SPORTS

Pacquiao Llamado sa pustaanay

Usa sa mga hinungdan kung nganong nanguna sa pustahan ang Filipino Ring Icon kini tungod sa “box office” pag-abot sa pay-per-view ratings ug ang istilo sulod sa boxing ring. Mas gipaburan  sa mga mananaya si WBO Welterweight Champion Manny Pacman Pacquiao kung itandi sa kaatbang niining si  Lightweight Champion Juan Manuel Marquez.  Si Marquez anaa lamang sa “positive” +500, buot ipasabot niini ang $100 nga pusta kang “El Dinamita” modaug kini ug $500.  Samtang kang pound-for-pound king anaa sa “negative” -800 kun  ang $800 nga pusta ang madaugan niini anaa lamang sa  $100.  Sa pikas bahin, gikumpirma karon sa Nevada State Athletic Commission (NSAC) nga nakapili na sila ug referee alang sa  umaabot nga Pacquiao-Marquez trilogy. Ang veteran referee nga si Tony Weeks ang ikatulong tawo ibabaw sa ring kung asa maoy magbantay sa maong dula.  Tungod sa kontrobersyal nga resulta sa mga unang dula ni Paquiao ug Marquez, namahayag si Top Rank Promoter Bob Arum nga mas maayong batan-on ang ring official sa maong pangasangka, aron masiguro nga walay ginadapigan  ug limpyo ang umaabot nga dula sa mga banggiitang boksidor.  Kahinumduman nga si Weeks mao usab ang referee sa Pacquiao-De La Hoya “Dream Fight” niadtong tuig 2008 ug re-rematch nilang  Paquiao ug  Antonio Barrera niadtong tuig 2007  kung asa mukabat na sa treynta ka mga world title ang gidumalaan niini.  Ang Pacquiao-Marquez fight mahitabo karong umaabot nga adlaw'ng Dominggo petsa 13 bulan sa Nobyembre tuig 2011 didto sa MGM Grand Garden Arena, Las Vegas, Nevada.
(Ed Angeles/Dave Silagan)