SPORTS

Pacquiao-Mayweather
80 porsyento,  mahinayon

Dako ang paglaum ni 8-Division World Champion Manny Pacman Pacquiao nga mahinayon na ang gikahinamang Mega Fight nilang American World 5- Division World Champion Titlist Floyd Mayweather Jr.  Sumala pa sa Filipino Ring Icon nga anaa sa 80 hangtud 90 porsyento nga mahinayon ang panagsangka ibabaw sa ring kung asa gikatakda sa 80 anyos nga promoter nga si  Bob Arum sa Top Rank Promotions sa Mayo 5, 2012.“May chance talaga. Malaki talaga ang chance na matutuloy 'yung laban namin ni Floyd Mayweather, Hinihintay ko lang na pumirma siya at wala naman tayong problema doon, laban lagi tayo," ang pamahayag sa pambansang kamao niadtong nakalabay nga adlaw human sa fight nilang Brian “The Haiwaiian Punch” Viloria ug Gionavanni Segura, ang kanhing Flyweight Champion kung asa malampusong nadepensahan ni Viloria ang WBO Flyweight Champion. Kahibaluan bag-ohay lamang nadepensahan sa pound-for-pound king ang bakus niining WBO Welterweight Title batuk ngadto kang Juan Manuel Marquez sa usa ka majority decision.
(Ed Angeles)

Kaso batok sa NBA Team Owners,
gibasura sa US Court

Gibasura sa U.S Court ang Anti-Trust Case nga  gipasaka sa mga NBA Players sa pagpanguna nilang New York's Carmelo Anthony, Phoenix's Steve Nash ug Oklahoma City's Kevin Durant batuk sa mga team owners kung asa miresulta kini sa Lock Out hinungdan sa pagkadismaya sa libuan ka mga NBA fans. Sa gipagawas nga desisyon ni U.S. District Judge Patrick Schiltz nga wala na'y bili ang maong gipasang-at nga kaso sa mga magdudula human sila nagkasinabot sa bag-ong Collective Bargaining Agreement tali sa mga Club Owners. Sa pikas bahin nagsugod na niadtong milabayng simana ang NBA Training Camps ug ang Free Agency Negotiations sa matag-team.  Samtang gilaumang magsugod ang dula sa NBA karong umaabot nga Disyembre 25, 2011.  (Dave Silagan)