga pamilya. Kahibaluan nga ang mga pamilya niadto usab sa dapit sa Sitio Masalay, Barangay Salman, Ampatuan, Maguindanao, desperas sa adlaw sa panghitabo sa maong masaker aron sa pagpahigayon usab ug misa alang sa mga biktima nga gipanguluhan ni Fr.Robert Reyes. Samtang naglaum ang mga pamilya nga matagaan ug tinud-anay, paspas ug han-ay nga hustisya ang ilahang minahal sa kinabuhi.
(Bonie Santillan)

Unsaon pag-amping sa Kidney…

Ang usa ka paresan sa bato kun kidney ang makita sa likod nga bahin sa tiyan sa tawo, kini ang usa sa upat ka mga organs nga kabahin sa Urinary Tract System, ikaduha mao ang Ureters nga usa usab ka pares sa tubo kung diin didto naga-agi ang ihi gikan sa kidney padulong sa pantog. Ikatulo mao ang pantog kun urinary bladder kung diin dinhi ginatigom ang ihi ug ang ika upat mao ang Uretha nga maoy agi-an sa ihi gikan sa pantog pagawas sa lawas sa tawo.
 Importante ang bato tungod kay kini ang nagasala sa dugo nga nagdagayday sa kalawasan aron malahi ug malabay ang mga hugaw kun toxin nga makahilo sa lawas sa tawo. Ang mga toxins ang ginapagawas pinaagi sa ihi. Ang mga toxins ang nag gikan usab sa ginakaon sa ug ginainom sa tawo. Ang kidney usab maoy nagaplastar sa lebel sa tubig ug electrolytes sa atong kalawasan. ang kidney usab ang nagatabang aron magpabiling normal ang pula sa atong dugo pinaagi sa pagmugna ug erythropoietin nga maoy nagatabang sa bone marrow sa paghimo ug red blood cells. Kahibaluan nga importante ang red blood cells tungod kay kini ang nagadala ug oxygen sa tanang parte sa kalawasan. Ginapaayo usab sa kidney ang presyon sa dugo pinaagi sa pag regulate sa kadaghanon sa dugo ug  asin sa lawas.
Ginalimpyohan  sa kidney ang dugo, una mao ang  sa pagsulod sa dugo sa kidney pinaagi sa kaugatan nga nag gikan sa kasingkasing, ginalimpyuhan ang dugo pinaagi sa pag-agi sa milyon milyong mga nephrons kun ang gitawag nga blood filters, ang hugaw nga nalahi tungod sa nephrons ang muagi sa Ureters ug ginatigum kini sa pantog, u gang nahisgutang mga hugaw ang gitawag nato ug ihi.kung napuno na ang pantog sa ihi, hinay hinay na kining muigawas pinaagi sa pag agi sa Uretha, ang nalimpyuhan na nga dugo ang nabalik na usab sa agi-anan niini pinaagi sa kaugatan.
Sa pikas bahin dunay nagkadaiyang mga sakit nga makadaot sa kidney kung diin sagad kining dunay kalambigitan sa pag-ihi apil na dinhi ang diabetes mellitus, altrapresyon, kidney stones, glomerulonephiritis kun ang pagpamaga sa ugat sa bato nga posibling nakuha sa tonsillitis, pharyngitis ug ingon na sakit sa panit u gang Urinary Tract Infection kon UTI ( Venus  C.)