HEAD NEWS

Nagpabiling Supak
sa Coal Plant-Pacquiao

Nagpabilin gihapon ang baruganan ni World Champion ug Sarangani Congressman Manny Pacquiao nga mao ang pagsupak sa katukuran sa Coal Fired Power Plant. Gibutyag sa nahisgutang kongresista atul sa ika 19th Foundation Anniversary ug  9th Munato Festival  nga wala nausab ang iyang baruganan nga mao ang pagsupak sa CONAL, kini  tungod kay tataw kaayong gub-on niini ang kinaiyahan. Kung mahinayon ang katokoran sa maong planta siguradong  ang unang maapektuhan niini ang kadagatan sa Sarangani province. Nagtuo usab kini nga ang ginagmay nga ibuga sa maong planta nga hugaw ang masagol sa kawanangan ug matigom na kini nga musangpot sa mas grabing mamugna nga kadaot. Ang baruganan ni congressman Pacquiao ang  gisubay usab niini sa nakalatid ug kamanduan sa labaw nga makagagahom nga mabasa usab sa bibliya nga nagkanayon nga “tayo na ang angay nga mag-atiman sa napakagandang ginawa ng panginoon” .tipik sa pamahayag ni congressman Manny Pacquiao.
Samtang sa pikas bahin gipaklaro usab niini nga walay kalabutan ang hisgutanang politika  sa iyang pagsupak sa kamugna-an sa CONAL. Igo lamang matud pa niyang gituman ang unsa mang makaaangayon sa katawhan ilabi na sa Sarangani Province.  Ang subling pagpadayag sa kongresista sa iyang baruganan mitumaw human migawas ang mga balita nga miuyon na kini sa  kamugna-an sa Coal Fired power plant sa dihang gipahigayon ang ground breaking ceremony sa maong planta nga nahimutang sa Kamanga Maasim Sarangani Province.
( Venus C.)

 Pasko sa Gensan, Giablihan na!

Gensan- Giablihan na ang pasko sa Gensan niadtong  Desyembre 5 tuig kasamtangan kung asa gidugok kini sa daghang mga tawo. Ninghayag ang kalangitan human mokabat sa 10 minutos nga gipahigayon ang Fireworks display.  Ang maong selebrasyon, adunay temang “Kampeon ang Pasko sa Gensan,” kini gumikan daghang taga General Santos ang nag-kampeon sa bisan unsang natad sa panag-indig ug mihatag ug dakong dungog sa siyudad hinungdan gibansagan kining “Home of the Champion.” Pipila sa mga naghatag ug dakong pangalan sa syudad mao silang WBO/WBC World Bantamweight Champion Nonito “The Filipino Flash” Donaire, Miss Universe 3rd Runner-up   Shamcey Supsup, Pinoy Big Winner Melai Cantiveros,  PBB Third Big Placer Teen Edition Gerald Anderson, XB Gensan sa Season 1 ug True Colors sa Showtime Season 3, Philip Nadela - Little Grand Star Dreamer, Mommy D ug WBO World Welterweight King ug 8-division pound-for-pound king Emmanuel” Manny” Pacquiao nga gibandera ang syudad sa Heneral Santos.  Kahibaluan nagsugod ang maong selebrasyon niadtong Desyembre 2 ug mahuman karong petsa 16. Sa maong mga aktibidadis, mapakita gayud sa mga taga syudad ang mga talento niini ilabi na sa mga ginikanan mga magtutudlo ug sa mga kabatan-unan tungod adunay pasundayag nga kampeon ang Nanay at Tatay ko, Kampeon ang Guro sa Pasko, Kampeong Gabi ng Kabataan, Kampeon ang Lola't Lolo Ko,  ug uban pang makalingaw nga pasundayag.
(Ed Angeles)