Social Networking Sites, dakong tabang sa Labangal

Brgy. Labangal -Dako ang nahimong tabang sa Social Networking Sites sa barangay Labangal karon sa pagpanerbisyo sa katawhan. Kini human namugna ang Facebook Account sa nahisgutang Barangay kong asa mamahimong mopadangat ang tanang miyembro sa ilang mulo pinaagi sa pagpost niini sa wall. Bout matud pang palapdon ang kamot alang sa pagpanerbisyo sa maong barangay sa pagpanguna ni Hon. Lorelie G. Pacquiao. Gibutyag usab ni L. Pacquiao nga dako gayud ang tabang sa maong social sites tungod kay mas dali nang masayran sa iyang administrayon uban sa iyang mga konsehal ang unsa mang problema nga angay nilang hatagan ug pagtagad sa ilang mga katawhan.
Subay niini mamahimo na usab nga makita sa tanan ang unsa mang kalihukan sa barangay sama sa mga coastal clean-up, Feeding program ingon man ang live nga video sa gina pahigayong sa sesyon sa barangay matag semana. Miani usab ug pagdayeg ang maong lakang sa barangay ngadto sa mga katawhan niini.Mas dali na matud pa nilang mapa abot ang ilang mga molo ug hangyo  sa mga serbisyo sa ilang barangay. Kahibaluan nga pipila pa lamang sa mga barangay sa tibuok dakbayan ang dunay kaugalingong website alang sa ilang pag panerbisyo. Ania ang usa sa mga komunikasyon nga gipaagi sa gihimong account sa Facebook sa barangay Labangal.  Led Dee: kailan po schedule ng pagkuha ng basura d2 sa Prk.Manga,Saway pati po d2 sa Prk Acharon sa Orchids St. Di na kasi na kolekta mga basura namin d2.nasisira na lng ang sako sa tagal na nka imbak...,
Sumala pa sa mga nahimong komunikasyun gipakita gayud niini nga dako na ang kalambuan kabahin sa pagsayod sa tinuoray nga kahimtang sa maong barangay. Kini tungod usab matud pa sa suporta sa mga katawhan ingon man sa maayong pag padagan sa administrasyon ni Brgy. Capt. Pacquiao.
 (Cris Legaspi)