TRAFFIC CONTROL DIVISION- Dead on Arrival nga nahidangat sa Socsargen Hospital ang usa ka Marlon Dajar, 28 anyos, nga taga David Homes Subdivision, Brgy. Katangawan, General Santos City human nabangga ang gisakyan niining Multicab sa kasugat nga Truck sa Lansang Compound, Prk. 11 Lagao national Higway alas 4:20 ang takna sa kahapunon niadtong Oktubre 9, 2011.
Nasayran nga padulong sa Davao City ang mga biktima sakay sa Suzuki Mutlicab nga gimanehoan ni Rubin Timoging ug ang Mitsubishi Truck nga adunay plaka numero MVR-368. Ni-overtake matud pa ang Multicab sa Truck apan nawad-an kini ug kontrol hinungdan nga nabangga kini sa kasugat nga Elf Truck nga adunay plaka numero GKC-595 ug gimanehoan ni Bernando Lemente. Nabalintong ang maong Multicab ug nababag sa dalan hinungdan nga nabungguan usab kini sa Truck nga gi-obertikan niini.
Naangol usab si Aurillo Llorin Jr., 22 anyos nga lumulopyo sa Davis Homes Subdivision ning dakbayan nakahiagom ug bun-og ug samad sa ulo. Kasamtangan nagpaalim na kini sa ilang panimalay human gipagawas sa balay tambalanan.
(Gretchen Oliver/ Dave Silagan)
Walang komento:
Mag-post ng isang Komento