NEWS

Www.mannypacquiao.com, gilusad

Gilusad na ang Official Political Website ni Sarangani Congressman ug 8-Time World Champion Emmanuel Dapidran Pacquiao niadtong nakalabay nga semana dungan sa ika-33 nga pagsaulog sa adlaw'ng natawhan sa Pambansang Kamao didto sa KCC Convention and Event Center nga kung asa gitambungan kini sa libuan ka mga higala.  “Transparency, Accountability and Communication” mao kini ang  nag-unang katuyuan ni Congressaman Pacquiao nganung gimugna kining Website.  Sa “video presentation” tumong usab aron dali lamang makapadangat ang mga katawhan ilabi na ang mga Sarangans sa ilang mga mulo ug makita usab niini ang mga proyektong nahimo  sa boksidor nga magbabalaud, mga bag-ong balita sa probinsya sa Sarangani ug mga House Bills nga giduso sa ubos balay balauranan. Gawas sa political career ni Hon. Pacquiao masundan usab sa mga boxing fans ang mga katikaran sa Pound-for-Pound king Pacquiao.  Ang bag-ong Political Website ni Honorable Emmanuel D. Pacquiao nga mao ang      www.mannypacquiao.com.
 (Ed Angeles)

“Wala pay Order ang COMELEC”-Zamorro

Maasim, Sarangani Province- Gipaklaro ni Maasim Mayor Jose Zamorro nga siya pa gihapon ang nagpabiling mayor sa maong lungsod human nabaniog nga molingkod na kuno isip mayor si kanhi Board Member Art Lawa niining bulan sa Disyembre, 2011.
Sa pakighinabi sa Abante Socsargen News gibutyag niini wala siyay nadawat nga memorandum gikan sa COMELEC nga maoy adunay katungod sa pagpahawa sa posesyon niini isip mayor sa maong lungsod.
“Actually kung duna nay order ang  comelec in banc Manila nga mopapahawa nako sa akong posesyon isip mayor ako kining tumanon apan wala may formal nga papers gikan sa comelec hinoon duna silay gipaabot sa akong buhatan apan wala nako gidawat kay dili man gikan sa comelec, kanang ilang gihimo karon haka-haka lang na”, pamahayag ni Mayor Zamorro. Dugang niini nga andam siyang modawat kung unsa may hukom sa kagamhanan sa comelec nga palagpoton sa posesyon isip mayor apan kung walay igong rekisitos magpabilin kini sa iyang posesyon isip amahan sa lungsod sa Maasim.
Hinoon gipadangat ni Mayor Zamorro sa iyang katawhan nga magpabiling magmabugnawon ilabina sa mga supporters niini ug kanunay lang magmainampuon alang sa kahapsay ug kalinaw sa maong lugar.
(Danny Bojos, Jr.)

SARANGANI's Pride, gibendisyunan

GLAN SARANGANI PROVINCE- Gisulayan nga sakyan sa pamilyang Pacquiao ang bag-ong gipalit nga mahalong yate gikan sa pantalan sa Glan padulong sa resort nga gipanag-iyahan sa pamilyang Kooring sa may Brgy. Taluya ,Glan Sarangani,Prov.kaniadtong milabay nga semana.
Human sa gipahigayung blessing sa P25M nga yate gikan sa Italya gilayung gisulayan sa paglawig ang  Italian-made yacht, nga adunay pangalang "Sarangani's Pride," isip pinaskuhan ni Manny alang sa iyang pamilya..
Kini adunay suite room ug duha ka guest room nga fully furnished ang yate , Gawas sa yate, aduna pay tulo ka jet ski nga gipalit si Pacquiao.  Kauban ang pamilyang Jamora ug Pacquiao nga nag-enjoy sa maong panon human ang usa ka adlaw nga paglulinghayaw sa maong yate nga kung asa nagpahigayun usab ug “diving”ang batan-ong kongresista kauban ang asawa nga si Jinkee ug mga anak nag si Jemuel,Michael,Princess ug Quennie nga nangaligo sa baybayon adtong higayuna.
(Manz Virtudazo)

Marathon Hearing alang
sa 2012 Budget, ipahigayon
-BM Alzate

Sarangani Province- Gikumpirma ni Sarangani Board Member Eugene Alzate, ang Committee Chairman sa Budget and Appropriations nga wala pa nahuman ang Budget Hearing alang sa tuig 2012 nga budget nga mokabat ngadto sa 620Million Pesos. Tungod niini magpahigayon ug Marathon Hearing ang Sangguniang Panlalawigan sa Sarangani kung asa magsugod kini karong Enero 09, 2012 aron maaprubahan na kini pag-abot sa Enero 20, 2012. Matud pa ni Alzate nga na-delatar ang pag-aprubar sa budget sa sunod tuig gumikan kay gihulat pa nila ang Annual Investment Plan. Nasayran usab sa Abante News Team nga kutob na lang sa katapusan magtrabaho ang mga Job Orders gumikan kay wala pa ma-renew ang ilang mga kontrata tungod usab kay wala pa ma-aprubahan ang budget para tuig 2012.
     (Arnel Arsolon)