BULA PNP- Balhog karon sa selda sa Bula PNP ang usa ka Rollan Rabino, 37 anyos, nga lumulopyo sa Zone 6, Brgy. Bula ning syudad sa Heneral Santos tungod sa kasong Sexual Abuse/Rape sa usa ka 20 anyos nga dalaga ning milabay'ng adlaw.
Sa record sa Bula PNP, niadtong Oktubre 9 alas 3 ang takna sa hapon padulong ang biktima nga si alyas “Lyn-Lyn” sa banyo apan giatangan kini sa suspetsado ug gipugos sa pagdala sa lawak niini ug didto nahitabo ang maong pagpanglugos sulod sa boarding house nga gipanag iyahan sa suspetsado.
Daling nangayo ug tabang ang amahan sa biktima human nakaplagan ang iyang anak sa maong lawak kung diin naabtan pa niini ang suspetsado nga natulog sa salog ug wala na'y sapot sa kalawasan.
Sa kasamtangan, ginahulat pa sa Bula PNP ang biktima aron pormal nga mupasang-at ug kaso.
(Dave Silagan/Gretchen Oliver)
Walang komento:
Mag-post ng isang Komento