NEWS

CSU, upat ka higayun gibalibaran
si VM Nograles sa Gym

“Once and for all pumunta siya dito sa office at humingi ng tawad..well, I'm willing to accept apology pero dili lang unta -baliktad baliktad gud ang ipagawas na istorya” kini ang gibuhiang pamahayag ni VM Shirlyn Bañas- Nograles human gipagawas sa usa ka lokal nga istasyon ang tubag ni CSU member Falsario may kabahin sa wala pagpasulod niini kang VM Nograles sa Lagao Gymnasium atul sa pay-per view fight nilang Manny Pacquiao ug Juan Manuel Marquez niadtong Nobyembre 13, 2011. Kahinumduman nga wala gitugutan ni CSU Falsario ang bise Mayor human kini mihangyo kaniya nga mutan-aw sa away ni Pacman. Sumala pa ni Nograles, makadaghan nga higayon niini gihangyo  apan sa mga hangyo niini upat ka higayon kini gibalibaran. “Una yung escort ko ang pumunta nag ask if pwede makapanood si Vice at makapasok pero wala daw siya gisugtan kay puno na kaya nibalik na lang akong escort. So, nagbaba ko, ako na ang niadto ug nakig-istorya kung pwede makatan-aw bisan didto na lang sa lower box kay naa paman mga bakante na lingkuranan didto kay puno naman sa main entrance pero ana siya na wala napud maagihan padulong didto.. 4 times niya akong ni-refuse…nagpakilala ako na ako si Vice pero wala pa rin.” Saysay ni VM Nograles.
Gumikan sa maong panghitabo mibalik na lamang sa iyang sakyanan ang bise mayor ug naulaw sa gihimo kaniya sa nahisgutang CSU. “nahiya talaga ako kasi may mga bisita ako nun, invited ko tapos ganun ang nangyari.. kaya sa sobrang sama ng loob ko bumalik ako sa gym at tinanong ang pangalan niya..at dun pa niya ako inalok na sige ma'am samahan ko na lang kayo sa VIP area dun pa lang niya ako inalok..pero later na.. pero hindi na ako pumayag.. Dugang pamahayag ni Nograles.
Sa pikas bahin gibutyag sa CSU nga ang proteksyon ni Vice ang gihuna-huna niini sa wala pagtugot nga makasulod si Nograles sa Gym. Gidugang pa niini wala niya nailhan ang bise Mayor tungod sa pag asikaso sa kadaghan sa tawo nga anaa sa maong gym. Gisunod lamang matud pa niya ang kamanduan sa iyang labaw nga dili na pasudlan ang lower box tungod napuno na sa tawo. Gumikan niini mapasalamaton gihapon ang bise mayor human kini gitugutan ni Brgy. Captain Eduardo Vargas nga makatan-aw sa away ni Pacman sa Bula Gymnasium human naglain ang buot sa nahitabo kaniya. Hinoon nangayo na ug pasaylo kaniya si CSU Falsario ug nanawagan na lamang ang bise mayor nga dili na padak-on ang istorya ug isulti lang ang kamatuoran. Nagsalig na lamang si VM Nograles sa kapasidad ni Mayor Custodio may kalabutan sa pagdumala niini sa mga miyembro sa Civil Security Unit. 
(Kathy Kasayan)

“Grabeng kalipay ang akong
gibati“ - Liza Onding

BRGY. LABANGAL-“Grabeng kalipay ang akong gibati“, Kini ang gihimong pamahayag sa igsoong babaye ni Congressman Emmanuel D. Pacquiao nga si Liza Pacquiao Onding sulod mismo sa Labangal Session Hall sa Barangay Labangal ning syudad sa Heneral Santos atul sa gihimong pag anunsyo sa kadaugan niini niadtong nakalabayng petsa 13 sa Nobyembre sa MGM Grand Garden Arena sa Las Vegas Nevada ,USA.  Kahinumduman nga gipildi niini ang challenger  nga si Juan Manuel Marquez pinaagi sa majority decision sa mga hurado pabor kay kongresman Pacquiao. Gidugang pa niini  nga nalipay matud pa ang tibuok katawhan sa Labangal ingon man ang tanang mga pinoy sa kadaugan sa Pambansang Kamao. Gilauman na matud pa niya ang mamahimong resulta nga kadaugan apan gikulbaan lamang kini sa gihimong pag sangko sa dula ngadto sa ika 12 nga round.  “ bahala na lang ug musangko sa 12 round ang dula ni Manny basta dili lang maunsa ” dugang pa ni Liza  nga ,” sobra ang akong kalipay ug nalipay ang katawhan sa iyang kadaugan.
Sa laing bahin dili matud pa mabut-an sa kagustuhan ang 8 -Time World Division Champion nga muretiro na sa iyang propesyon apan kung siya ang pabut-on mas maayo nga magpahulay una ang batang-ong kongresista. Mas nalingaw matud pa si Liza sa dula kumpara sa mga niagi tungod kay walay seryosong injury ang iyang igsuon. Gidugang usab niini nga ila matud pang ipadayun ang pag ampo nga ilang nasugdan bisan paman midaug na kini. Kahinumduman nga mipahigayun ug misa ingon man ang mga pag ampo bag-o pa ang away bisan wala makauban siMommy D.
(Cris Legaspi)

“No Segregation, No Collection
Policy” ipatuman

Hugot nang ipatuman karong umaabot nga Nobyembre 23, 2011 ang “No Segregation, No Collection Policy” sa mga basura sa syudad sa Heneral Santos, kini subay gihapon sa “City Ordinance No. 12 Series of 2008 kun Proper Waste Segregation”, kini ang gikumpirma ni Engr. Teodorico Dumagan  ang Assistant City Administrator. Nasayran nga 13 ka mga barangay gikan sa 26 ang prayoridad sa maong proyekto. Gihangyo usab ni Engr. Dumagan ang mga opisyales sa barangay nga ipatuman ang maong balaud aron magpabilin nga limpyo ug hapsay ang tibuok syudad.  Karong Nobyembre 22 ilusad sa Robinson's Place, Gensan   ang Waste Segregation kung asa pagasalmutan kini sa 26 ka mga baranggay ug uban pang mga departamento nga nakigtambayayong sa maong programa.  Ang mga basurang malata kolektahon kini sa adlaw'ng Lunes, Myerkules ug Byernes samtang ang mga Non- Biodegradable pagakuhaon kini sa adlaw'ng Huwebes ug Sabado. Malaumon ang nahisgutang opisyales sa tanang katawhan sa Heneral Santos nga mopartisipar gayud sa maong programa tungod dako matud pa ang epekto niini sa syudad nga kung adunay limpyo ug himsog nga palibot ang tibook dakbayan dali ra usab mouswag ang dagan sa ekonomiya sa Gensan. Kahibaluan niadtong tuig 2007, nanguna ang dakbayan sa Heneral Santos nga adunay pinakalimpyo nga syudad sa tibook Pilipinas.
 (Ed Angeles)

Pasko sa Gensan
pagadumalahan sa DepEd

Dako ang handom sa mga katawhan sa Heneral Santos ilabi ang mga opisyales sa dakbayan sa Department of Education nga maoy manguna kun modumala  sa Pasko sa Gensan nga adunay temang “Kampeon ang Pasko sa Gensan.” Gipili matud pa nila ang maong tema tungod kay napamatud-an na sa syudad sa Heneral Santos nga “Home of the Champion” kini. Samtang, usa sa mga kinadayagan kun highlights sa moang okasyon mao ang pagpakitang gilas sa mga kampyon nga nagdala ug dungog sa atong syudad.  Sumala pa ni Kag. Margareth Rose Santos ang Committee Chairman sa Department of Education nga posibli matud pa ang ubang stars lamang ang makapartisipar sa maong selebrasyon susama sa True Colors nga kampeon sa Showtime Season 2 tungod sa kabisihon niini. Kahibaluan gibansagan karon ang syudad ug “Home of the Champion” tungod usab sa mga nakab-ot nilang 8-time World Champion Manny Pacman Pacquiao, WBO/WBC World Bantamweight Champion Nonito “The Filipino Flash” Donaire, Miss Universe 3rd Runner-up   Shamcey Supsup, Pinoy Big Winner Melai Cantiveros,  Pinoy Big Brother Third Big Placer,Teen Edition Gerald Anderson, ug XB Gensan sa season 1 sa Showtime nga gibandera ang syudad. Sa pikas bahin, sumala pa ni Hon. Dominador S. Lagare, usa ka dakong hagit sa DepEd Gensan ang paggunit sa maong selebrasyon tungod gawas sa gamay lamang nga budget ug panahon nga igahin niini, dako usab matud pa kining responsibilidad tungod kay kinahanglan ang 26 ka barangay makiglambigit sa maong kasaulogan.    Nanawagan na lamang si Estrella C. Lariosa, CESO VI ang Schools Division Superintendent  sa tanang mga katawhan sa Heneral Santos ilabi na sa 26 ka baranggay nga makigtambayayong kini sa tanang aktibidades aron mahimong hapsay ug mabulukon ang pagselebrar sa pasko sa Gensan. 
        (Ed Angeles)