SPORTS

Pacquiao-Mayweather dili
na mahinayon

Gikumpirma ni WBO Welterweight Champion ug Sarangani Congressman Manny Pacquiao nga dili na mahinayon ang gikahinamang Mega Fight nilang  WBC Welterweight Champion ug Undefeated Boxer Floyd Mayweather Jr. tungod sa pagkabilanggo niini sulod sa tulo ka bulan tungod sa kasong pagpangulata sa kanhing karelasyon niinig si Josie Harris. Sumala pa ni Pacman, gawas sa Domestic Violence Case, aduna pa'y laing kasong ginaatubang si Floyd Jr. ug apil na dinhi ang pagpakiha sa pambansang kamao. “Malabo na dahil sentensiyado na siya at hindi lang iyon may mga kaso pa siya,'yung kaso pa namin,” pamahayag ni Pacman. Sumala pa usab sa uyuan ug trainer ni Floyd nga  imposibli na nga mahinayon ang maong mega fight tungod  dili matud pa makab-ot sa nahisgutang boksidor ang maayong kondisyon tungod sa sentensya niini. “It's an unfortunate situation for him and hopefully he can put this behind him and move forward in a positive way and come back even better and stronger, Ninety days won't affect his career but it may have some effect on the May 5th fight. But I guess we all will have to see how that plays out.” pamahayag sa trainer ni Mayweather. Sugdan karong Enero 6, 2012 ni 5-Division World Champion Floyd Mayweather Jr. ang sentensya human gipahamtangan ug 90 ka adlaw nga pagkabilanggo didto sa Clark County Detention Center sa Las Vegas, Nevada. Kahibaluan pipila na usab kahigayon nga wala mahinayon ang Pacquiao-Mayweather fight tungod usab sa mga kondisyon niini sa Pambansang kamao.
(Ed Angeles)

Chistmas opening sa NBA
gidumog!

Nakatala ug kapin 6.2 million ka mga NBA fanatic ang mitan-aw sa Amerika atul sa gipahigayung  Christmas Opening sa National Basketball Association kun NBA kung diin pipila ka mga kusog nga team ang nagsangka. Mas taas kini tali sa mga mitan-aw niadtong milabay'ng season opening kung diin mitala lamang kini ug 6 million ka mga viewers.
Nasayran nga ang team nga Chicago Bulls ug LA Lakers ang ika-tulo sa gikahinamang dula sa mga fans sa NBA kung asa naangkon sa Bulls ang kadaugan. Gikahinam usab sa mga fans sa maong liga ang pinaka-unang dula ni kanhing New Orleans Hornets Point Guard Chris Paul sa bag-ong team niini nga LA Clippers batok sa Goldenstate Warriors kung diin nagmadaugon ang Clippers batuk Warriors sa score nga 106-86.
Mitala usab sa score nga 106-104 ang dula sa Boston Celtics batuk New York Knicks kung asa nakuha sa Knicks ang kadaugan.
Samtang naangkon usab sa Miami Heat ang kadaugan sa pinaka-gikahinamang rematch game sa Miami Heat sa NBA last season Defending Champion Dallas Mavericks kung asa nahuman ang dula sa score nga 104-95 ug nakatala ug 37 ka puntos si NBA superstar Lebron James.
(Dave Silagan)