NEWS

 Power Supply Agreement,
kinahanglang ma-aprubahan

Kinahanglan matud pang maaprubahan ang Power Supply Agreement sa South Cotabato II Electric Cooperative, Inc. kun SOCOTECO 2 ug Conal Holdings Corporation tungod importante matud pa ang Long Term Power  Supply Agreement  ilabi na nga nag-atubang karon ug seryosong suliran ang SOCOTECO 2 kabahin sa kakulangon sa supply sa kuryente. Sumala pa ni Engr. Rodolfo Ocat ang General Manager sa maong korporasyon nga sa tuig 2014 mas musamot pa ang masinatiang brown out sa syudad tungod sa supply niini. Ang Long Term Power Supply solusyon matud pa sa sige ug brown-out sa dakbayan. “Ang PSA covers sa supply ng Long Term Power Supply with SOCOTECO 2, to start 2014 or early 2015, because we are anticipating na by that year kulang na talaga ng power. Sa ngayon kasi, nagkulang na ang power ng National Power Corporation kaya nagkakaroon tayo ng mga time to time  brown outs noh… everytime nagkakaroon ng ahh… preventive maintenance yong isang planta ng NPC automatically dahil ahh..tamang-tama lang yong supply ng power ngayon.” matud pa ni Engr. Ocat. Dugang pa niini, usa usab ka problema mao ang pag-anam-anam ug paubos nga paghatag ug supply sa National Power Corporation kung asa sa usa ka tuig kun karong tuig 2012,  75 Megawatts na lamang ang gi-aprubahan niini. “ Ang isa pang problema aside sa annual nalang yong kontrata ng NPC sa Power Contract natin with them, is binabawasan pa nila every year. So sa 100 megawatts ngayon binigay nalang sa atin for 2012 is 75 Megawatts out of 100 so short na tayo.” dugang pamahayag niini.  Sa kasamtangan, nakafile karon sa Energy Regulatory Commission ang nahisgutang kasabutan ug karong umaabot nga bulan sa Desyembre magpahigayon ug Public Hearing ang ERC aron kung maaprubahan man ma-implementa na ang maong kontrata.
(Ed Angeles)

Prk. Bangsamoro sa  Calumpang
Modelo sa  CENRO

BRGY. CALUMPANG-Dako ang posibilidad nga mamahimong modelo sa tibuok syudad ang Purok Bangsamoro sa Brgy. Calumpang. Kini human sa ilang gipahigayun nga pasundayag sa pinaka limpyo nga kalye sa ilang purok niadtong nakalabayng semana sa nahisgutang dapit. Gisalmutan sa unom ka mga kalye ang maong pasundayag asa suportado usab kini sa ilang kapitan diin maoy nahimong usa sa mga hurado. Sumala pa sa ilang Purok Chairman nga si Bro. Akmad Abtahi nga kini na ang ilang nahimong lakang isip pagpamatuod sa kadaghanan nga sayop ang pagtan-aw kanila nga hugawan nga mga residente. Bout nilang ipakita sa kadaghanan nga dunay disiplina ang ilang mga katawhan diin kanunay sa pagtamabayayong alang sa kalambuan sa ilang pinanggang purok. Gibutyag usab ni John Hitalia sa Solid Waste Management sa CENRO nga gikalipay gayud sa ilang buhatan an inisyatibong lakang nga gihimo sa ilang mga lideres diin wala na magtan-aw matud pa sa kaugalingon kung dili alang na sa kadaghanan ug labaw sa tanan sa umaabot pa nga mga henerasyon nga masayran nila ang importansya sa usa ka limpyo nga komunidad. Nasayran nga niadto lamang petsa 7 sa Septembre ang pag bulag sa ilang purok gikan sa Prk. Acharon nga sumala pa ni Mr. Abtahi pila na ka henerasyon nilang  gihangyo sa matag kapitan sa ilang barangay nga milabay.
 Dul-an 700 ka mga pamilya ang malipayong mipartisipar sa maong kalihukan . Gibutyag usab ni Hon. Reynaldo Salubre nga dako ang iyang pagsalig sa mga lideres ug sa maong purok nga makab-ot gayud nila ang ilang pangadoy nga kahiusahan ug labaw sa tanan ang mamahimong modelong purok . Sa laing bahin gipahigayun usab ang libreng pakaon sa mga kabataan sa Prk.Kilantang diin dul-an 300 ka mga bata ang gipaka-on sa mga taga barangay isip kabahin usab sa ilang pagtubag sa problema sa malnutrisyon. Lauman na lamang matud pa sa mga taga Barangay Calumpang ang sunod sunod nga mga serye sa ilang feeding program diin sunod na sa mamahimong pakan-on nga mga bata mao ang taga purok Bangsamoro.
(Cris Legaspi)

VM Panayaman sa
Malapatan mipanaw na!

Malapatan, Sarangani -  Gikasubo karon sa kinatibuk-an sa Sanguniang Bayan ug katawhan sa munisipalidad sa Malapatan ang pagpanaw sa ilahang halandong Bise Mayor nga si Jinal P. Panayaman, sa edad nga 56 anyos, niadtong alas dos sa buntag Nobyembre 4 ning tuig. Nakasinati matud pa ang Bise Mayor sa sakit nga “pancreas cancer,” usa ka klase nga sakit nga “malignant cell“ ug makita sa  (tissue) sa atong pancreas nga dugay niya'ng gibati. “Daku kaayo ang kakulangon karon sa pagpanaw sa atong usa sa dakung opisyal nga si the late Vice Mayor Jinal Panayaman. Kabalo ta nga kanang tawhana, bisan gabii unsang adlawa o unsang orasa basta kinahanglan ang iyang presensya ug serbisyo hilabi na didto sa kabukiran iyaha gayud nga pagasulbaron ang problema sa katawhan didto sa kabukirang bahin.” Matud pa ni  Mayor Alfonso Singcoy. Kahibaluan nga bag-o nahimong Bise Mayor si Panayaman nagserbisyo na kini sa Barangay Lun Padidu isip Kagawad ug Kapitan nga natapos niini ang tanang termino ug usa ka termino isip Municipal Kagawad.  Nagpakita usab sa ilang presensya ang mga opisyal sa nagkadaiyang munisipalidad ug mga dagkung opisyal sa probinsya sa Sarangani. Nasayran nga bag-o gihatod si kanhing Bise Mayor Panayaman sa iyang lubnganan, giagi pa kini sa Munisipyo sa Malapatan aron sa paghatag ug pasidungog ug paghinumdum sa mga nahimo ani nga kaayuhan isip tinahud nga opisyal sa Malapatan.
(Bonie Santillan)

Pacquiao-Marquez 3,
100% walay brown-out

Gipaniguro ni Crisanto C. Sotelo ang Technical Services Department Manager sa SOCOTECO 2 nga syento porsyento matud pang walay mahitabong brown out atol sa fight ni 8-Time World Champion ug Sarangani Congressman Manny Pacman Pacquiao batuk kang WBO/WBA Lightweight Champion Juan Manuel Marquez. Usa matud pa ka dakong sala kung adunay brown out nga mahitabo atol sa fight sa Pambansang kamao. “During sa schedule sa boxing ni Manny Pacquiao with Marquez, ahh… siguro diri sa SOCOTECO 2 Mortal Sin siguro kung magconduct me ug mga preventive maintenance during that time. simultaneous na laban.” Pamahayag pa ni Sotelo. Dugang pa niini kung wala matud pay mahitabong mga kakulian susama na lamang sa pagpahigayon ug preventive maintenance sa NPC imposibli matud pa ang brown-out sa fight niini. Kahibaluan ang Pacquiao-Marquez Trilogy mahitabo karong Nobyembre 13, 2011 didto sa MGM Grand Garden Las Vegas Nevada.
(Ed Angeles)