NEWS

Buy Bust Operation, 2 sikop

Nagmalapuson sa gipahigayong duha ka mga Buy Bust Operation sa mga ahente sa Philippine Drug Enforcement Agency nga gipanguluhan ni PDEA 12 Regional Director Aileen Lovitos niadtong nakalabayng adlaw. Sumala pa ni I01 Roderick P. Falle nga maoy nangulo sa maong mga operasyon, usa ka Abdul Talub Alimudin, 58 anyos, minyo, way trabaho, ug residente sa Pigcawayan sa North Cotabato  ang ilang nasikop. Nakuhaan sa usa ka gituuhang sachet sa shabu ug marked money ang suspetsado sa Lot 3 block 45 purok MC Village Barangay Fatima ning syudad. Samtang sikop usab ang lain pang mga suspetsado nga silang Fidel Castro ug Danilo Tobis parehong residente sa Silway Barangay Dadiangas West ning syudad sa Heneral Santos sa ilang panimalay ug nakuhaan kini sa gituuhang Sachet sa shabu. Naka kustodiya usab sa buhatan sa PDEA ang mga butang nga mamahimong ebidensya sa maong operasyon nga mao ang duha ka mga Cellphone  nga Nokia  model 1112 ug 1661, usa ka Dragon Knife ug usa ka motor nga Honda Wave kolor itom nga anaay plakang MU 2917.  Sa kasamtangan anaa pa karon naka detina sa PDEA 12 Regional Office samtang nagpaabot pa kini alang sa pormal nga pagpasaka batok sa mga nahisgutan. 
(Bonie Santillan )

Hubog gidunggab,
Hospital!

GSC DISTRICT HOSPITAL-Gikulata ug gidunggab sa upat katawo ang usa ka lalaki nga nailhang si John Philip Dameles, 20 anyos nga taga Purok 9 Paradise, Mabuhay ning dakbayan sa Heneral Santos ning milabay'ng adlaw. Nasayran nga alas 11:00 ang takna sa gabii hubog nga naglakaw ang biktima pauli sa ilang pinuy-anan kung diin gi-atangan matud pa kini sa mga suspetsado sa tulay  sa Sitio Intik ug didto natigayon ang pagpangulata ug pagpanunggab. Nakahiagom ug samad dinunggaban sa likod, abaga ug tiyan nga bahin sa iyang lawas ang biktima. Nailhan ang usa sa mga suspetsado nga si Jr. Siladores nga taga Purok 5, Intik, Brgy. Mabuhay ning syudad. Sa kasamtangan, nagpaalin pa sa iyang samad dinunggaban ang biktima sa General Santos City District Hospital.
(Gretchen Oliver/Dave Silagan)

Militarisasyon sa
Bong Mal, gikondena sa KALGAD!

Gikondena sa grupong Kasasatu di Aktamang idad Labi manwe di Gtagak tana Aktaga le di Dad mlewen (KALGAD) ang nahimong engkwentro sa tropa sa militar gikan sa 27th Infantry Battalion ug grupo ni Daguil Capion sa Sitio Fayahlob, Bong Mal, Danlag, Tampakan, South Cotabato niadtong Nobyembre 25 ning tuiga lamang. Sa gipadalang sulat pamahayag ni Tudio Masukal, chairman sa Kalgad nga gi-strapping sa tropa sa 27th IB ang panimalay nilang Folmin Capion, Dea Capion ug Lening Capion. Matud pa nga mayo na lang wala'y naigo ang mga kabataan nga anaa sa nahisgutang panimalay. Gi-alegar usab sa grupo ni Capion nga gisunog usab sa kasundaluhan ang mga gamit sa panimalay sama sa mga bisti sa mga nahisgutang bikitma. Sigon pa nga human sa maong panag engkwentro nagpakanaog ug kamanduan matud pa ang military nga ginadili na ang pag-adto sa kabukirang bahin sa Fayahlob, Datal Alyong, Bong Asbang, Bong Mal ug mga kasikbit nga mga lugar. Sa press conference nga gipahigayon gibutyag ni Tudio Masukal nga dili na mayo ilahang kahimtang sukad misulod ang Xstrata/SMI sa ilang lugar. Gipahingusgan usab niini nga ang mga military ilabi na gayud ang Task Force Kitacom sa 27th IB ug kapulisan ang nagprotektar sa Xstrata/SMI. Sa kasamtangan mibakwit na ang katawhan sa Datal Alyong ug Bong Mal tungod sa padayong tensyon sa nahisgutang lugar.
(Arnel Arsolon/Rhea M. Dela Cruz)

24 anyos nga MedRep,
gi-hold up!

MALAKAS PNP- Gi-hold up ang usa ka Medical Representative nga si Junrey Arias, 24 anyos ug temporaryong nagpuyo sa Blk 7, Morales Compound City Heights, Heneral Santos ning milabay'ng adlaw. Pauli na ang biktima sa iyang pinuy-anan alas 11:30 ang takna sa kagabihion ug didto gi-atangan sa duha ka wala mailhang lalaki. Gitiunan ug kalibre 38 nga armas sa mga suspetsado ang biktima ug nagdeklarang holp up.  Nakuha sa mga suspetsado ang laptop nga nagkantidad ug mokabat ngadto sa P15, 000, blackberry cellphone nga nagkantidad P12, 000 ug cash money nga P1, 500.
(Gretchen Oliver/Dave Silagan)

Ulitawo gipusil,
suspetsado gawasnon pa!

GSC District Hospital- Gipusil sa wala mailhing suspetsado ang usa ka Eduardo Triste III 26 anyos ug lomulopyo sa Prk. San Roque Brgy. Labangal syudad sa Heneral Santos alas 05:10 sa kadlawon sa may Silway Talipapa Brgy. West General Santos City. Nakahiagum ang biktima ug samad pinusilan  sa tuong tuhod ug tuong tudlo niini ug kasamtangang naga pa alin sa na angkong samad pinusilan sa may General Santos City District Hospital. Wala usay kasayuran ang kabanay sa biktima kung unsay motibo sa mga suspitsadong mipusil sa biktima.
(Dave Silagan/Gretchen Oliver)

15 ka panimalay naugdaw

Kinse ka mga panimalay ang nanga-ugdaw sa natigayong dakong sunog niadtong nakalabay nga gabii sa may Santiago Subdivision Bula ning dakbayan sa General Santos.   Gikabutyag sa CSWDO nga mikabat sa baynte otso ka mga pamilya ang apektado. Nagsugod ang sunog mga alas sais sa sayong kagabhi-on. Gituhuan nga ang gigamit nga kandila ang hinungdan sa pagkaylap sa kalayo.kahibaluan nga nakasinati ug brown out ang Barangay Bula hinungdaan nga kasagaran sa mga katawhan ang migamit ug kandila. Dali nga mikaylap ang kalayo tungod kay sagad mga gama sa mga light materials ang mga pinuy-anan sa mga biktima. Nasayran nga kasagaran sa mga nabiktima ang nagatrabaho sa palengke hinungdan nga wala gayoy nasalbar nga mga butang.
(Venus C.)