NEWS

Nasunugan sa Puting Bato,
irelocate- Salubre

Gikabutyag ni Calumpang Brgy. Capt. Reynaldo  Salubre nga andam na ang luna nga kabalhinan sa  mga pamilya nga anaa sa Acharon Sports Complex diin pinaagi usab kini sa paningkamot nga gibuhat sa iyang administrasyon.  Nasayran nga duha ka mga dapit ang mamahimong balhinan diin mao ang Barangay Bawing ug ang Barangay Fatima. Bout lamang matud pa ug mas luwas sa peligro nga kahimtang sa matag pamilya ang kapitan diin makab-ot lamang kung mubalhin na sila. “ Gusto lang nako nga safety sila ug kung mabalhin man sila, ila na unta nga yuta ang ilang tukuran sa ilang panimalay aron wala nay problema pang mutumaw human sa ilang pagbalik ug pamuyo”.  Makadawat usab Cash Assistance ang  mga apektado sa sunog ingon man ang libreng bugas nga gikan sa barangay pinaagi usab sa pondong gipagula niini human gipailawom kini sa “state of calamity” niadtong nakalabayang semana. Managlahi usab  ang gihimong reaksiyon sa mga residente nga apektado. Dunay miuyon sa maong proposal sa barangay ug dunay nagkanayon nga wala matud pay problema kanila ang planong pagrelocate apan buot lamang matud pa nilang pamatud-an ang unsa gayud ang tinood nga baruganan sa tag-iya mismo sa yuta asa pakyas kini nga makig istorya kanila. Samtang sa laing bahin walay hunong usab ang pagbubo ug hinabang sa mga nasunugan gikan sa mga nagkadaiyang NGO's dinhi sa  dakbayan susama sa RCR Foundation diin nang-apud apud sila sa ilang hinabang nga  mga bugas. Wala pa usab gitino ang saktong petsa sa pagrelokar sa mga evacuees asa padayon pang gitun-an sa mga nagpaluyo sa maong plano.
(Cris Legaspi)     

“Hinaot nga dili na dugayon  ang kaso”-Cablitas

FOREST LAKE-Gipangandaman na  sa mga myembro sa Heirs of 11/23 Heroes ang umaabot nga duha ka tuig nga kasumaran sa mangilngig nga Maguindanao Massacre. Matud pa ni Elliver Cablitas,ang biyudo ni anhing Marites Calitas (Mindanao Focus Reporter) mibarug nga Chairman sa maong kahugpungan nga mamahimong memorabli ug emosyunal ang maong petsa karung umaabot nga Nobyembre 23, kasamtangan nga tuig. Anaa ang paghalad ug mga bulak, pagdagkot ug kandila. Plano usab niini nga muadto mismo didto sa “Massacre Site” nga kung hain nahitabo ang maong krimen nga adunay  58 ang natalang biktima usa ang missing ug kadaghanan, kapin 30 ang sakop sa media. Nagalaum si Cablitas  nga mahatagan kini ug hustisya nga gipaabot usab sa mga nahibiling pamilya." Magpabilin ta ug nagpabilin kami karun kay Pangulong Pnoy nga aduna pay paglaum nga amung madawat kay murag nagkadugay ang kaso murag ginahinay usab kami ug lubong. Kita man kaha ang Boss? hinaot unta nga dili na dugayon kundili unsa bay matinud anun ba nga maangkon nato  ang pagbabago ." Saysay niin Kahibaluan nga niadtong milabay nga kalag kalag ang maong grupo emosyunal sa pribadong sementeryo sa Apopong  mipahigayon usab ug mga pag ampo sa ilang mipanaw nga mga minahal sa kinabuhi nga mitaliwan na tungod sa mangilngig nga “massacre”.
(Joemar Plasabas)

Riding in Tandem ,
suspek sa hold-up!

MALAKAS PNP- Gidagit sa Riding in Tandem nga mga kawatan ang kapin 30 mil pesos nga kabtangan sa tulo ka mga biktima nga nailahang sila Sonny Oclarit, 21 anyos, estudyante, taga Dona Soledad, Brgy. Labangal, Kathyrine Adolfo, 20 anyos, estudyante nga taga Blk. 1, Brgy. City Heights ug Jienlee Corporal, 22 anyos, usa ka magtutudlo nga taga Oblipas Village, Brgy. Calumpang ning dakbayan. Naglakaw matud pa ang mga biktima sa Blk. 4, Morales Extension, Brgy. City Heights apan usa ka Honda wave motorcycle nga adunay plaka numero MD 9822 ang nihunong sa ilang tungod ug gitiunan sila ug pusil dungan  deklara ug hold-up. Nakuha sa tulo ka mga suspetsado ang usa ka E-machine Laptop nga nagkantidad ug 23 mil pesos, tulo ka cellphone, 500 pesos cash ug NEO Laptop nga bayranan pa sulod sa duha ka tuig. Human natigayon ang pagpanulis, daling nisutoy ang mga suspetsado sa wala matinong direksyon. Nagpakatag na ang kapulisan sa posibleng pagkasikop sa mga suspetsado.
 (Gretchen Oliver/ Dave Silagan)

Lalaki gidunggab sa
bayaw, patay!

MALAKAS PNP- Dead on Arrival  nga nahidangat sa General Santos City District Hospital si Melvin Galve, 29 anyos human kini gidunggab sa iyang bayaw nga si Jessie Amoguis. Nasayran nga ayha nahitabo ang pagpanunggab, mainiton matud pang  naglalis ang biktima ug ang igsoon niining si Elsa Amoguis sa ilang giabangang balay sa TKT Compound, Prk. Naval, Brgy. San Isidro ning dakbayan. Gidapigan sa suspetsado ang iyang asawa kung diin nasangko kini sa pagpanunggab ngadto sa biktima. Naka-angkon ug samad dinunggaban sa iyang dughan ang biktima nga niresulta sa iyang hinanaling kamatayon. Sa kasamtangan, gihan-ay na ang warrant of arrest alang sa suspetsado.
(Dave Silagan/ Gretchen Oliver)

17 anyos nga taga Malungon, gipangita

Nanawagan karon sa publiko ang pamilya ni Daisy Joy Galacio, 17 anyos, nga taga Sitio Dalangdang, Brgy. Nagpan, Malungon, Sarangani Province nga human kini nawala niadtong Oktubre 30 tuig kasamtangan nga ipahibalo kanila kung si bisan kinsa man ang nakakita sa nahisgutan. Sumala pa ni Jemarie Galacio, igsoon niini nga nihawa ang nahisgutan sa ilang panimalay sa Malungon aron mobalik sa iyang ginatrabahoan sa panimalay nila Susan Tabalanza, 39 anyos, usa ka magtutudlo nga taga Dona Soledad ning dakbayan. Samtang nagbyahe matud pa ang biktima, nakatext kini sa iyang igsoon nga nagpahibalo nga padulong na kini sa Dona Soledad apan nasayran nga hangtud karong tungura wala pa nakaabot si Daisy Joy sa iyang amo. Kung si kinsa man ang nakakita kang Daisy Joy, ipahibalo o itext lang sa 09208185674 o 09484060778.
(Gretchen Oliver/Dave Silagan)