NEWS

Sekyu gipusil patay sa CSU

 PENDATUN POLICE-PATAY ang guwardiya sa Banco De Oro-BDO ,Pioneer Branch nga si Cresencio  Nicanor Sr., 41 anyos, minyo nga taga Asinan    Buayan,Gensan sakop sa Phil.Guard Security Inc. human nga napusilan sa Civil Security Unit nga si Joel Fajardo, 37 anyos nga taga San Roque,Brgy.  Labangal ning dakbayan. Sa inisyal nga imbestigasyon sa kapulisan sa Pendatun Police Station  nasayran nga namugos   ang CSU member nga mo parking sa bangko nga gina trabahuan sa gwardya ug gi badlong kini sa biktima apan nasuko ang suspetsado ug naglalis ang duruha hinungdan nga misangpot ngadto sa pagpamusil. Human ang insidente mikanayun ang suspek nga matud pa gitabangan siya ug kulata usab sa mga by stander nga tua atong higayuna. Dugang pa sa taho ngadto sa kapulisan nga sumala pa usa ka kaubanan ra usab niani nga si Ex-Brgy Capt. Dodong Clapiz ang nanag-iya sa 45 caliber pistol nga hangtud karong panahuna wala pa marekober. Samtang sa pikas nga bahin tak-om ang baba sa Hepe sa CSU City Hall Detachment sa dihang gihinabi sa ABANTE SOCSARGEN News Team.
(Dave Silagan)

Armas sa BIFF ,sikop
sa Otoridad

CIDG 12-Sikop sa nag kahiusang pwersa sa Regional Intelligence Division (RID) PRO12, 1002 Infantry Brigade, Sarangani Provincial Police Office (SAR PPO), Joint Task Force (JTF)Gensan, 73rd infantry Battalion, Special Action Force(SAF), National Intelligence Coordinating Agency (NICA)ug Criminal Investigation and Detection Group 12 (CIDG 12) ang mga  tag-as nga kalibre sa armas sa safe house sa duha ka mga miyembro sa BIFF kun BANSAMORO ISLAMIC FREEDOME FIGTHER nga sila Limbo Jusin Pala ug Mohamar Jaafar Maguid sa Glan Sarangani Province
 Gepresentar sa grupo sa media ni Col. Ferro nga maoy labaw sa CIDG 12 uban ang gobernador sa Sarangani Province nga si Gov. Migz Dominguez, Task Group Commander sa JTF Gensan nga si Col. Joselito Kakilala, Deputy Regional Director for Administration PCSUPT Lexter Camba, Provincial Director sa Sarangani Province PSSUPT. Florendo Quidilla, 73rd IB Battalion Commander Lt. Col. Adulfo Espuelas ang lima ka taas kalibre nga armas susama na lamang sa M14 rifle, M16 Armalite with M203 granade launcher, Home-made M79 grenade launcher, 30 caliber grand rifle ug ultimax 5.56 rifle pipila ka klase sa bala ug mga gamit sa poqag himo ug bomba kun IED susama  sa blasting caps,soldering iron, Improvise PC board ug Electrical  Detonating Chord. Samtang gidayeg  sa gobernador sa lalawigan sa Saranggani Province ang maong operasyon.
( Dave Silagan/ Gretchen Oliver)

Rep. Casiño nasubo sa GENSAN killing!  

GENERAL SANTOS CITY-Nasubo ang kongresista nga si BAYAN Muna Rep. Teddy Casiño sa nahitabo nga sunod-sunod nga patay sa dakbayan sa GenSan sa milabay nga semana. Matud pa ni Rep. Casiño sa dihang gihinabi sa mga media nga mibisita kini sa 7th Mindanao Media Summit diri sa dakbayan  nga siya nagkanayun” oo nga araw-araw halos may pinapatay rito sa inyo,dapat palaliman  kung ano talaga ang nangyari dito sa Gensan, dito ba masyado ng mura ang buhay,ang sindikato ba ng hired-killers bumaba sa inyo, kasi ang riding in- tandem nag-umpisa yan noon na kung saan ang mga aktibista ang pinapatay, kailangang hanapan ng solusyon yan ng inyong opisyal, ang nangyaring patayanl” Samtang nga padayon gihapon ang gihimong imbestigasyon sa kapulisan may kalabot sa pag-pusil patay sa dakbayan .
Kahinumduman nga nagsunod ang nahitabong pagpusil patay sa mga nagkalain-laing biktima nga silang Mike Pequero y Roxas, 40 taga Prk San Juan Silway, Rey Tatel taga Rambutan St. ang suspek nga napusilan sa nag-roving nga Phil.  Army sa JTF Gensan, Usa ka Alberto Bacongga 44 nga taga Polomolok South Cotabato, samtang angol ang laing biktima nga si Alfredo Concha nga usa ka by stander.
Laing  biktima nga  silang Gregorio Padilla, 44 anyos, minyo, nga taga Phase 1, Gensanville Subd., Barangay Bula ning dakbayan og ang kauban niining si Jose Delos Reyes, 36 anyos, minyo, residente sa Purok Mauswagon, Barangay Labangal nga gipusil sa Silway, Fatima ning siyudad bandang ala 1:00 pasado sa hapon niadtong petsa 6 sa kasamtangang bulan.Napusilan ug angol  usab ang usa ka biktimang si Eduardo Triste III, 26 taga Prk. San Roque, Labangal sa may Silway Talipapa,Brgy. West Gensan .Sa petsa 14 karung bulana  lain na sab nga gwardiya ang napusilan nga si Cresencio Nicanor  sa CSU nga si Joel Fajardo.Nagalaum ang mga kabanay sa biktima nga mahatagan ug hustisya ang panghitabong pagpamusil patay.
(Anter Alcos)

Estudyante,
nakaplagang patay!

BULA PNP- Nakaplagang patay  ang usa ka estudyante sa Amao Road Brgy. Bula ning dakbayan sa Heneral Santos niadtong Desyembre onse tuig kasamtangan. Nailhan ang biktima nga si Dennis Villanueva, 25 anyos nga taga Zone 7, Brgy Bula. Sumala pa kang Epifanio Sanchez nga nakit-an niini ang patay'ng lawas sa biktima sa kasagbutang bahin ug naglutaw na sa tubig. Daling girespondihan sa Scene of the Crime Operatives kun SOCO ang maong panghitabo ug nasuta nga nakaangkon ug unom ka samad dinunggaban ang biktima sa liog ug dughan nga bahin sa lawas niini.  Nasayran nga hubog nga nihawa ang biktima sa ilang panimalay Disyembre 10 sa gabii apan wala na kini nakauli pa. Sa kasamtangan, padayon pa ang gihimong pagsuta sa kapulisan aron masayran ang motibo sa maong krimen.
(Gretchen Oliver/ Dave Silagan)