HEAD NEWS

Manny Pacquiao
Shining at 33

Gilaumang dugukon sa mga higala sa pulitiko, boksingero ug artista ang adlaw'ng natawhan ni 8- Division World Champion ug Sarangani Congressman Manny Pacman Pacquiao karong Disyembre 17, 2011 didto sa KCC Convention and Event Center. Gawas sa mga pag-umangkon ni Congressman Pacquiao nga  magpakita ug gilas ibabaw sa stage, mga dagkong artista usab ang gilaumang mag-perform atol sa  Manny Pacquiao Shining at 33 susama na lamang nilang Second Star Dreamer 2nd Season  Pinoy Dream Academy Bugoy Drilon,  komedyante nga si Giselle Sanchez, Pilipinas Got Talent Grand Winner Marcelito Pomoy , Siakol Band ug uban pang mga sikat nga celebrities.   Dako usab ang pasalamat sa batan-ong magbabalaud sa labaw nga makagagahum sa tanan sa lain na usab nga katuigang naangkon sa kinabuhi. Nagpasalamat usab kini sa mga grasyang naangkon ilabi na sa iyang pamilya nga kanunay'ng nagasuporta sulod ug gawas sa ring. Sa pikas bahin gitimbaya usab ni Gensan City Vice Mayor Shirlyn Bañas Nograles si Pacman kung asa nalipay usab kini sa naangkong dugang tuig sa kinabuhi “ kay Congressman Pacquiao Happy-Happy Birthday ug nanghinaut ta nga hatagan pa gyud siya ug kakusog maayong panglawas kay ahh.. dili lang pud ang iyang performance sa boksing nakita pud nato nga maayo pud ang iyang performance no.. sa arena sa public service no.. sa Political Arena.., ah.. daghan pud sya ug nabuhat sa Sarangani and even sa Gensan,” ang pamahayag ni VM Nograles.
(Ed Angeles)

Power Deal  sa CONAL ug SOCOTECO 2
kinahanglan ug PUBLIC CONSULTATION

GENERAL SANTOS CITY- Kinahanglan pa ug dugang nga PUBLIC CONSULTATION nga ipahigayun ang South Cotabato Electric Cooperative-2 Conal Holdings Inc. ug Sarangani Energy Corporation may kabahin sa Power Sales Agreement nga ilang gilagdaan niadtong buwan sa Hunyo.
Sa  Expository Hearing nga kung asa gitambungan ni ERC Chairman Zenaida Cruz-Ducot ug Comm.Gloria Victoria Yap, Local Govt. Unit ug Non Governmanetal Organization gipamahayag sa ERC nga kinahanglan nga masabtan sa mga membro konsumidor ang nahisgutan “deal”.
Samtang gikabutyag  usab ni BM EugeneAlzate sa Sarangani nga “gilipat-lipat sa CONAL ug Socoteco ang mga consumer sa rason nga walay igong timailhan nga mubarato ug dugay nga tuig ang bayranan nato sa kuryente, posible kana sa unang tuig apan sa kadugayan musaka gihapon kana ug dili na unya ta makabalibad.”
Mikanayun ang Energy Regulatory Commission nga kinahanglan ang “public consultation” sa dili pa muabot ang Enero kinse tuig 2012.
Ang Franchise area sa SOCOTECO-2 naglangkub sa Polomolok,Tampakan ug Tupi,South Cotabato,General Santos City , Sarangani Province  ug dunay kapin 145 mil ka mga member-consumer.
(Anter Alcos)