HEAD NEWS

Congressman Pacquiao,
ablihan ang MunaTo Festival

SARANGANI PROVINCE-Pormal nga giablihan sa batan-ong kongresista nga si Cong. Manny Dapidran Pacquiao ang 19th Foundation Anniversary ug 9th MunaTo Festival sa lalawigan sa Sarangani karong November 24-27, 2011. Gikabutyag ni BM Eleanor Saguigit ,Committee Chairman sa Festival nga mga bandang alas 4 sa hapon  adlaw nga Huwebes(Nov.24)usa ka Heros Welcome ang ipahigayun  kung asa magsugod kini sa  Buayan Bridge padulong na kini sa Sarangani Provincial Capitol. “Fyu Kura” , dul-an ngadto sa 20 ka mga kabayo ang pagasul-uban kini sa mga nitibong costume nga mauy magsilbing convoy sa motorcade ngadto kang Congressman matud pa ni Sagugit.Pagasugaton usab kini sa mga tag-as nga opsiyal sa kapitolyo sama nilang Gob. Migs Dominguez,V-Gov.Steve Solon, Board Members ,7 ka mga Mayor ,mga Brgy. Officials ug uban pa.
Paghidangat niani sa Provincial Capitol Compound dito na pagsugdan pormal ang  Opening Ceremony(PANAGTIGUM) ang programa.Pagkahuman  niani ang “press Conference”ug ang pagpalupad na sa “fly lanterns” isip senyales na sa pagsugod sa tulo ka adlaw nga selebrasyun.
Gidugang pa ni BM Saguigit nga dunay mga aktibidadis sama sa (Fabli Gu Ni)Photo Exhibit sa Tri People ug ang “showcase” sa mga produkto sa pito ka munisipyo.Apil na ang “Battle Of the Bands”sa pagkagabii nga kung asa magpasundayag ang MP Band.
Gilauman usab nga mahidangat si Bise Presidente Jejomar Binay sa petsa 25 atul sa Employees Day ug Tribute Ceremony ngadto kay anhing James L. Chiongbian ang kanhi kongresista nga mauy Amahan sa lalawigan sa Sarangani nga kung asa ipangalan ngadto kaniya ang Sarangani Provincial Capitol.
Apil sa mga “highlights sa maong selebrasyun mao ang Pearl Of Sarangani Beauty Pageant kauban ang GMA Kapuso Artist,Ist MunaTo Fest. Eco-Trek,Cultural Presentation, Street Party ug Fireworks Display,Photo Exhibit,Fun Run,Moro Pagingadan ug Kadtigi sa Kapangiluto(Moro Cottages and Traditional Delicacies),Street Dancing ug ang Provincial Meet sa DepEd Sarangani.
Samtang nga gikanayun usab ni Mr.Larry Asparin ang coordinator sa Sarangani Tourism and Investment Promotion Center nga musaka  ang ihap sa dul-an 26,100 mga bisita nga musaksi sa maong selebrasyun.
(Anter Alcos)

Paglusad sa  SP Website,
dakong tabang - VM Nograles

GENERAL SANTOS CITY-Dakong tabang sa katawhan ang gimugna  sa 16th Sangguniang Panlungsod nga mao ang www.spgensantos.ph nga pormal ng gilusad niadtong Nobyembre 22, 2011 sa SP Session Hall. Gipangunahan ni Vice Mayor Shirlyn Bañas- Nograles ang maong proyekto lakip na ang tabang ug suporta sa mga konsehal ug trabante sa Sanggunian. Tumong niini arun  mahatagan ug kasayuran ug updates sa mga panghitabo sa dakbayan ang katawhan ingon man ang mga Henerals nga anaa na sa abroad. Pipila ka mga opisyal sa lokal nga panggamhanan ang midayeg sa kasamtangang konseho lakip na si Assistant City Administrator for Administration Glenville Gonzalez “I would like to commend the Vice Mayor Hon. Nograles and the rest of the members of SangguniangPanlungsod.” Mapasalamaton usab si Hon. Vivencio Dinopol tungod nahinayon na ang dugay nilang ginapangandoy. “Well, dakong tabang ang paghimo sa website… kay tanan na mga ordinansa na ginapanday namu mabutang napud didto so dili na maglisod pa ang mga Generals.. arun mabal-an pud nila kung unsa ang trabaho sa mga konsehal.” pamahayag ni Dinopol. “Towards transparency and accountability..all activities of the Sanggunian as well as the resolution that are being passed will be posted there.. so more accessible to the people of Gensan.” Kini ang mapahitas-ong gisaysay ni VM Nograles human nagmalampuson ang paglusad sa SP website. Gidugang pa niini wala'y angayang ikabalaka ang mga konsehal nga dili makatambong sa regular session tungod luyo sa mga ordinansa ug programa sa Sanggunian lakip usab sa mga naka mantala sa Website ang agenda nga pagahisgutan sa session matag Martes. Gi-awhag usab niini ang tanan nga suportahan ang ilang mga plano tungod alang matud pa kini sa kalambuan sa dakbayan.  Nanghinaut usab si VM Nograles nga magpabilin isip legasiya sa dakbayan ang pagmugna niini.
(Kathy Kasayan)