NEWS

Check-point sa PS4, gipahugtan- PSI Henares

MALAKAS PNP- Gipaklaro karon ni Police Senior Inspector Lorenzo Henares III, labaw sa San Isidro Police nga padayon ang ilang ginahimong check point ug nagpakatag usab sila ug mga CVO sa nagkadaiyang purok sa ilang ginsakpan aron masulbad ang sunod sunod nga serye sa pagpanulis sa iyang area. “Actually, nakipag-coordinate na rin po tayo sa barangay at sa mga purok level, bumubuo po tayo nga grupo ngayon. Katulad po ng pagbuo natin ng mga purok CVO's natin. Yong mga check point po kasi natin is always na naming ginagawa. ” pahayag ni PSI Henares.
Nanawagan usab kini sa katawhan nga makigtambayayong sa ilang buhatan aron daling marespondihan sa kapulisan. Kinahanglan matud pang naka-alerto ang mga katawhan ilabi na kung adunay mga gikadudahang tawo. Likayan usab ang mga ngit-ngit nga dapit kung diin kanunay nga mahitabo ang mga dautan. “Ang sa atin po, iyong tulong din ng community sa atin. Katulad po ng pag may nakita sila na kahit sinong kahina-hinala itext po sa atin para marespondihan kaagad.”.
Ginahan-ay na usab ang pagpasang-at ug kaso ngadto sa mga identified suspects ug ginahulat na lamang nga mapagawas ang warrant of arrest batok sa mga suspetsado. “Actually, identified na po natin ang riding in tandem specially yong mga holdaper at naka-file na tayo ng mga  kaso niyan.
(Gretchen Oliver/ Dave Silagan)

P120 mil gikawat
sa boarding house

PENDATUN PNP- Gidagit sa wala mailhang suspetsado ang dul-an 120 mil nga kabtangan sa magtiayong Ferdinand nga nagtrabaho sa usa ka iladong manufacturer ug Jenny Rose Siason nga nagtrabaho usab sa usa ka pawnshop sa dakbayan ug kasamtangang nagsaka sa Quilban boarding house, Camachili St. Brgy. Dadiangas East, General Santos City.
Niagi matud pa sa bintana ang suspetsado kung diin nakuha sa wala mailhang suspetsado ang upat ka mga cellphones sa magtiayon, wallet nga adunay sulod nga Php 5,000, mga credit cards, mga importanteng dokumento, mga alahas nga nagkantidad ug Php 5,000, back pack nga adunay duha ka adlaw nga koleksyon sa lalaki nga mokabat ngadto sa Php 50,000 ug mga nagkadaiyang tseke nga nagkantidad usab ug Php 50,000.  Sa kasamtangan, padayon pa ang gihimong imbistigasyon sa mga kapulisan.
(Gretchen Oliver/ Dave Silagan)

17 anyos gitulis sa City Heights!

MALAKAS PNP- Gitulis sa wala mailhang suspetsado nga nakasakay sa motorsiklo ang usa ka estudyante nga si Juenne Orais, 17 anyos nga residente sa Blk. 3 Dadiangas Heights Subdivision, Brgy. City Heights ning dakbayan. Samtang naglakaw matud pa kini, usa ka motorsiklo ang nihunong sa iyang atubangan. Giduulan matud pa kini sa usa ka lalaki ug gitiunan kini ug pusil dungan sa pagdeklara ug tulis. Nakuha sa mga suspetsado ang cellphone sa biktima nga nagkantidad ug Php 8,000 ug MP5 niini nga nagkantidad usab ug Php 1,500. Dali nga nisutoy ang mga suspetsado sa wala matinong direksyon. Padayon gihapon ang gihimong check point sa mga kapulisan aron masikop ang mga suspetsado.
(Gretchen Oliver/ Dave Silagan)

3 ka holdaper,sikop !

MALAKAS PNP- Balhog karon sa buhatan sa San isidro Police ang tulo ka mga suspetsado sa pagpanulis sa nagkadaiyang dapit sa San Isidro nga nasikop atul sa gipahigayong check point ning milabay'ng adlaw sa Aparente St. Brgy. City Heights ning dakbayan sa Heneral Santos. Nailhan ang mga suspetsado nga silang Aiko Gamboa,18 anyos, ulitawo, nga taga Upper Alabel, Sarangani Province, Elizer Sarona, 26 anyos, tag-iya sa motorsiklo ug Wilbert Utlang, 20 anyos, ulitawo, ug susamang taga Maribulan, Alabel, Sarangani Province. Nasikop ang mga suspetsado human nakit-an sa mga kapulisan nga gitabunan ug panyo ang plate number nga gisakyan nga Honda Wave motorcycle. Nakuha sa gikan sa mga suspetsado ang usa ka 45 cal.ug upat ka mga bala. Matud pa sa mga suspek nga sila ang responsabli sa mga serye sa holdap sa Gensan apan ilang gipanghimakak nga ilang ginapamatay.
(Gretchen Oliver/ Dave Silagan)

Gensan Zero Crime Rate atul sa
PACQUIAO-MARQUEZ III

GSCPO-Gibutyag ni Deputy City Director For Operation PSUPT. Rolly Octavio nga zero Crime rate ang tiibuok syudad atul sa dula ni 8th Division World Champion ug Congressman Manny  Pacquiao kay Juan Manuel “El Dinamita”  Marquez niadtong Nobyembre 13 tuig kasamtangan sa MGM Grand, Las Vegas Nevada. Sumala pa niini nga wala matud pay na tala nga krimen sa mga police station ug nanahimong hapsay ang dagan sa siguridad sa syudad gawas lang sa mga pipila ka mga aksidente sa kadalanan.Pasabot lang matud pa kini nga sa maong adlaw nag ka hiusa ang katawhan sa Gensan aron muhatag ug suporta sa Pambansang Kamao.
Sa pikas bahin, namingaw ang nag-unang kadalanan sa dakbayan atul sa fight sa pambansang kamao tungod sa gipakitang suporta niini sa mga katawhan . Adunay mga drayber nga nag-grahe sa mga restaurant, mall ug uban pang mga lugar nga adunay mga pay-per-view atul sa maong panagsangka.
(Dave Silagan/Gretchen Oliver)

Pagpang-atake sa Checkpoint, desperadong
lakang SA NPA- Lt. Col. Paniza

Davao City-  “usa ka desperadong lakang ang gihimo sa New People's Army sa pagpang atake sa military checkpoint” kini ang gibungat ni Lt. Col. Lyndon Paneza ang tigpamaba sa 10th Infantry Battalion sa Philippine Army. Dugang pa sa opisyal nga regular checkpoint lamang ang gihimo sa kasundaluhan ilalom sa 69th Infantry Battalion isip pagpanalipod sa mga sibilyan sa nahisgutang lugar. “We strongly condemn the gross and blatant violation of the New People's Army of the Comprehensive Agreement on Respect for Human Rights and International Humanitarian Law (CARHRIHL). Their actions reek of desperation as they indiscriminately attack the civilians who are non combatants in their bid to terrorize and project a deceptive image of strength among their diminishing supporters,” sigon ni Ltc. Lyndon Paniza, spokesperson sa 10th Infantry Division.     Samdan silang Sergeant Tapat; Sgt. De Los Reyes; Corporal Arenasa, Private First Class Laroya ug usa ka Cafgu nga si Gementiza kauban usab sa mga sibilyan. Anaa na sa luwas nga kahimtang ang mga nahisgutan. 
(Rhay M. Dela Cruz)