NEWS

Human Rights Day, gisaulog!

Gisaulog sa nasud pilipinas ang Human Rights Day niadtong Disyembre 10, 2011 nga mao ang pag-ila sa mga nagkadaiyang tribu sa nasud batok sa  diskriminasyon. Sa Gensan usa ka Press Conference ang gipahigayon sa Sun City Suites kung diin pipila ka mga Tribal Leader sa Sarangani ug General Santos ang malipayong nakig-selebrar sa maong paghinumdum. Sumala pa ni Fred Basino, Provincial Tribal Council sa Sarangani gihatagan niini ug bili ang maong selebrasyon ug gi-awhag ang mga Pinoy nga magkahiusa. “Dako ang akong pasalamat sa kay naa tay selebrasyon sama ani ug kinahanglan jud ni ug awareness sa matag usa sa ka-tribuhan arun magdala ug understanding ug unity sa tanan.” Pamahayag ni Basino. Dako usab ang pasalamat sa mga Tribal Leader sa Saguittarius Mines Incorporated (SMI) sa gimugna niining mga programa alang kanila susama sa Edukasyon sa mga kabatan-unan.
 Sumala pa ni Joseph Saman, Tribal Secretary sa Kiblawan mukabat na sa libuan ka mga kabatan-unan sa ilang lugar ang nahilakip sa Scholarship Program sa SMI ug dali usab kini gipamatud-an sa B'laan tribal chieftain Dalina Samling sa Barangay Danlag, Tampakan. “Kami nagapasalamat sa SMI kay samo damon na scholar nga naka graduate sa Tampakan 14,000 na ka mga estudyante ang naapil sa scholar gikan elementary hangtud college.”  Saysay ni Samling. Nahimong mabulokon ug puno sa pagsabot ang mga katawhan human sa maong panagtigom samtang galaum usab ang mga leader sa matag barangay nga hatagan ug importansya ang mga tribo sa pilipinas subay sa pagmugna ug Human Rights Day.
(Kathy Kasayan)

ENVIRONMENT WATCH: Gihisgutan
sa Media Summit!

Gensan City- Gitutukan sa mga magsisibya sa Mindanao ang pagpakabana sa kinaiyahan pinaagi sa paghatag ug importansya atul sa gipahigayong tulo ka adlaw nga seminar sa 7th Mindanao Media Summit sa Gensan Sports Center niadtong Disyembre 8-10, 2011. Mukabat sa syento baynte ka mga Media Practitioner gikan sa  nagkadaiyang Rehiyon sa Mindanao ang misalmot sa maong seminar. Sumala pa ni Mindanao Development Authority Sec. Luwalhati Antonino, dako ang mahimo sa mga magsisibya arun protektahan ang kinaiyahan pinaagi sa pagmugna ug mga artikulo nga makadani sa mga magbabasa. “I am happy knowing that the theme of 7th Mindanao Media Summit focus on the Environment. I congratulate ang appreciate the theme.. I believe that Media has a big role in a society since they are responsible persons harnessing our natural resources.”  Pamahayag ni Antonino.
Nanawagan usab ang Phil. Press Institute; Trustee of Mindanao nga si Atty. Jesus G. Dureza ngadto sa katawhan nga ampingan ang kinaiyahan ug dili abusuhon tungod tawo lang gihapon ang mag sakripisyo panahon sa kalamidad. “We only borrowed our natural resources. We need to take care of it and able to return it, still in good condition..Be critical thinkers..” saysay ni Dureza. Gi-awhag usab ni Carol Arguillas Mindanao News and Information Cooperative Center (MNICC) Chair. ang katawhan nga hatagan ug igong pagtagad ang kinaiyahan. Gilauman usab niini nga adunay kabag-ohang mahitabo sa Mindanao ilabi na ang status sa kinaiyahan. Mapasalamaton usab ang mga media practitioner tungod mabulukon nga nahuman ang tulo ka adlaw nga seminar nga puno ug kaalam alang sa mga magsisibya. Ang maong 7th Mindanao Media Summit adunay tema nga “Environment Watch; Mindanao”.
(Kathy Kasayan)

Shabu- Chemist, sikop 

General Santos City-  Sikop sa “entrapment operation” ang matud pa shabu chemist ug kauban niini ka niadtong Disyembre 5 sa may (Check Point) sa National Higway, Apopong, Gensan sa mga elemento sa PDEA Regional Office XII Special Enforcement Team nga gipanguluhan ni Agent Frederick J. Ocaña ug ang Directorate for Integrated Police Operation (DIPO)  Western Mindanao nga gipangulohan  ni Police Inspector Dominador L. Palgan, Jr., ilalom sa pagdumala ni Police Senior Superintendent Willie M. Dangane, Sr., Chief sa DIPO, WESTMIN.  Ang operasyon nagresulta sa kakulba ngadto sa mga biktima nga sila Ramil Canto Saan, 33 anyos, minyo, Chemist ug residente sa Lopez Subdivision, Mandaue, Cebu ug ang kauban niini nga si Ali Akbar Esmael, 20 anyos, olitawo, estudyante ug residente sa 17 Paraiso Street, Upper Bicutan, Taguig, Metro Manila.  Ang duha ka mga suspetsado sakay sa puti nga Toyota Super Grandia nga may numerong plaka nga POH 951 padulong sa Cotabato City.  Kahibaluan nga ang maong impormasyon nagagikan sa “Confidential Informant”diin matud pa ang suspek nga si Ramil Saan may dala kini nga “custom-made” nga  usa ka unit nga hydrogenerator equipment gituohang ginagamit sa paggama ug methamphetamine hydrochloride(shabu).
  Narekober  sa sulod sa sakyanan sa mga suspek ang “columnar book” nga dunay mga listahan sa mga “chemical ingredients” ug mga proseso sa paggama ug shabu, “Identification Cards” ug mga nagkalahing resibo ug transaksyon sa bangko.
  Ang suspek nga si Ramil Saan sumala pa mao ang nanag-iya sa sekreto nga laboratoryo nga gi-raid  sa mga elemento sa PDEA RO XII kaniadtong Oktubre 20, 2010 sa 3rd Block, Naval Subdivision, Barangay San Isidro nga miresulta usab sa pagsakmit sa mukabat nga 300 nga gramo sa shabu. Samtang nakaikyas ang maong suspek niadtong tungora sa operasyon.  Sa kasamtangan temporaryo karong gibalhug  ang mga suspek sa PDEA lock-up cell samtang nga gihikay pa ang kaso..
(Bonie Santillan)

50, Repatriates nakauli
sa Gensan

RD Fishing- Mukabat ngadto sa 50 ka mga mananagat ang nakauli na sa ilang panimalay human nabilanggo didto sa nasud Indonesia niadtong nakalabay nga adlaw sakay sa barko nga KM Pasific-101 sa pantalan sa RD Fishing nga nahimutang sa 1st Road, Calumpang ning syudad sa Heneral Santos. Dako ang kalipay sa mga pamilya nga naghulat usab didto sa pantalan ug naghinam-hinam nga mahimamat ang kabanay nga moabot. Gikanayon ni Rachel usa ka asawa ni Ladislao Cañada, Jr. nga dako iyang kalipay ngadto kang City Councilor Ronnel Rivera nga maoy ningtabang nga makauli ang iyang bana panahon sa pasko.  Naa usab didto sila si Calumpang Brgy. Capt. Reynaldo Salubre ug Bula Brgy. Capt. Cesar Vargas aron mosugat usab sa mga mananagat nga ning-abot. 
(Arnel Arsolon)