Showbiz

Jinkee Pacquiao, live nga mitan-aw
sa dula sa Azkals

Nag-enjoy gayud ang kapikas sa kinabuhi ni Pound-for-Pound king Manny Pacman Pacquiao nga si Jinkee kauban ang  kambal niini nga si Janet Jamora ug uban pang mga higala nga ningtan-aw ug live atol sa “Friendship  Game” tali sa Philippine Football Team Azkals ug Nepal Tigers didto sa Rizal Memorial Stadium niadtong Oktubre 12, 2011. Sa kada-goal sa team Azkals dili gayud matago ni Jinkee ang kalipay nga gibati.  Pipila usab ka mga artista ang ningsaksi sa maong dula susama na lamang sa TV Host/Swimmer nga si Christine Jacob.  Samtang wala usab nakatan-aw ang “rumored girlfriend” sa Azkal player Phil Younghusband nga si Angel Locsin tungod sa conflict  nga schedules niini. Kahibaluan, daug ang Azkals batok sa Nepal nga adunay score nga 4-0.
 (Ashanna Lucman)

Lovi Poe nag topless sa Aswang!

Malipayon nga gipahibalo sa young sexy actress nga si Lovi Poe nga aduna kini'y gihimong movie kung diin nag topless kini samtang gabutang ug oil sa iyang kalawasan atul sa taping niini sa pelikulang “Aswang” nga nahilakip sa 'Christmas Tree' episode sa 'Shake, Rattle & Roll 10'. “may scene na I'm topless while I'm putting oil all over my body. I also have hot love scenes with Paulo Avelino that according to our director, Jerrold Tarog, is animalistic ang dating.” saysay ni Poe. Matud pa sa dalaga ang pagsalig nga gihatag kaniya sa Regal ang miduso kaniya nga himoon ang maong eksena. “Si Mother kasi has always believed in me at a time na I was a nobody at walang pumapansin sa'kin,” she says. “I remember nagkasama kami noon sa elevator and she told me. 'You're going to make it… “Dugang pa sa dalaga daghan na matud pa kini nahimong sexy movies apan aduna matud pay kabag-ohan ang gihimo niyang pelikula karon tungod sa pagsugot niini nga mag topless.

Sa pikas bahin gitubag usab ni Lovi ang mga taho may kalabutan sa relasyon niini kang Jake Cuenca. “That's not true. I haven't seen Jake for a quite a while tapos nagbababad daw ako sa condo niya, ano ba yun?” pamahayag sa aktres. Naghinam-hinam na usab si Lovi alang sa umaabot nga movie niini nga “Yesterday, Today and Tomorrow” kung diin makauban niini si Jericho Rosales isip iyang leading man. “It's a dream come true for me kasi grade six pa lang ako, fan na niya ko in 'Pangako Sa'Yo.”
(Kathy Kasayan)

Bag-ong sapatos ni Pacman, gipagawas na
sa usa ka sikat nga kompanya

Gipagawas na sa usa ka sikat nga sporting apparel ang bag-ong bersyon nga sapatos ni WBO Welterweight Champion Manny Pacquiao alang sa nagkaduol nga fight niini batok kang Juan Manuel Marquez. Kahibaluan makadaghan na usab nga higayon nga gihimuan ug espesyal nga sapatos si Pacman susama na lamang sa ulahing panagsangka niini ibabaw sa ring.  Nagbalor ang nahisgutang trainer shoe sa $170 kun P7, 300 nga adunay kulay nga pula, blue, puti ug gamay nga yellow nga mi-representa isip kulay sa bandera sa nasud  Pilipinas. Ang Pacquiao-Marquez fight 3 mahitabo karong umaabot nga Nobyembre 12, 2011 didto sa  MGM Grand Garden Arena, Las Vegas, Nevada. (Ashanna Lucman)

Venus Raj gipasidunggang
“Woman of the Year” sa
Gawad Amerika…

Gikatakdang pasidungan isip Woman of the Year si 2010 Miss Universe 4th Runner Up Venus Raj. Ang nahisgutang  10th Annual Gawad Amirika Awards Night ipahigayon karong Nobyembre singko tuig kasamtangan didto sa Celebrity Center International sa Hollywood, California. Subay niini dako usab ang pasalamat sa nahisgutang beauty Queen sa maong pasidungog.
(Venus C)

Sam Milby hinungdan sa break
ni KC ug Piolo?

Nakurat ang madlang otchosero ug otchosera sa dihang migawas ang pangalan ni Sam Milby nga matud pa maoy hinungdan sa break up kun panagbulag sa managhigugmaay nga silang Piolo ug KC.Ang maong taho mikaylap sa dihang namatikdan nga daw nagkabugnaw na ang relasyon sa duruha, ilabi na sa dihang nagpagawas ug pahayag ang dalagang actress nga  dili pa matud niya masulti kung sila paba ni papa Piolo.
Sa pikas bahin hugot usab gilayon ang pagpanghimakak ni Sam Milby sa maong taho matud pa niini nga wala siyay kasayuran sa nadangatan sa relasyon sa duruha, gani wala na sila nagkahinabi sa actress ilabi na nga mi adto na kini sa Paris. Subay niini nanghinaut ang actor nga kung duna may problima sa relasyong Piolo ug KC unta ila kining masulbad sa mas madaling panahon.
.( Venus C)