NEWS

Pacquiao-Marquez  Trilogy, Giatangan

SARANGANI PROVINCE-  Andam na ang libre nga pasalida kun ang Live Pay-Per-View atol sa Pacquiao-Marquez Fight karong umaabot nga adlaw'ng Dominggo petsa 13, bulan sa Nobyembre tuig 2011 (Manila time) sa pipila ka mga Munisipalidad sa Probinsya sa Sarangani ug kini ang gikumpirma ni Bren  Evangelio ang Chief of Staff sa Congressional office. Samtang dinhi sa dakbayan sa Heneral Santos gawas sa General Santos City Gym nga libreng masaksihan sa mga taga syudad ang dula ni Pacman, 12 matud pa ka mga dagkong barangay ang posibling aduna usa'y pay-per-view kana usab sa pagpaningkamot ug insyatibo nilang Apopong Barangay Kapitan Ruel Pacquiao, Barangay Labangal Capt. Lorelie Pacquiao ug MP Promotion.
Sa pikas nga bahin kasado na ang Homecoming ug Heros Welcome ni Filipino Boxing Ring Icon ug Sarangani Congressman Manny Pacman Pacquiao kini ang gikumpirma ni Michelle Solon ang Regional Tourism Council President sa Rehiyon 12 sa pakighinabi sa personahe sa Abante Socsargen News niadtong nakalabay nga semana didto sa KCC Mall of Gensan kung asa gipahigayon ang 4th National Summit Information and Communication Technology Summit. Sumala pa niini, mapildi man o magmalampuson sa away ang pambansang kamao pinalahi nga Heros Welcome matud pa ang himuon sa probinsya sa Sarangani alang sa boksidor nga magbabalaud nga ika-kurat kun ika-surpresa niini. Ang hero's welcome magsugod didto sa Buayan Bridge sa alas 4 sa hapon lahos  na didto sa Sarangani Capitol Ground kung asa ipahigayon usab ang opening ceremony sa Munato Festival. “Ang plano namin is to really make special. We are already claiming, he will win so were giving him a hero's welcome. He deserves it in Sarangani and now from Sarangani. We do something for him and the home town.” Ang pamahayag ni Michelle Solon. 
 (Ed Angeles)

Maguindanao Massacre,
2 ka tuig Na!

 GENSAN-Gipangandaman na karon sa National Union of Journalist in the Philippines (NUJP) ang paghinumdum sa ika-2 ka tuig nga Maguindanao Massacre sa umaabot nga Nobyembre 23, 2011. Niadtong Oktubre 21, gisugdan sa mga miyembro sa NUJP Maguindanao, Koronadal City, Cotabato City ug General Santos City ang   mga aktibidades nga pagahimoon. Una niini ang pagpahigayon ug “candle lighting ceremony” isip paghatag ug hustisya sa 58 ka mga biktima sa maong krimen kung diin 32 niini mga media practitioners.
Sa Gensan pangulohan ni NUJP Gensan Chapter President Edwin Espejo, ang mga pagahimoong aktibidad lakip na ang presensya sa mga magsisibya sa lokal Tri-Media  sa dakbayan. Panawagan sa mga opisyales sa NUJP subling magkahiusa ang tanang magsisibya sa tibook nasud arun maundang na ang pagpamatay sa mga media workers. Nanawagan usab si Sonny Hernandez, National Vice Chairperson, NUJP nga aksyunan na sa kasamtangang administrasyon ang pagdakop sa mga suspetsado.
  Magkahiusa” kini usab ang panawagan ni KBP Sarangani-General Santos (SARGEN) President James Catalan, ngadto sa mga media practitioners. Aduna matud pay ipahigayon nga misa sa Forest Lake Cemetery nga pagatambungan usab sa mga kabanay sa biktima. Mensahe niini sa gobyerno hatagan ug igong panahon arun maresolba na ang maong krimen. “Well, nanawagan ako sa gobyerno natin ngayon na sana madaliin nila yung pag resolba sa Maguindanao Massacre case, kasi napapansin ko medyo mabagal yung aksyon nila although inaasikaso nila.. kasi mag 2 years na ito, hindi parin nakamit ng mga pamilya ng biktima ang hustisya…” pamahayag ni KBP SarGen Pres. Catalan. “Hindi tayo dapat mawalan ng pag-asa. Meron tayong Dios na tutulong sa atin. Dun lang tayo kakapit kasi kung wala Siya, hindi tayo magiging malakas.” mensahe nga buot ipaabot ni Mrs. Editha Tiamzon, asawa ni Daniel Tiamzon- UNTV Gensan driver nga nahilakip sa mga  biktima sa maong krimen.
Ideklara isip “International Day to End Impunity” ang Nobyembre 23, 2011 isip paghinumdum sa nabiktima sa Maguindanao Massacre kun giila isip Ampatuan Massacre. Magpahigayon usab ug “Moment of Silence” ang kinatibuk-ang KBP member stations subay sa gihimo niini niadtong nakalabay'ng tuig.
(Kathy Kasayan)