Manny Pacquiao “Speed” ang gitutukan!

Gikumpirma karon sa kampo ni WBO/WBA Lightweight Champion Juan Manuel Marquez nga magkuha kini ug grupong espesyalista sa pagpadayon sa training niini aron tupngan ang kapaspason ug kakusgon sa kinumo ni WBO Welterweight Champion Manny Pacman Pacquiao. Didto sa Iztacalco gym sa Mexico, hugot gihapon ang gihimong pagpangandam ni Marquez alang sa ikatulong panagharong niini ibabaw sa ring. Target ni Marquez nga makahimo ug bag-ong game plan atol sa fight nilang duha ni Pacman. Samtang, usa lamang usab ang tumong sa “Mexican Warrior” ug kini mao ang pagpalukapa kun “Knockout” sa Pambansang kamao."I'm getting the best preparation of my career for the fight on November 12, and going there with one goal in mind - to knockout Manny Pacquiao," pahayag ni Marquez.
Sa pikas bahin, gitutukan usab karon sa Pound-for-Pound King ang “Speed” kun ka paspason sa iyang kinumo alang sa maong fight. Gani, sa unang adlaw pa lamang didto sa Wild Card Gym, usa ka sparring session gilayon ang gisugdan sa Pambansang kamao. Kahibaluan, nabun-og ug luya kaayo ang mga ka sparring mate ni Pacquiao nga silang Two-time World Champion Jorge Linares sa Venezuela ug Ray Beltran human sa session. Gipamahayag usab sa pambansang kamao nga dili na matud pa niya ipatigbabaw ang iyang kaluoy sa kaatbang niining boksidor. Samtang makasaysayanon matud pa ang ilang panagharong sa ikatulong higayon karong Nobyembre 12, 2011 didto sa MGM Grand Garden Arena, Las Vegas, Nevada tungod "labanan ng lahi" kini. Dugang pa sa "Pinoy Ring Icon" nga  kinahanglan makab-ot niini ang 100 porsyentong kondisyon tungod dili matud pa basta-basta ang iyang kalaban.
 (Ed Angeles)