ENTERTAINMENT

Ramona Revilla, guilty?

Migawas karon nga guilty ang usa sa mga igsoon sa gidunggab patay nga si Ram Gen Revilla nga si Ramona Revilla. Sa pamahayag ni Ramona sa mga magsisibya nasayran nga nagpagawas ug nagkalain-laing pamahayag ang dalagita hinungdan nga wala dayon kini gituohan sa mga kapulisan. Apan sa wala madugay gi-angkon na niini nga plano matud pa nila sa iyang mga igsoon nga patyon ang ang kaugalingong igsoon. Kahinumduman nga niadto lamang nakalabay'ng semana dali miadto sa Hongkong si Ramona arun makalikay sa mga pangutana nga ibato ngadto kaniya. Sa maong insidente wala makatuo si Sen. Ramon “Bong” Revilla hinungdan nga nanawagan kini ngadto sa inahan si Ramona nga pabalikon sa Pilipinas arun atubangon ang kaso nga posibleng ipahamtang ngadto kaniya. "The guilty must be punished! The unwarranted flight of Ramona Bautista is a sign of guilt that she has knowledge and direct participation in the commission of the crime.  If there are others involved, be they my half brothers and sisters, they must bear the full force and weight of the law and suffer the penultimate consequences of their involvement either as principals, accomplices, or accessories, as the case maybe.”  Pamahayag ni Sen. Revilla.
Sa pikas bahin anaa na karon sa kapulisan si RJ Baustista, 18 anyos ug igsoon ni Ram Gen, Michael Jay Althea ug Roy Francis Tolisora nga gitudlong suspek sa panghitabo. Sa pagkakaron wala pa na kontento ang senador hinungdan nga nanawagan kini sa otoridad nga magpahigayon pa ug dugang imbestigasyon arun mahatagan ug hustisya ang kamatayon sa igsoon niini.  "I am asking the police to go much deeper in their investigation on the death of my late brother Ramgen Revilla and the frustrated murder of his girlfriend Janelle Manahan. I want them to determine who are involved and responsible for this dastardly act of murder. I will do everything within my power as a public servant that the rule of law must prevail, and justice must be served, regardless of whoever gets hurt." Dugang pamahayag ni Sen. Revilla.
(Kathy Kasayan)

Mag-asawang Pacquiao,
cover sa Magazine!

Cover sa Inside Showbiz magazine ang sweet couple nga si Manny ug Jinkee Pacquiao. Sulod sa maong magazine ang daily lifestyle sa mag-asawa lakip na ang mga napundar niining gamit ug koleksyon. Gibulgar usab ni Pacman ang mga sekreto niini ilabi na ang dagan karon sa iyang sports ug showbiz carrier. Samtang wala nagtuo ang kapikas niining si Jinkee nga mahisusama sa King & Queen ang dagan sa ilang kinabuhi luyo sa kalisod nga nasinatian sa mag-asawa ayha wala pa misikat si Manny.
Gipaabot usab ni Jinkee ang mensahe niini sa mga taho nga migawas nga adunay anak si Manny sa 22-year-old Culinary Arts student nga si Kat Ordoñez. Sumala pa ni Jinkee, dako ang pagtuo niini kay Manny nga wala kini anak sa ubang babaye. "I trust him, because he promised he will not get involved with anyone anymore after Krista..” Dili buot ni Jinkee nga masakitan ang asawa ilabi na nga aduna kini away batok kang Juan Manuel Marquez.  “This rumor is a distraction and a destruction. It will only slow and hurt Manny. I don't want him to worry…whatever happens I'm the original, not the other woman.” Pamahayag ni Jinkee.
 (Kathy Kasayan)

Miss Phil. 1st Runner-Up sa Miss World 2011!

Nasakmit ni Miss Philippines Gwendoline Ruais ang 1st Runner-Up sa gipahigayong 61st Edition Miss World 2011 sa Earls Court Exhibition Center sa London. Samtang wala usab nagpalupig ang representante sa nasud Venezuela nga si Ivian Sarcos nga maoy naka-angkon sa titulong Miss World 2011 ug second runner-up usab si Amanda Perez nga taga Puerto Rico.  Bisan wala naangkon ni Ruais ang titulo malipayon gihapon kini tungod sa 113 nga kandidata nga miapil nakasulod kini sa Top 10 “Top Beauty with a Purpose”. Aminado si Ruais nga lisod makadaug ug makasulod sa maong pageant apan ang pagtuo sa Ginoo ug pagsalig sa iyang kaugalingon ang gihuptan niini arun masakmit ang kalampusan.
 (Kathy Kasayan)

4M sa Munato Festival,igahin

Sarangani Province- Mukabat sa 4 milyones ka pesos ang pundo nga igahin alang Munato Festival karong umaabot nga Nobyembre 24 hangtud 26, 2011.
Sa pakighinabi sa Abante Socsargen News kang Board Member Eleonor “Nene” Saguiguit, Chairperson iyang gibutyag nga andam na ang mga programa alang sa 9th Munato Festival ug 19th Foundation Anniversary sa Sarangani Province.
“Aduna kitay daghang mga aktibidadis karon ang isa ka highlight sa activities nato ang marker sa Provincial Capitol nga nagahatag kita ug dungog sa atong founder sa Sarangani Province the Former Congressman James L. Chiongbian, ug moabot ang atong mga bisita nga si  Vice President Binay sa petsa 25”, pamahayag ni BM Saguiguit.
Dugang pa ni Saguiguit nga sa Nobyembre 24 unang adlaw sa Munato Festival mahidangat  si Sarangani Representaive Manny “Pacman” Pacquiao nga aduna pagpangandam alang kaniya.
“Aduna kitay “Heroes Welcome” para kang Congressman Manny Paquiao ug kining heroes welcome dili kini ordinayo cultural ang konsepto nga diin magaparada ang mga kabayo uban sa mga tawo sa pag-welcome, adunay mga pasundayag alang kaniya ug sa mga outstanding Sarangans”, dugang pamahayag ni BM Saguiguit.
Gikadugang pa usab nga adunay dugang bag-ong pa-contest nga moro cottages ug i-launch usab  ang Mini Moseum ABC building ug daghan pang mga makalingaw nga pasundayag.
Hinoon gikadugang pa niini nga uban sa iyang kaubanan nga board members ug mga opisyal sa maong probinsya nga makahatag ug katagbawan atol sa maong kasaulogan.
(Danny Bojos, Jr.)